PreetNama
ਸਮਾਜ/Socialਖਾਸ-ਖਬਰਾਂ/Important Newsਰਾਜਨੀਤੀ/Politics

PSPCL ਦੇ ਮੁਲਾਜ਼ਮਾਂ ਲਈ ਖ਼ੁਸ਼ਖ਼ਬਰੀ; ਸਟੇਟ ਬੈਂਕ ਆਫ਼ ਇੰਡੀਆ (SBI) ਨਾਲ ਸਮਝੌਤਾ, ਮਿਲੇਗਾ 1 ਕਰੋੜ ਰੁਪਏ ਦਾ ਮੁਫ਼ਤ ਬੀਮਾ

ਪਟਿਆਲਾ- ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ (PSPCL) ਨੇ ਆਪਣੇ ਹਜ਼ਾਰਾਂ ਮੁਲਾਜ਼ਮਾਂ ਦੀ ਵਿੱਤੀ ਸੁਰੱਖਿਆ ਅਤੇ ਭਲਾਈ ਲਈ ਇੱਕ ਇਤਿਹਾਸਕ ਕਦਮ ਚੁੱਕਿਆ ਹੈ। ਪਾਵਰ ਕਾਰਪੋਰੇਸ਼ਨ ਨੇ ਦੇਸ਼ ਦੇ ਸਭ ਤੋਂ ਵੱਡੇ ਬੈਂਕ, ਸਟੇਟ ਬੈਂਕ ਆਫ਼ ਇੰਡੀਆ (SBI) ਨਾਲ ਇੱਕ ਐਮ.ਓ.ਯੂ. (MoU – ਸਹਿਮਤੀ ਪੱਤਰ) ਸਹੀਬੱਧ ਕੀਤਾ ਹੈ। ਇਸ ਸਮਝੌਤੇ ਤਹਿਤ ਬੈਂਕ ਵੱਲੋਂ ਬਿਜਲੀ ਮੁਲਾਜ਼ਮਾਂ ਨੂੰ ਇੱਕ ਅਪਗ੍ਰੇਡਡ ‘ਕਾਰਪੋਰੇਟ ਸੈਲਰੀ ਪੈਕੇਜ’ (CSP) ਦਿੱਤਾ ਜਾਵੇਗਾ, ਜਿਸ ਵਿੱਚ 1 ਕਰੋੜ ਰੁਪਏ ਤੱਕ ਦੇ ਮੁਫ਼ਤ ਬੀਮਾ ਕਵਰ ਸਮੇਤ ਕਈ ਸ਼ਾਨਦਾਰ ਬੈਂਕਿੰਗ ਸਹੂਲਤਾਂ ਸ਼ਾਮਲ ਹਨ।

ਦੱਸਣਯੋਗ ਹੈ ਕਿ ਇਸ ਵੇਲੇ ਪੀ.ਐੱਸ.ਪੀ.ਸੀ.ਐੱਲ. ਦੇ ਲਗਭਗ 80 ਫੀਸਦੀ ਕਰਮਚਾਰੀਆਂ ਦੇ ਸੈਲਰੀ ਅਕਾਊਂਟ ਪਹਿਲਾਂ ਹੀ SBI ਵਿੱਚ ਹਨ। ਇਸ ਨਵੇਂ ਸਮਝੌਤੇ ਤਹਿਤ ਬੈਂਕ ਇਨ੍ਹਾਂ ਸਾਰੇ ਮੌਜੂਦਾ ਖਾਤਿਆਂ ਨੂੰ ਆਪਣੇ-ਆਪ (Automatically) ਨਵੇਂ ਸੀ.ਐੱਸ.ਪੀ. (CSP) ਫਰੇਮਵਰਕ ਨਾਲ ਲਿੰਕ ਕਰ ਦੇਵੇਗਾ, ਤਾਂ ਜੋ ਮੁਲਾਜ਼ਮਾਂ ਨੂੰ ਬਿਨਾਂ ਕਿਸੇ ਖੇਚਲ ਦੇ ਸਾਰੇ ਵਧੇ ਹੋਏ ਲਾਭ ਮਿਲ ਸਕਣ। ਇਸ ਤੋਂ ਪਹਿਲਾਂ ਐੱਚ.ਡੀ.ਐੱਫ.ਸੀ. (HDFC) ਬੈਂਕ ਵੱਲੋਂ ਪੰਜਾਬ ਪੁਲਿਸ ਦੇ ਮੁਲਾਜ਼ਮਾਂ ਨੂੰ ਵੀ ਅਜਿਹਾ ਹੀ ਹਾਦਸਾ ਵਿੱਤੀ ਕਵਰ ਦਿੱਤਾ ਜਾ ਚੁੱਕਾ ਹੈ।

ਨਵੇਂ ਪੈਕੇਜ ਦੀਆਂ ਮੁੱਖ ਵਿਸ਼ੇਸ਼ਤਾਵਾਂ:

  • 1 ਕਰੋੜ (100 ਲੱਖ) ਦਾ ਮੁਫ਼ਤ ਨਿੱਜੀ ਹਾਦਸਾ ਬੀਮਾ: SBI ਵੱਲੋਂ CSP ਖਾਤਾਧਾਰਕ ਬਿਜਲੀ ਮੁਲਾਜ਼ਮਾਂ ਨੂੰ ਹਾਦਸੇ ਵਿੱਚ ਮੌਤ ਜਾਂ ਪੂਰਨ ਅਪੰਗਤਾ (Permanent Total Disability) ਹੋਣ ਦੀ ਸੂਰਤ ਵਿੱਚ 1 ਕਰੋੜ ਰੁਪਏ ਦਾ complimentary (ਮੁਫ਼ਤ) ਬੀਮਾ ਕਵਰ ਦਿੱਤਾ ਜਾਵੇਗਾ।
  • ਅੰਸ਼ਕ ਅਪੰਗਤਾ ਕਵਰ (Partial Disability): ਡਿਊਟੀ ਜਾਂ ਕਿਸੇ ਹਾਦਸੇ ਦੌਰਾਨ ਸਰੀਰਕ ਤੌਰ ’ਤੇ ਅੰਸ਼ਕ ਰੂਪ ਵਿੱਚ ਅਪੰਗ ਹੋਣ ’ਤੇ ਮੁਲਾਜ਼ਮਾਂ ਨੂੰ 80 ਲੱਖ ਰੁਪਏ ਤੱਕ ਦਾ ਬੀਮਾ ਕਵਰ ਮਿਲੇਗਾ।
  • ਟਰਮ ਲਾਈਫ਼ ਇੰਸ਼ੋਰੈਂਸ: ਇਸ ਪੈਕੇਜ ਵਿੱਚ ਪਰਿਵਾਰ ਦੀ ਵਾਧੂ ਵਿੱਤੀ ਸੁਰੱਖਿਆ ਲਈ 10 ਲੱਖ ਰੁਪਏ ਦਾ ਗਰੁੱਪ ਟਰਮ ਲਾਈਫ਼ ਇੰਸ਼ੋਰੈਂਸ ਵੀ ਸ਼ਾਮਲ ਕੀਤਾ ਗਿਆ ਹੈ।
  • ਜ਼ੀਰੋ ਵਾਧੂ ਲਾਇਬਿਲਟੀ (ਬਿਲਕੁਲ ਮੁਫ਼ਤ): ਇਹ ਪੈਕੇਜ ਮੁਲਾਜ਼ਮਾਂ ਲਈ ਪੂਰੀ ਤਰ੍ਹਾਂ ਸਵੈ-ਇੱਛਤ (Voluntary) ਹੈ ਅਤੇ ਖਾਤਾਧਾਰਕਾਂ ’ਤੇ ਇਸ ਦਾ ਕੋਈ ਵੀ ਵਾਧੂ ਵਿੱਤੀ ਬੋਝ ਜਾਂ ਫ਼ੀਸ ਨਹੀਂ ਪਵੇਗੀ।

ਇਹ ਰਣਨੀਤਕ ਗੱਠਜੋੜ ਪੀ.ਐੱਸ.ਪੀ.ਸੀ.ਐੱਲ. ਵੱਲੋਂ ਆਪਣੇ ਕਰਮਚਾਰੀਆਂ ਨੂੰ ਮਿਆਰੀ ਬੈਂਕਿੰਗ ਸੁਵਿਧਾਵਾਂ ਦੇਣ ਦੇ ਨਿਰੰਤਰ ਯਤਨਾਂ ਦਾ ਹਿੱਸਾ ਹੈ। ਆਮ ਬੈਂਕਿੰਗ ਸੇਵਾਵਾਂ ਤੋਂ ਹਟ ਕੇ, ਇਸ MoU ਦਾ ਮੁੱਖ ਫੋਕਸ ਬਿਜਲੀ ਵਿਭਾਗ ਦੇ ਜੋਖਮ ਭਰੇ ਕੰਮਾਂ ਨੂੰ ਦੇਖਦਿਆਂ ਲਿਆ ਗਿਆ ਹੈ। ਡਿਊਟੀ ਦੌਰਾਨ ਲਾਈਨਮੈਨਾਂ ਜਾਂ ਹੋਰ ਤਕਨੀਕੀ ਸਟਾਫ਼ ਨਾਲ ਹੋਣ ਵਾਲੇ ਜਾਨਲੇਵਾ ਜਾਂ ਗੰਭੀਰ ਹਾਦਸਿਆਂ ਦੀ ਸੂਰਤ ਵਿੱਚ, ਇਹ ਰਾਸ਼ੀ ਪੀੜਤ ਮੁਲਾਜ਼ਮਾਂ ਅਤੇ ਉਨ੍ਹਾਂ ਦੇ ਆਸ਼ਰਿਤਾਂ (ਪਰਿਵਾਰ) ਲਈ ਇੱਕ ਵੱਡਾ ਵਿੱਤੀ ਸਹਾਰਾ ਬਣੇਗੀ।

Related posts

PM ਮੋਦੀ ਦੀ ਦੂਜੀ ਪਾਰੀ ਸ਼ੁਰੂ ਹੋਵੇਗੀ ਸ਼ਾਮੀਂ 7:00 ਵਜੇ, ਸੰਭਾਵੀ ਮੰਤਰੀਆਂ ਦੀ ਮੋਦੀ ਨਾਲ ਮੁਲਾਕਾਤ 4:30 ਵਜੇ

On Punjab

Goindwal Thermal Plant ਦੇ GVK ਮੁਲਾਜ਼ਮਾਂ ਨੂੰ ਪੱਕੇ ਕਰੇਗੀ ਸਰਕਾਰ; PSPCL ਵੱਲੋਂ 108 ਨਵੀਆਂ ਅਸਾਮੀਆਂ ਨੂੰ ਮਿਲੀ ਮਨਜ਼ੂਰੀ

On Punjab

ਆਸਾਰਾਮ ਬਾਪੂ ਨੂੰ ਮੈਡੀਕਲ ਅਧਾਰ ’ਤੇ ਛੇ ਮਹੀਨਿਆਂ ਲਈ ਮਿਲੀ ਜ਼ਮਾਨਤ

On Punjab