45.79 F
New York, US
March 29, 2024
PreetNama
ਸਮਾਜ/Social

ਭਾਰਤੀ ਚਮਗਾਦੜ ਦੀਆਂ ਦੋ ਪ੍ਰਜਾਤੀਆਂ ‘ਚ ਮਿਲਿਆ Bat Coronavirus, ICMR ਦੀ ਰਿਪੋਰਟ ‘ਚ ਹੋਈ ਪੁਸ਼ਟੀ

Bat coronavirus strain found: ਕੋਰੋਨਾ ਵਾਇਰਸ ਨੇ ਸਾਰੀ ਦੁਨੀਆ ਵਿੱਚ ਤਬਾਹੀ ਮਚਾ ਕੇ ਰੱਖ ਦਿੱਤੀ ਹੈ । ਹੁਣ ਤੱਕ ਦੁਨੀਆ ਦੇ 19 ਲੱਖ ਤੋਂ ਜਿਆਦਾ ਲੋਕ ਇਸ ਵਾਇਰਸ ਦੀ ਲਾਗ ਤੋਂ ਪੀੜਤ ਹਨ, ਜਦਕਿ 1 ਲੱਖ 20 ਹਜ਼ਾਰ ਤੋਂ ਵੱਧ ਲੋਕ ਆਪਣੀਆਂ ਜਾਨਾਂ ਗੁਆ ਚੁੱਕੇ ਹਨ । ਭਾਰਤ ਵਿੱਚ ਵੀ ਸੰਕਰਮਿਤ ਲੋਕਾਂ ਦੀ ਗਿਣਤੀ 11 ਹਜ਼ਾਰ ਨੂੰ ਪਾਰ ਕਰ ਗਈ ਹੈ । ਚੀਨ ਤੋਂ ਫੈਲਿਆ ਮਾਰੂ ਕੋਰੋਨਾ ਵਿਸ਼ਾਣੂ ਦਾ ਫਿਲਹਾਲ ਖੁਲਾਸਾ ਨਹੀਂ ਕੀਤਾ ਗਿਆ ਹੈ, ਪਰ ਇੰਡੀਅਨ ਕੌਂਸਲ ਆਫ ਮੈਡੀਕਲ ਰਿਸਰਚ (ICMR) ਦੀ ਰਿਪੋਰਟ ਵਿੱਚ ਇੱਕ ਅਹਿਮ ਖੁਲਾਸਾ ਕੀਤਾ ਗਿਆ ਹੈ ।

ਦਰਅਸਲ, ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ (ICMR) ਨੇ ਪਹਿਲੀ ਵਾਰ ਵੱਖਰੀ ਕਿਸਮ ਦੇ ਕੋਰੋਨਾ ਵਾਇਰਸ ਦੀ ਪਛਾਣ ਕੀਤੀ ਹੈ । ਇਹ ਵਾਇਰਸ ਚਮਗਿੱਦੜਾਂ ਵਿੱਚ ਪਾਇਆ ਜਾਂਦਾ ਬੈਟ ਕੋਰੋਨਾ ਵਾਇਰਸ ਹੈ । ਬੈਟ ਕੋਰੋਨਾ ਵਾਇਰਸ ਦੀ ਖੋਜ ਭਾਰਤ ਵਿੱਚ ਪਾਏ ਜਾਣ ਵਾਲੇ ਦੋ ਕਿਸਮਾਂ ਦੇ ਚਮਗਿੱਦੜਾਂ ਵਿੱਚ ਕੀਤੀ ਗਈ ਹੈ । ਇਸ ਵਾਇਰਸ ਨੂੰ ਬੀਟੀਕੋਵ ਵੀ ਕਿਹਾ ਜਾਂਦਾ ਹੈ । ਕੋਰੋਨਾ ਵਾਇਰਸ ਚਮਗਿੱਦੜਾਂ ਦੀਆਂ ਇਹ ਦੋ ਕਿਸਮਾਂ ਦੇਸ਼ ਦੇ ਚਾਰ ਰਾਜਾਂ ਕੇਰਲਾ, ਹਿਮਾਚਲ ਪ੍ਰਦੇਸ਼, ਪੁਡੂਚੇਰੀ ਤੇ ਤਾਮਿਲਨਾਡੂ ਵਿੱਚ ਪਾਈਆਂ ਗਈਆਂ ਹਨ ।

ਪਿਛਲੇ ਸਮੇਂ ਵਿੱਚ ਵੀ ਇਸ ਤਰ੍ਹਾਂ ਦੇ ਬਹੁਤ ਸਾਰੇ ਦਾਅਵੇ ਸਾਹਮਣੇ ਆਏ ਹਨ ਕਿ ਕੋਰੋਨਾ ਵਾਇਰਸ ਸਿਰਫ ਚਮਗਿੱਦੜਾਂ ਦੇ ਜ਼ਰੀਏ ਮਨੁੱਖਾਂ ਤੱਕ ਪਹੁੰਚਿਆ ਹੈ । ਚੀਨ ਵਿੱਚ ਲਗਪਗ ਹਰ ਕਿਸਮ ਦੇ ਜੰਗਲੀ ਜਾਨਵਰ ਖਾਣ ਦਾ ਰਿਵਾਜ ਹੈ । ਚਮਗਿੱਦੜ ਖਾਣ ਵਾਲੀ ਵੱਡੀ ਆਬਾਦੀ ਵੀ ਹੈ । ਹਾਲਾਂਕਿ, ਅਜੇ ਤੱਕ ਕੋਈ ਸਪੱਸ਼ਟ ਵਿਗਿਆਨਕ ਸਬੂਤ ਨਹੀਂ ਕਿ ਇਹ ਖ਼ਤਰਨਾਕ ਵਾਇਰਸ ਸਿਰਫ ਚਮਗਿੱਦੜ ਦੇ ਜ਼ਰੀਏ ਮਨੁੱਖਾਂ ਤੱਕ ਪਹੁੰਚਿਆ ਹੈ ।

ਦੱਸ ਦੇਈਏ ਕਿ ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ ਦੇ ਭਾਰਤੀ ਖੋਜ ਪੱਤਰ ਵਿੱਚ ਪ੍ਰਕਾਸ਼ਤ ਇਹ ਖੋਜ ਦਾਅਵਾ ਕਰਦੀ ਹੈ ਕਿ ਇਸ ਗੱਲ ਦਾ ਕੋਈ ਸਬੂਤ ਜਾਂ ਖੋਜ ਨਹੀਂ ਕਿ ਚਮਗਿੱਦੜਾਂ ਵਿੱਚ ਪਾਇਆ ਜਾਣ ਵਾਲਾ ਵਾਇਰਸ ਮਨੁੱਖਾਂ ਨੂੰ ਸੰਕਰਮਿਤ ਕਰ ਸਕਦਾ ਹੈ ।

Related posts

ਅਖਬਾਰ ਦੀ PDF ਕਾਪੀ ਨੂੰ ਸ਼ੇਅਰ ਕਰਨ ਵਾਲੇ ਸਾਵਧਾਨ ! ਤੁਹਾਡੇ ‘ਤੇ ਹੋ ਸਕਦੀ ਹੈ ਕਾਨੂੰਨੀ ਕਾਰਵਾਈ

On Punjab

ਧਾਰਾ 370 ਹਟਾਉਣ ਮਗਰੋਂ ਜੰਮੂ-ਕਸ਼ਮੀਰ ਦੇ ਡੀਜੀਪੀ ਦਿਲਬਾਗ ਸਿੰਘ ਦਾ ਵੱਡਾ ਦਾਅਵਾ

On Punjab

ਕਰਤਾਰਪੁਰ ਵਰਗਾ ਲਾਂਘਾ ਖੋਲ੍ਹਣ ਨਾਲ ਜੁੜੇ ਪ੍ਰਸਤਾਵ ’ਤੇ ਮਕਬੂਜ਼ਾ ਕਸ਼ਮੀਰ ਕਰ ਰਿਹਾ ਪੜਤਾਲ

On Punjab