ਮੁੰਬਈ-ਮਹਾਰਾਸ਼ਟਰ ਦੇ ਬੰਦਰਗਾਹਾਂ ਅਤੇ ਮੱਛੀ ਪਾਲਣ ਮੰਤਰੀ ਅਤੇ ਭਾਜਪਾ ਨੇਤਾ ਨਿਤੇਸ਼ ਰਾਣੇ ਨੇ ਬਾਲੀਵੁੱਡ ਸਟਾਰ ਸੈਫ ਅਲੀ ਖਾਨ ’ਤੇ ਹੋਏ ਹਮਲੇ ’ਤੇ ਗੰਭੀਰ ਸ਼ੰਕੇ ਖੜ੍ਹੇ ਕਰਦੇ ਹੋਏ ਕਿਹਾ, ‘‘ਕੀ ਉਨ੍ਹਾਂ ’ਤੇ ਸੱਚਮੁੱਚ ਚਾਕੂ ਨਾਲ ਵਾਰ ਕੀਤਾ ਗਿਆ ਸੀ ਜਾਂ ਇਹ ਸਿਰਫ ਇਕ ਹਰਕਤ ਸੀ। ਰਾਣੇ ਨੇ ਖਾਨ ਦੀ ਵੀ ਆਲੋਚਨਾ ਕੀਤੀ ਅਤੇ ਅਭਿਨੇਤਾ ਲਈ ‘ਕੂੜਾ’ ਸ਼ਬਦ ਦੀ ਵਰਤੋਂ ਕੀਤੀ।
ਆਗੂ ਨੇ ਕਿਹਾ “ਦੇਖੋ, ਬੰਗਲਾਦੇਸ਼ੀ ਮੁੰਬਈ ਵਿੱਚ ਸੈਫ ਅਲੀ ਖਾਨ ਦੇ ਘਰ ਵਿੱਚ ਦਾਖਲ ਹੋਏ ਹਨ। ਪਹਿਲਾਂ ਇਹ ਲੋਕ ਸੜਕਾਂ ਦੇ ਚੌਰਾਹਿਆਂ ’ਤੇ ਖੜ੍ਹੇ ਰਹਿੰਦੇ ਸਨ, ਹੁਣ ਉਹ ਘਰਾਂ ’ਚ ਵੜਨ ਲੱਗ ਪਏ ਹਨ ਤੇ ਸ਼ਾਇਦ ਉਹ ਉਸ ਨੂੰ ਖੋਹਣ ਆਏ ਹਨ | ਇਹ ਚੰਗੀ ਗੱਲ ਹੈ ਕਿ ਕੂੜਾ ਚੁੱਕਿਆ ਜਾਣਾ ਚਾਹੀਦਾ ਹੈ, ਜਦੋਂ ਉਹ ਹਸਪਤਾਲ ਤੋਂ ਬਾਹਰ ਆਇਆ ਤਾਂ ਮੈਂ ਵੀ ਦੇਖਿਆ ਅਤੇ ਮੈਨੂੰ ਸ਼ੱਕ ਹੋਇਆ ਕਿ ਕੀ ਉਸ ਨੂੰ ਸੱਚਮੁੱਚ ਚਾਕੂ ਮਾਰਿਆ ਗਿਆ ਸੀ ਜਾਂ ਨਹੀਂ।’’
ਇਸ ਤੋਂ ਪਹਿਲਾਂ ਹਮਲੇ ਦੇ ਬਾਵਜੂਦ ਅਭਿਨੇਤਾ ਦੀ ਫਿਟਨੈੱਸ ਦਾ ਜ਼ਿਕਰ ਕਰਦੇ ਹੋਏ ਨਿਰੂਪਮ ਨੇ ਕਿਹਾ, “ਡਾਕਟਰਾਂ ਨੇ ਕਿਹਾ ਕਿ ਚਾਕੂ ਸੈਫ ਅਲੀ ਖਾਨ ਦੀ ਪਿੱਠ ਦੇ ਅੰਦਰ 2.5 ਇੰਚ ਤੱਕ ਗਿਆ ਸੀ। ਸੰਭਵ ਤੌਰ ’ਤੇ ਉਹ ਅੰਦਰ ਫਸ ਗਿਆ ਸੀ, ਲਗਾਤਾਰ ਛੇ ਘੰਟੇ ਤੱਕ ਆਪਰੇਸ਼ਨ ਚੱਲਿਆ। ਇਹ ਸਭ ਕੁਝ 16 ਜਨਵਰੀ ਨੂੰ ਹੋਇਆ। ਅੱਜ 21 ਜਨਵਰੀ ਹੈ ਤਾਂ ਕੀ ਤੁਸੀਂ 5 ਦਿਨਾਂ ਵਿੱਚ ਹਸਪਤਾਲ ਤੋਂ ਬਾਹਰ ਆ ਗਏ ਹੋ?