ਅੱਜ ਇੱਥੇ ਪੰਜਾਬ ਸਕੱਤਰੇਤ ਵਿਖੇ ਐੱਨਆਰਆਈ ਪਰਿਵਾਰਾਂ ਦੇ ਇਕ ਵਫਦ ਨੇ ਵਿਦੇਸ਼ੀ ਮਾਮਲਿਆਂ ਦੇ ਕੈਬਨਿਟ ਮੰਤਰੀ ਕੁਲਦੀਪ ਸਿੰਘ ਧਾਲੀਵਾਲ ਨੂੰ ਮਿਲਕੇ ਜਲੰਧਰ ਜਿਲ੍ਹੇ ਦੇ ਬਲਾਕ ਮਾਹਿਤਪੁਰ ਦੇ ਪਿੰਡ ਉਧੋਵਾਲ ਦੇ ਕਾਂਗਰਸੀ ਸਰਪੰਚ ਮਨਪ੍ਰੀਤ ਸਿੰਘ ਵਲੋ ਆਪਣੇ ਪਰਿਵਾਰ ਨਾਲ ਮਿਲ ਕੇ ਕੈਨੇਡਾ ਵਿੱਚ ਵਸਦੇ ਗੁਰਪ੍ਰੀਤ ਸਿੰਘ ਮਾਨ ਦੇ ਪਰਿਵਾਰ ਦੀ ਮਾਲਕੀ ਵਾਲੀ ਜਮੀਨ ਦੀ ਚੋਰੀ ਦੀਵਾਰ ਢਾਅ ਕੇ ਆਪਣੇ ਨਾਲ਼ ਲੱਗਦੀ ਕੋਠੀ ਵਿੱਚ ਮਿਲਾਉਣ ਵਾਲੇ ਸਰਪੰਚ ਵਿਰੁੱਧ ਪਰਚਾ ਦਰਜ ਕਰ ਕੇ ਨਾਜਾਇਜ਼ ਕਬਜ਼ਾ ਕਰਨ ਵਾਲੇ ਲੋਕਾਂ ਦੀ ਗ੍ਰਿਫਤਾਰੀ ਕਰਨ ਅਤੇ ਨਜਾਇਜ਼ ਕਬਜ਼ਾ ਖ਼ਤਮ ਕਰ ਕੇ ਜਮੀਨ ਵਿਦੇਸ਼ ਰਹਿੰਦੇ ਪਰਿਵਾਰ ਦੇ ਸਪੁਰਦ ਕਰਨ ਦੀ ਮੰਗ ਕੀਤੀ।
ਪਿੰਡ ਉਧੋਵਾਲ ਦੇ ਵਸਨੀਕ ਅਤੇ ਪੇਂਡੂ ਮਜ਼ਦੂਰ ਯੂਨੀਅਨ ਦੇ ਸੂਬਾ ਪ੍ਰਧਾਨ ਤਰਸੇਮ ਪਿਟਰ ਦੀ ਅਗਵਾਈ ਹੇਠ ਇਕ ਦਰਜਨ ਐਨ ਆਰ ਆਈ ਪਰਿਵਾਰਾਂ ਨੇ ਕੈਬਨਿਟ ਮੰਤਰੀ ਕੁਲਦੀਪ ਸਿੰਘ ਧਾਲੀਵਾਲ ਨਾਲ ਮੁਲਾਕਾਤ ਕੀਤੀ ਵਫਦ ਨੂੰ ਹਮਦਰਦੀ ਨਾਲ ਸੁਣਨ ਤੋ ਬਾਦ ਕੈਬਨਿਟ ਮੰਤਰੀ ਕੁਲਦੀਪ ਸਿੰਘ ਧਾਲੀਵਾਲ ਨੇ ਐਸ ਐਸ ਪੀ ਜਲੰਧਰ ਨੂੰ ਲਿਖਤੀ ਦਰਖਾਸਤ ਭੇਜ ਦਿਆਂ ਕਿਹਾ ਕਿ ਮੋਕੇ ਤੇ ਪੜਤਾਲ ਕਰਕੇ ਸਖਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇ। ਇਥੇ ਵਰਨਣਯੋਗ ਹੈ ਕਿ ਗੁਰਪ੍ਰੀਤ ਸਿੰਘ ਮਾਨ ਦਾ ਪਰਿਵਾਰ ਲੰਮੇ ਸਮੇਂ ਤੋਂ ਕੈਨੇਡਾ ਵਿਚ ਵਸਿਆ ਹੋਇਆ ਹੈ। ਉਸ ਦੀ ਗ਼ੈਰ ਹਾਜ਼ਰੀ ਦਾ ਫਾਇਦਾ ਚੁੱਕ ਕੇ ਕਾਂਗਰਸੀ ਸਰਪੰਚ ਵੱਲੋਂ ਆਪਣੇ ਅਹੁਦੇ ਤੇ ਸਿਆਸੀ ਰਸੂਖ ਦੀ ਦੁਰਵਰਤੋਂ ਕਰਦਿਆਂ ਪਿੰਡ ਦੇ ਲੋਕਾਂ ਨੂੰ ਗੁੰਮਰਾਹ ਕੀਤਾ ਕਿ ਉਸ ਨੇ ਵਿਦੇਸ਼ ਵਾਸਤੇ ਪਰਿਵਾਰ ਕੋਲ ਜਗ੍ਹਾ ਖਰੀਦੀ ਹੈ। ਅਤੇ ਨਜਾਇਜ਼ ਕਬਜ਼ੇ ਦੀ ਜਗ੍ਹਾ ਉਪਰ ਰਾਤੋ ਰਾਤ ਸੈਡ ਉਸਾਰ ਦਿਤਾ। ਵਿਦੇਸ਼ ਤੋਂ ਐਨ ਆਰ ਆਈ ਪਰਵਾਰ ਦੇ ਪਿੰਡ ਪਹੁੰਚਣ ਕੇ ਨਗਰ ਵਾਸੀਆਂ ਕੋਲ ਇਨਸਾਫ ਦੀ ਮੰਗ ਕੀਤੀ।
ਕਾਂਗਰਸੀ ਸਰਪੰਚ ਨੇ ਪੰਚਾਇਤਾਂ ਤੇ ਮੋਹਤਬਰ ਬੰਦਿਆਂ ਦੀ ਹਾਜ਼ਰੀ ਵਿੱਚ ਮੰਨਿਆ ਕਿ ਜੇ ਨਿਸ਼ਾਨਦੇਹੀ ਤੋਂ ਬਾਅਦ ਮੇਰਾ ਨਜਾਇਜ਼ ਕਬਜ਼ਾ ਸਾਬਤ ਹੁੰਦਾ ਹੈ ਤਾਂ ਮੈਂ ਉਹ ਜਗ੍ਹਾ ਛੱਡ ਦੇਵਗਾ ਜਦੋਂ ਸਰਕਾਰੀ ਨਿਸ਼ਾਨਦੇਈ ਨੇ ਸਾਬਤ ਕਰ ਦਿੱਤਾ ਕਿ ਸਰਪੰਚ ਵੱਲੋਂ ਐਨ ਆਰ ਆਈ ਪਰਿਵਾਰ ਪਰਿਵਾਰ ਦੀ ਮਾਲਕੀ ਵਾਲੀ ਖਸਰਾ ਨੰਬਰ 155 ਤੇ ਨਜਾਇਜ਼ ਕਬਜ਼ਾ ਕਰਕੇ ਸੈਡ ਦੀ ਉਸਾਰੀ ਅਤੇ ਗੇਟ ਲਾਇਆ ਗਿਆ ਹੈ। ਐਨ ਆਰ ਆਈ ਪਰਿਵਾਰ ਨੇ ਜੱਦ ਨਜਾਇਜ਼ ਕਬਜ਼ਾ ਛੱਡਣ ਲਈ ਮਹਿਤਪੁਰ ਖਾਣੇ ਚ ਦਰਖਸਤ ਦਿੱਤੀ ਤਾਂ ਕਾਂਗਰਸੀ ਸਰਪੰਚ ਗੁੰਡਾਗਰਦੀ ਤੇ ਉੱਤਰ ਆਇਅ ਤੇ ਸ਼ਰੇਆਮ ਜਾਨੋ ਮਾਰਨ ਅਤੇ ਝੂਠੇ ਕੇਸ ਵਿਚ ਫਸਾਉਣ ਦੀ ਧਮਕੀਆਂ ਦੇਣ ਲੱਗ। ਮਜ਼ਦੂਰ ਯੂਨੀਅਨ ਦੇ ਸੂਬਾ ਪ੍ਰਧਾਨ ਤਰਸੇਮ ਪੀਟਰ ਨੇ ਕਿਹਾ ਕਿ ਹੁਣ ਪਿੰਡ ਸਰਪੰਚ ਵੱਲੋਂ ਬੀਡੀਪੀਓ ਮਹਿਤਪੁਰ ਦੀ ਮਿਲੀਭੁਗਤ ਨਾਲ ਨਜਾਇਜ਼ ਕਬਜ਼ਈ ਗਈ ਜਗ੍ਹਾ ਤੇ ਮੂਹਰੇ ਸਰਕਾਰੀ ਇੰਟਰਲਾਕ ਇੱਟਾਂ ਲਾਕੇ ਆਪਣੇ ਨਜਈਜ ਕਬਜ਼ੇ ਨੂੰ ਜਾਇਜ਼ ਠਹਿਰਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਸ ਕਾਰਨ ਅੱਜ ਪਿੰਡ ਦੇ ਐਨ ਆਰ ਅਰ ਪਰਿਵਾਰਾਂ ਨੂੰ ਵਿਦੇਸ਼ੀ ਮਾਮਲਿਆਂ ਦੇ ਮੰਤਰੀ ਕੁਲਦੀਪ ਸਿੰਘ ਧਾਰੀਵਾਲ ਤੋਂ ਇਨਸਾਫ ਦੀ ਗੁਹਾਰ ਲਗਾਉਣ ਲਈ ਮਜ਼ਬੂਰ ਹੋਣਾ ਪਿਆ ਅੱਜ ਦੇ ਵਫਦ ਵਿਚ ਸ਼ਾਮਿਲ ਐਨ ਆਰ ਆਈ ਗੁਰਪ੍ਰੀਤ ਸਿੰਘ, ਮਾਨ, ਦਲਜੀਤ ਸਿੰਘ ਕਾਹਲੋਂ, ਤਰਨਜੀਤ ਮਾਨ, ਸੁਖਵਿੰਦਰ ਸਿੰਘ, ਅਮਰ ਸਿੰਘ ਸਾਬਕਾ ਬਲਾਕ ਸੰਮਤੀ ਮੈਂਬਰ, ਸੁਰਿੰਦਰ ਕੌਰ, ਪਰਮਜੀਤ ਮਾਨ, ਮਨਜੀਤ ਕੌਰ ਆਦਿ ਸ਼ਾਮਲ ਸਨ।