ਅਫਗਾਨਿਸਤਾਨ ’ਚ ਚੱਲ ਰਹੀ ਭਿਆਨਕ ਲੜਾਈ ਨੂੰ ਰੋਕਣ ਲਈ 15 ਦੇਸ਼ਾਂ ਦੇ ਨੁਮਾਇੰਦਿਆਂ ਨੇ ਤਾਲਿਬਾਨ ਨਾਲ ਜੰਗ ਨੂੰ ਰੋਕਣ ਦੀ ਅਪੀਲ ਕੀਤੀ ਹੈ। ਦ ਖਾਣਾ ਪ੍ਰੈੱਸ ਨੇ ਦੱਸਿਆ ਹੈ ਕਿ ਆਸਟ੍ਰੇਲੀਆ, ਕੈਨੇਡਾ, ਚੈੱਕ ਗਣਰਾਜ, ਡੈਨਮਾਰਕ, ਯੂਰੋਪ ਸੰਘ ਦੇ ਪ੍ਰਤੀਨਿਧੀਮੰਡਲ, ਪ੍ਰਤੀਨਿਧੀ ਸਪੇਨ, ਸਵੀਡਨ, ਯੂਨਾਈਟੇ ਕਿੰਗਡਮ ਤੇ ਅਮਰੀਕਾ ਦੁਆਰਾ ਇਹ ਸੰਯੁਕਤ ਬਿਆਨ ਜਾਰੀ ਕੀਤਾ ਗਿਆ ਹੈ।
ਅਫਗਾਨ ਸਰਕਾਰ ਤੇ ਤਾਲਿਬਾਨ ਵਿਚਕਾਰ ਦੋਹਾ ਸ਼ਾਂਤੀ ਗੱਲਬਾਤ ’ਚ ਸੀਜਫਾਇਰ ’ਤੇ ਸਹਿਮਤੀ ਨਾ ਬਣਨ ਤੋਂ ਬਾਅਦ ਇਹ ਅਪੀਲ ਕੀਤੀ ਗਈ ਹੈ। ਦੱਸ ਦਈਏ ਕਿ ਹਾਲ ਦੇ ਦਿਨਾਂ ’ਚ ਅਫਗਾਨ ਨੇਤਾਵਾਂ ਦਾ ਇਕ ਵਫਦ ਕਤਰ ਦੀ ਰਾਜਧਾਨੀ ਦੋਹਾ ’ਚ ਤਾਲਿਬਾਨ ਨਾਲ ਮਿਲਿਆ ਸੀ, ਪਰ ਤਾਲਿਬਾਨ ਵੱਲੋ ਇਸ ’ਤੇ ਜਾਰੀ ਬਿਆਨ ’ਚ ਸੀਜਫਾਇਰ ਦਾ ਕੋਈ ਜ਼ਿਕਰ ਨਹੀਂ ਕੀਤਾ ਗਿਆ ਸੀ, ਜਿਸ ਤੋਂ ਬਾਅਦ ਵਿਦੇਸ਼ੀ ਮਿਸ਼ਨਾਂ ਨੇ ਇਸ ’ਤੇ ਚਿੰਤਾ ਜ਼ਾਹਿਰ ਕੀਤੀ ਹੈ ਤੇ ਤਾਲਿਬਾਨ ਨਾਲ ਸ਼ਾਂਤੀ ਬਣਾਈ ਰੱਖਣ ਦੀ ਅਪੀਲ ਕੀਤੀ ਹੈ। ਇਸ ਨਾਲ ਪਹਿਲਾਂ ਅਮਰੀਕਾ ਨੇ ਦੋਹਾ ’ਚ ਅਫਗਾਨ ਸਰਕਾਰ ਤੇ ਤਾਲਿਬਾਨ ਦੀ ਬੈਠਕ ਨੂੰ ਇਕ ਸਕਾਰਾਤਮਕ ਕਰਦ ਕਰਾਰ ਦਿੱਤਾ ਸੀ।