ਆਪਣੇ 56ਵੇਂ ਜਨਮਦਿਨ ਤੋਂ ਅਗਲੇ ਦਿਨ, ਆਮਿਰ ਖਾਨ ਨੇ ਅੱਜ ਐਲਾਨ ਕੀਤਾ ਕਿ ਉਨ੍ਹਾਂ ਸੋਸ਼ਲ ਮੀਡੀਆ ਛੱਡ ਦਿੱਤਾ ਹੈ। ਅਭਿਨੇਤਾ ਨੇ ਆਪਣੇ ਫੈਨਸ ਨੂੰ ਇਹ ਦੱਸਣ ਲਈ ਇਕ ਬਿਆਨ ਪੋਸਟ ਕੀਤਾ ਕਿ ਇਹ ਉਨ੍ਹਾਂ ਦੀ ਆਖਰੀ ਪੋਸਟ ਹੈ ਅਤੇ ਕਿਹਾ ਹੈ ਕਿ ਉਸ ਦੀ ਜ਼ਿੰਦਗੀ ਅਤੇ ਫਿਲਮਾਂ ਬਾਰੇ ਭਵਿੱਖ ‘ਚ ਅਪਡੇਟਸ ਆਮਿਰ ਖਾਨ ਪ੍ਰੋਡਕਸ਼ਨ ਦੇ ਅਧਿਕਾਰਤ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਮਿਲਣਗੇ। ਉਨ੍ਹਾਂ ਕਿਹਾ ਕਿ ਉਹ ਕੰਮ ‘ਤੇ ਪੂਰੀ ਤਰ੍ਹਾਂ ਕੇਂਦ੍ਰਤ ਕਰਨ ਲਈ ਸੋਸ਼ਲ ਮੀਡੀਆ ਛੱਡ ਰਹੇ ਹਨ।
ਉਨ੍ਹਾਂ ਪੋਸਟ ਪਾਉਂਦਿਆਂ ਲਿਖਿਆ, “ਹੇ ਦੋਸਤੋ, ਮੇਰੇ ਜਨਮਦਿਨ ਤੇ ਸਾਰੇ ਪਿਆਰ ਅਤੇ ਨਿੱਘ ਲਈ ਤੁਹਾਡਾ ਬਹੁਤ ਬਹੁਤ ਧੰਨਵਾਦ। ਮੇਰਾ ਦਿਲ ਭਰ ਗਿਆ ਹੈ। ਹੋਰ ਖਬਰਾਂ ਵਿੱਚ, ਇਹ ਸੋਸ਼ਲ ਮੀਡੀਆ ਤੇ ਮੇਰੀ ਆਖਰੀ ਪੋਸਟ ਹੋਣ ਜਾ ਰਹੀ ਹੈ। ਇਹ ਵਿਚਾਰ ਕਰਦਿਆਂ ਸੋਚਿਆ ਕਿ ਮੈਂ ਵੈਸੇ ਵੀ ਜ਼ਿਆਦਾ ਐਕਟਿਵ ਨਹੀਂ ਹਾਂ, ਮੈਂ ਦਿਖਾਵਾ ਛੱਡਣ ਦਾ ਫੈਸਲਾ ਕੀਤਾ ਹੈ। ਅਸੀਂ ਪਹਿਲਾਂ ਵਾਂਗ ਹੀ ਗੱਲਬਾਤ ਕਰਦੇ ਰਹਾਂਗੇ। ਇਸ ਤੋਂ ਇਲਾਵਾ, ਏਕੇਪੀ ਨੇ ਆਪਣਾ ਅਧਿਕਾਰਤ ਚੈਨਲ ਬਣਾਇਆ ਹੈ! ਇਸ ਲਈ ਮੇਰੇ ਅਤੇ ਮੇਰੇ ਫਿਲਮਾਂ ਬਾਰੇ ਭਵਿੱਖ ਦੇ ਅਪਡੇਟਸ ਉਥੇ ਮਿਲ ਸਕਦੀਆਂ ਹਨ। ਇਹ ਆਧਿਕਾਰਿਕ ਹੈਂਡਲ ਹੈ! @akppl_official. ਬਹੁਤ ਸਾਰਾ ਪਿਆਰ, ਹਮੇਸ਼ਾਂ।”
ਤੁਹਾਨੂੰ ਦੱਸ ਦੇਈਏ ਕਿ ਆਮਿਰ ਖਾਨ ਲਾਲ ਸਿੰਘ ਚੱਡਾ ਨੂੰ ਇਸ ਸਾਲ ਕ੍ਰਿਸਮਿਸ ‘ਤੇ ਪ੍ਰਸ਼ੰਸਕਾਂ ਲਈ ਰਿਲੀਜ਼ ਕਰਨ ਜਾ ਰਹੇ ਹਨ। ਇਸ ਸਾਲ ਦੇ ਸ਼ੁਰੂ ‘ਚ ਇਹ ਫਿਲਮ ਕ੍ਰਿਸਮਸ ਦੇ ਦਿਨ ਰਿਲੀਜ਼ ਕੀਤੀ ਜਾਣੀ ਸੀ, ਪਰ ਫਿਲਮ ਤਾਲਾਬੰਦੀ ‘ਚ ਪੂਰੀ ਨਹੀਂ ਹੋ ਸਕੀ। ਜਿਸ ਦੇ ਬਾਅਦ ਰਿਲੀਜ਼ ਦੀ ਤਾਰੀਖ ਇਸ ਸਾਲ ਕ੍ਰਿਸਮਸ ਵਿੱਚ ਖਿਸਕਾ ਦਿੱਤੀ ਗਈ ਹੈ। 