ਟੋਰਾਂਟੋ, 20 ਸਤੰਬਰ (ਪੋਸਟ ਬਿਊਰੋ) : ਕੈਨੇਡਾ ਦੇ 17ਵੇਂ ਪ੍ਰਧਾਨ ਮੰਤਰੀ ਜੌਹਨ ਟਰਨਰ ਦਾ 91 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ|
ਟਰਨਰ ਨੇ 30 ਜੂਨ, 1984 ਤੋਂ 17 ਸਤੰਬਰ,1984 ਤੱਕ ਲਿਬਰਲ ਪ੍ਰਧਾਨ ਮੰਤਰੀ ਵਜੋਂ ਸੇਵਾ ਨਿਭਾਈ| ਇਹ ਕੈਨੇਡਾ ਦੇ ਇਤਿਹਾਸ ਵਿੱਚ ਸੱਭ ਤੋਂ ਛੋਟਾ ਕਾਰਜਕਾਲ ਮੰਨਿਆ ਗਿਆ ਹੈ| ਉਸੇ ਸਾਲ ਟਰਨਰ ਪ੍ਰੋਗਰੈਸਿਵ ਕੰਜ਼ਰਵੇਟਿਵ ਆਗੂ ਬ੍ਰਾਇਨ ਮਲਰੋਨੀ ਹੱਥੋਂ ਚੋਣ ਹਾਰ ਗਏ| ਟਰਨਰ ਪਹਿਲੀ ਵਾਰੀ 1962 ਵਿੱਚ ਹਾਊਸ ਆਫ ਕਾਮਨਜ਼ ਵਿੱਚ ਚੁਣੇ ਗਏ|
ਉਨ੍ਹਾਂ ਸਾਬਕਾ ਪ੍ਰਧਾਨ ਮੰਤਰੀ ਪਿਏਰੇ ਟਰੂਡੋ ਦੇ ਕਾਕਸ ਵਿੱਚ ਕਈ ਮਿਆਰੀ ਅਹੁਦਿਆਂ ਉੱਤੇ ਕੰਮ ਕੀਤਾ| ਉਹ ਨਿਆਂ ਤੇ ਫਾਇਨਾਂਸ ਮੰਤਰੀ ਵੀ ਰਹੇ|
ਸਾਬਕਾ ਪ੍ਰਧਾਨ ਮੰਤਰੀ ਜੌਹਨ ਟਰਨਰ ਨਹੀਂ ਰਹੇ