ਲੋਕਾਂ ਨੂੰ ਨਸੀਹਤ ਦੇਣ ਵਾਲਾ ਪੰਜਾਬੀ ਭਾਸ਼ਾ ਵਿੱਚ ਲੱਗਿਆ ਬੋਰਡ

otice Board In Punjabi At Surrey : ਕੈਨੇਡਾ ਦਾ ਸ਼ਹਿਰ ਸਰੀ ਦੀ ਪਛਾਣ ਵੀ ਹੁਣ ਤਾਂ ਪੰਜਾਬੀਆਂ ਵਜੋਂ ਹੋਣ ਲੱਗ ਗਈ ਹੈ। ਕੈਨੇਡਾ ਆਏ ਬਹੁਤ ਪੰਜਾਬੀ ਸਰੀ ਅਤੇ ਵੈਨਕੂਅਰ ਵਰਗੇ ਸ਼ਹਿਰਾਂ ਵਿੱਚ ਆ ਕੇ ਵੱਸਦੇ ਹਨ। ਸਰੀ ਨਗਰਪਾਲਿਕਾ ਨੇ ਅਨਵਿਨ ਪਾਰਕ ਵਿੱਚ ਇੱਕ ਸੂਚਨਾ ਬੋਰਡ ਲਗਾਇਆ ਹੈ ਜਿਸ ਤੇ ਅੰਗਰੇਜ਼ੀ ਅਤੇ ਪੰਜਾਬੀ ਵਿੱਚ ਲਿਖਿਆ ਹੋਇਆ ਹੈ। ਸੂਚਨਾ ਬੋਰਡ ਤੇ ਲੋਕਾਂ ਨੂੰ ਪਾਰਕ ਦੀ ਸਹੀ ਵਰਤੋਂ ਕਰਨ ਬਾਰੇ ਲਿਖਿਆ ਹੋਇਆ ਹੈ। ਬੋਰਡ ਤੇ ਲਿਖਿਆ ਕਿ ਕ੍ਰਿਪਾ ਕਰਕੇ ਗੁਆਂਢੀਆਂ ਦੇ ਪਾਰਕ ਦੀ ਅਤੇ ਇਸ ਦੀ ਵਰਤੋਂ ਕਰਨ ਵਾਲਿਆਂ ਦੀ ਇਜ਼ਤ ਕਰੋ। ਸ਼ਰਾਬ ਪੀਣ, ਗਾਲੀ-ਗਲੋਚ ਕਰਨ, ਉੱਚਾ ਬੋਲਣ ਅਤੇ ਲੋਕਾਂ ਨੂੰ ਤੰਗ ਪਰੇਸ਼ਾਨ ਕਰਨ ਤੋਂ ਗੁਰੇਜ਼ ਕਰੋ। ਬੋਰਡ ਦੇ ਅਖ਼ੀਰ ਵਿੱਚ ਸਹਿਯੋਗ ਦੇਣ ਲਈ ਤੁਹਾਡਾ ਧੰਨਵਾਦ ਲਿਖਿਆ ਗਿਆ ਹੈ।ਜ਼ਿਕਰਯੋਗ ਹੈ ਕਿ ਸਰੀ ਦਾ ਇਹ ਪਾਰਕ ਬਹੁਤ ਸੌਹਣਾ ਹੈ। ਇਹ ਪਾਰਕ 36 ਏਕੜ ਵਿੱਚ ਫੈਲਿਆ ਹੋਇਆ ਹੈ। ਪਾਰਕ ਦੀ ਖੂਬਸੁਰਤੀ ਵਧਾਉਣ ਲਈ ਇੱਥੇ ਰੰਗ ਬਿਰੰਗੇ ਫੁੱਲ, ਬੱਚਿਆਂ ਲਈ ਝੂਟੇ, ਖੇਡਣ ਲਈ ਕ੍ਰਿਕਟ, ਬਾਸਕਟਬਾਲ ਆਦਿ ਦੇ ਮੈਦਾਨ ਬਣੇ ਹੋਏ ਹਨ।