ਰਿਆਨ ਲਾਕਟੀ ਨੇ ਜਿੱਤੀ ਯੂਐੱਸ ਤੈਰਾਕੀ ਚੈਂਪੀਅਨਸ਼ਿਪ

ਲਾਸ ਏਂਜਲਸ (ਏਐੱਫਪੀ) : ਛੇ ਵਾਰ ਦੇ ਓਲੰਪਿਕ ਗੋਲਡ ਮੈਡਲ ਜੇਤੂ ਅਮਰੀਕਾ ਦੇ ਰਿਆਨ ਲਾਕਟੀ ਨੇ 200 ਮੀਟਰ ਨਿੱਜੀ ਯੂਐੱਸ ਤੈਰਾਕੀ ਚੈਂਪੀਅਨਸ਼ਿਪ ਜਿੱਤ ਲਈ। 14 ਮਹੀਨੇ ਦੀ ਪਾਬੰਦੀ ਤੋਂ ਬਾਅਦ ਲਾਕਟੀ ਅੰਤਰਰਾਸ਼ਟਰੀ ਤੈਰਾਕੀ ਵਿਚ ਵਾਪਸੀ ਕਰ ਰਹੇ ਹਨ। 35 ਸਾਲਾ ਲਾਕਟੀ ਨੇ 1.57.76 ਦਾ ਸਮਾਂ ਕੱਢ ਕੇ 27ਵਾਂ ਰਾਸ਼ਟਰੀ ਖ਼ਿਤਾਬ ਜਿੱਤਿਆ ਤੇ ਅਗਲੇ ਸਾਲ ਟੋਕੀਓ ਓਲੰਪਿਕ ਲਈ ਰਾਸ਼ਟਰੀ ਟੀਮ ਵਿਚ ਸ਼ਾਮਲ ਹੋਣ ਦੀ ਦਾਅਵੇਦਾਰੀ ਮਜ਼ਬੂਤ ਕਰ ਦਿੱਤੀ। ਲਾਕਟੀ ਨੇ ਕਿਹਾ ਕਿ ਮੇਰੀਆਂ ਨਜ਼ਰਾਂ ਟੋਕੀਓ ਓਲੰਪਿਕ ‘ਤੇ ਹਨ ਤੇ ਉਸ ਲਈ ਮੇਰੀ ਤਿਆਰੀ ਚੰਗੀ ਚੱਲ ਰਹੀ ਹੈ। ਯੂਐੱਸ ਐਂਟੀ ਡੋਪਿੰਗ ਏਜੰਸੀ ਨੇ ਲਾਕਟੀ ‘ਤੇ ਪਾਬੰਦੀ ਲਾਈ ਸੀ।