ਦੱਖਣੀ ਅਫਰੀਕਾ ਦੇ ਸੈਂਟਰਲ ਬੈਂਕ ਗੁੱਪਤਾ ਭਰਾਵਾਂ ਦੀ ਕੰਪਨੀ ਸਹਾਰਾ ਕੰਪਿਊਟਰਜ਼ ਦੇ ਬੈਂਕ ਖਾਤਿਆਂ ਤੋਂ 13 ਲੱਖ ਡਾਲਰ (9.52 ਕਰੋੜ ਰੁਪਏ) ਤੋਂ ਵਧ ਦੀ ਰਾਸ਼ੀ ਜ਼ਬਤ ਕੀਤੀ ਹੈ। ਸੈਂਟਰਲ ਬੈਂਕ (ਐੱਸਏਆਰਬੀ) ਦੇ ਡਿਪਟੀ ਗਵਰਨਰ ਕੁਬੇਨ ਨਾਇਡੂ ਨੇ ਸਰਕਾਰ ਦੇ ਰਾਜ ਪੱਤਰ ’ਚ ਇਕ ਨੋਟਿਸ ਜ਼ਾਰੀ ਕਰ ਕੇ ਇਸ ਦੀ ਜਾਣਕਾਰੀ ਦਿੱਤੀ। ਨੋਟਿਸ ’ਚ ਕਿਹਾ ਗਿਆ ਕਿ ਨੇਡਬੈਂਕ ਖਾਤੇ ’ਚ ਜਮ੍ਹਾ ਰਾਸ਼ੀ ਤੇ ਉਸ ’ਤੇ ਮਿਲਣ ਵਾਲੇ ਵਿਆਜ ਨੂੰ ਸਰਕਾਰ ਨੇ ਜ਼ਬਤ ਕਰ ਲਿਆ ਹੈ।
ਐੱਸਏਆਰਬੀ ਨੇ ਕੰਪਨੀ ਦੇ ਇਕ ਸਥਾਨਕ ਬੈਂਕ ਖਾਤੇ ਤੋਂ ਲਗਪਗ 200 ਲੱਖ ਰੈਂਡ ਭਾਵ 13 ਲੱਖ ਡਾਲਰ ਜ਼ਬਤ ਕੀਤੇ ਹਨ। ਸਹਾਰਾ ਕੰਪਿਊਟਰਜ਼ ਗੁੱਪਤਾ ਭਰਾਵਾਂ ਅਜੇ, ਅਤੁਲ ਤੇ ਰਾਜੇਸ਼ ਦੁਆਰਾ ਸ਼ੁਰੂ ਕੀਤੀ ਗਈ ਪਹਿਲੀ ਵੱਡੀ ਆਈਟੀ ਕੰਪਨੀ ਸੀ।