ਫ਼ਲਾਂ ਤੇ ਸਬਜ਼ੀਆਂ ਦੇ ਛਿਲਕਿਆਂ ਨੂੰ ਬੇਕਾਰ ਸਮਝ ਕੇ ਸੁੱਟ ਦਿੰਦੇ ਹੋ ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਕੁਝ ਫ਼ਲਾਂ ਤੇ ਸਬਜ਼ੀਆਂ ਦੇ ਛਿਲਕੇ ਸਕਿੱਨ ਤੋਂ ਲੈ ਕੇ ਵਾਲਾਂ, ਇੱਥੋਂ ਤਕ ਕਿ ਦੰਦਾਂ ਦੇ ਲਈ ਵੀ ਬਹੁਤ ਫਾਇਦੇਮੰਦ ਹੁੰਦੇ ਹਨ। ਜੀ ਹਾਂ, ਛਿਲਕਿਆਂ ਦਾ ਤੁਸੀਂ ਅਲੱਗ-ਅਲੱਗ ਤਰੀਕੇ ਨਾਲ ਇਸ ਦੀ ਵਰਤੋਂ ਆਪਣੀ ਸੁੰਦਰਤਾ ਨੂੰ ਵਧਾਉਣ ਅਤੇ ਬਰਕਰਾਰ ਰੱਖਣ ਲਈ ਕਰ ਸਕਦੇ ਹਾਂ ਤਾਂ ਆਓ ਜਾਣਦੇ ਹਾਂ ਇਸ ਬਾਰੇ ਜ਼ਿਆਦਾ ਵਿਸਥਾਰ ’ਚ…
ਦੰਦਾਂ ਦੀ ਸਫ਼ਾਈ ਦੇ ਲਈ
ਦੰਦ ਪੀਲੇ ਨਜ਼ਰ ਆ ਰਹੇ ਹਨ ਤਾਂ ਇਸ ਲਈ ਕੇਲੇ ਦੇ ਛਿਲਕੇ ਦੇ ਅੰਦਰ ਵਾਲੇ ਸਫ਼ੇਦ ਭਾਗ ਨੂੰ ਇਸ ਉੱਤੇ ਰਗੜੋ। ਕੇਲੇ ’ਚ ਹੀ ਨਹੀਂ ਬਲਕਿ ਇਸ ਦੇ ਛਿਲਕੇ ’ਚ ਵੀ ਪੋਟਾਸ਼ਿਅਮ,ਮੈਗਨੀਸ਼ਿਅਮ ਅਤੇ ਮੈਗਨੀਜ਼ ਦੀ ਮਾਤਰਾ ਹੁੰਦੀ ਹੈ ਜਿਸ ਨਾਲ ਦੰਦਾਂ ਦਾ ਪੀਲਾਪਨ ਦੂਰ ਹੁੰਦਾ ਹੈ, ਪਰ ਇਕ ਜਾਂ ਦੋ ਦਿਨ ਨਹੀਂ ਬਲਕਿ ਕੁਝ ਹਫ਼ਤੇ ਰੋਜ਼ ਇਸ ਦੀ ਵਰਤੋਂ ਕਰੋ ਸਫ਼ੇਦ ਤੇ ਚਮਕਦਾਰ ਦੰਦਾਂ ਦੇ ਲਈ।
ਸਕ੍ਰਬਿੰਗ ਦੇ ਲਈ
ਸੰਤਰੇ ਦੇ ਛਿਲਕਿਆਂ ਤੋਂ ਤੁਸੀਂ ਬਹੁਤ ਹੀ ਵਧੀਆ ਕੁਦਰਕੀ ਸਕ੍ਰਬ ਤਿਆਰ ਕਰ ਸਕਦੇ ਹੋ। ਛਿਲਕਿਆਂ ਨੂੰ ਸਭ ਤੋਂ ਪਹਿਲਾਂ ਤਿੰਨ ਜਾਂ ਚਾਰ ਦਿਨਾਂ ਤਕ ਤੇਜ਼ ਧੁੱਪ ’ਚ ਸੁਕਾ ਕੇ ਫਿਰ ਇਸ ਨੂੰ ਮਿਕਸੀ ’ਚ ਦਰਦਰਾ ਪੀਸ ਲਓ। ਹੁਣ ਇਸ ’ਚ ਸ਼ਹਿਦ ਜਾਂ ਦਹੀਂ ਜੋ ਘਰ ’ਚ ਆਸਾਨੀ ਨਾਲ ਮਿਲ ਜਾਵੇ ਮਿਕਸ ਕਰੋ। ਇਸ ਨਾਲ ਚਿਹਰੇ ਅਤੇ ਬਾਡੀ ਦੀ ਸਕ੍ਰਬਿੰਗ ਕਰੋ। 15-20 ਮਿੰਟ ਤਕ ਲੱਗਾ ਰਹਿਣ ਦਿਓ ਫਿਰ ਧੋ ਲਓ।
ਕੀਟਨਾਸ਼ਕ ਦੇ ਰੂਪ ’ਚ
ਰ ’ਚ ਬਹੁਤ ਮੱਖੀ-ਮੱਛਰ ਹੈ ਤਾਂ ਇਨ੍ਹਾਂ ਨੂੰ ਭਜਾਉਣ ਲਈ ਕੈਮੀਕਲ ਵਾਲੇ ਸਪਰੇਅ ਕਰਨ ਦੀ ਬਜਾਏ ਸੰਤਰੇ ਜਾਂ ਨਿੰਬੂ ਦੇ ਛਿਲਕਿਆਂ ਦੀ ਵਰਤੋਂ ਕਰੋ। ਇਨ੍ਹਾਂ ਦੇ ਛਿਲਕਿਆਂ ਨੂੰ ਦਰਵਾਜੇ, ਖਿੜਕੀਆਂ ਤੇ ਰਸੋਈ ’ਚ ਵੀ ਅਲੱਗ-ਅਲੱਗ ਜਗ੍ਹਾਂ ’ਤੇ ਰੱਖੋ।
ਨਹਾਉਣ ਦੇ ਲਈ
ਇਨ੍ਹਾਂ ਛਿਲਕਿਆੰ ਨੂੰ ਨਹਾਉਣ ਤੋਂ ਬਾਅਦ ਬਾਡੀ ’ਤੇ ਵੀ ਇਸਤੇਮਾਲ ਕੀਤਾ ਜਾ ਸਕਦਾ ਹੈ। ਇਸ ਨਾਲ ਵੱਖ-ਵੱਖ ਤਰ੍ਹਾਂ ਦੀ ਖ਼ੁਸ਼ਬੂ ਆਉਂਦੀ ਰਹਿੰਦੀ ਹੈ ਕਿਸੇ ਵੀ ਪਰਫਿਊਮ ਦੀ ਜ਼ਰੂਰਤ ਨਹੀਂ ਪੈਂਦੀ। ਪਰੇਸ਼ਾਨ ਨਾਂ ਕਰੇ, ਇਸ ਲਈ ਨਹਾਉਣ ਵਾਲੇ ਪਾਣੀ ’ਚ ਤੁਸੀਂ ਨਿੰਬੂ, ਸੰਤਰੇ ਜਾਂ ਖੀਰੇ ਦੇ ਕੁਝ ਛਿਲਕੇ ਪਾ ਕੇ ਕੁਝ ਦੇਰ ਲਈ ਰੱਖ ਦਿਓ। ਨਿੰਬੂ ਦੇ ਛਿਲਕਿਆਂ ਦੀ ਵਰਤੋਂ ਨਾਲ ਚਮੜੀ ਨਿਖਰਦੀ ਵੀ ਹੈ ਅਤੇ ਜੰਮੀ ਹੋਈ ਮੈਲ ਵੀ ਦੂਰ ਹੁੰਦੀ ਹੈ।