46.8 F
New York, US
March 28, 2024
PreetNama
ਖਾਸ-ਖਬਰਾਂ/Important News

ਚਿੱਲੀ ਦਾ ਮਿਲਟਰੀ ਜਹਾਜ਼ 38 ਯਾਤਰੀਆਂ ਸਮੇਤ ਹੋਇਆ ਲਾਪਤਾ

Chile military plane disappears: ਚਿੱਲੀ: ਦੱਖਣੀ ਚਿੱਲੀ ਵਿਚ ਮੰਗਲਵਾਰ ਨੂੰ ਇਕ ਮਿਲਟਰੀ ਜਹਾਜ਼ ਦੇ ਲਾਪਤਾ ਹੋਣ ਦੀ ਖਬਰ ਸਾਹਮਣੇ ਆਈ ਹੈ । ਦੱਸਿਆ ਜਾ ਰਿਹਾ ਹੈ ਕਿ ਇਸ ਜਹਾਜ਼ ਵਿੱਚ 38 ਯਾਤਰੀ ਸਵਾਰ ਸਨ । ਸੂਤਰਾਂ ਅਨੁਸਾਰ ਇਸ ਜਹਾਜ਼ ਵਿੱਚ 21 ਕਰੂ ਮੈਂਬਰਾਂ ਅਤੇ 17 ਯਾਤਰੀ ਸਵਾਰ ਸਨ, ਜਿਨ੍ਹਾਂ ਨਾਲ ਭਰਿਆ ਜਹਾਜ਼ ਅਚਾਨਕ ਲਾਪਤਾ ਹੋ ਗਿਆ । ਇਸ ਜਹਾਜ਼ ਨਾਲ ਫਿਲਹਾਲ ਸੰਪਰਕ ਨਹੀਂ ਕੀਤਾ ਜਾ ਸਕਿਆ ਹੈ ।

ਦੱਸਿਆ ਜਾ ਰਿਹਾ ਹੈ ਕਿ ਹੈਰਕੁਲਸ ਸੀ-130 ਏਅਰਕ੍ਰਾਫਟ ਨੇ ਸ਼ਾਮ 4.55 ਵਜੇ ਪੁਟਾਨਾ ਅਰੇਨਜ਼ ਤੋਂ ਉਡਾਣ ਭਰੀ ਸੀ ਤੇ ਫਿਰ ਸ਼ਾਮ 6 ਵਜੇ ਨੂੰ ਆਪਰੇਟਰ ਨਾਲੋਂ ਇਸ ਦਾ ਸੰਪਰਕ ਟੁੱਟ ਗਿਆ । ਇਸ ਜਹਾਜ਼ ਦੇ ਲਾਪਤਾ ਹੋਣ ਤੋਂ ਬਾਅਦ ਸਰਚ ਤੇ ਰੈਸਕਿਊ ਟੀਮਾਂ ਨੂੰ ਅਲਰਟ ਕਰ ਦਿੱਤਾ ਗਿਆ ਹੈ । ਦੱਸਿਆ ਜਾ ਰਿਹਾ ਹੈ ਕਿ ਕਰਮਚਾਰੀਆਂ ਵੱਲੋਂ ਚਿੱਲੀ ਬੇਸ ‘ਤੇ ਫਲੋਟਿੰਗ ਬਾਲਣ ਸਪਲਾਈ ਲਾਈਨ ਅਤੇ ਹੋਰ ਉਪਕਰਣਾਂ ਦੀ ਜਾਂਚ ਕਰਨ ਲਈ ਇਸਦੀ ਉਡਾਣ ਭਰੀ ਗਈ ਸੀ ।

ਇਸ ਘਟਨਾ ਤੋਂ ਬਾਅਦ ਚਿੱਲੀ ਦੇ ਰਾਸ਼ਟਰਪਤੀ ਸੇਬੇਸਟੀਅਨ ਪਿਨੇਰਾ ਵੱਲੋਂ ਟਵੀਟ ਕੀਤਾ ਗਿਆ ਹੈ । ਜਿਸ ਵਿੱਚ ਉਨ੍ਹਾਂ ਕਿਹਾ ਕਿ ਉਹ ਹਵਾਈ ਸੈਨਾ ਦੇ ਮੁੱਖ ਦਫਤਰਾਂ ਦੀ ਨਿਗਰਾਨੀ ਦੇ ਕੰਮਾਂ ਦੌਰਾਨ ਆਪਣੇ ਰੱਖਿਆ ਅਤੇ ਗ੍ਰਹਿ ਮੰਤਰੀਆਂ ਦੇ ਨਾਲ ਸਨ । ਇਸ ਸਬੰਧੀ ਚੌਥੇ ਏਅਰ ਬ੍ਰਿਗੇਡ ਦੇ ਜਨਰਲ ਐਡੁਆਰਡੋ ਮਸਕੀਰਾ ਨੇ ਸਥਾਨਕ ਮੀਡੀਆ ਨੂੰ ਦੱਸਿਆ ਕਿ ਲਾਪਤਾ ਜਹਾਜ਼ ਦੀ ਭਾਲ ਕੀਤੀ ਜਾ ਰਹੀ ਹੈ ।

ਉਨ੍ਹਾਂ ਕਿਹਾ ਕਿ ਇਸ ਮਿਲਟਰੀ ਜਹਾਜ਼ ਦੇ ਲਾਪਤਾ ਹੋਣ ਸਮੇਂ ਪਾਣੀ ਵਾਲਾ ਜਹਾਜ਼ ਉਸ ਖੇਤਰ ਵਿੱਚ ਹੀ ਸੀ, ਜਿੱਥੇ ਸੰਪਰਕ ਖਤਮ ਹੋਣ ‘ਤੇ ਜਹਾਜ਼ ਨੂੰ ਹੋਣਾ ਚਾਹੀਦਾ ਸੀ । ਮਸਕੀਰਾ ਨੇ ਕਿਹਾ ਕਿ ਜਿਸ ਸਮੇਂ ਜਹਾਜ਼ ਦਾ ਸੰਪਰਕ ਟੁੱਟਿਆ ਉਸ ਸਮੇਂ ਜਹਾਜ਼ ਨੂੰ ਅੰਟਾਰਕਟਿਕ ਬੇਸ ਦੇ ਤਕਰੀਬਨ ਅੱਧੇ ਰਸਤੇ ਵਿੱਚ ਹੋਣਾ ਚਾਹੀਦਾ ਸੀ । ਇਸ ਤੋਂ ਇਲਾਵਾ ਉਨ੍ਹਾਂ ਕਿਹਾ ਕਿ ਇਸ ਲਾਪਤਾ ਜਹਾਜ਼ ਦੇ ਪਾਇਲਟ ਨੂੰ ਬਹੁਤ ਤਜ਼ਰਬਾ ਸੀ, ਜਿਸ ਕਾਰਨ ਉਸਨੂੰ ਸੋਮਵਾਰ ਰਾਤ ਤੱਕ ਵਾਪਸ ਆ ਜਾਣਾ ਚਾਹੀਦਾ ਸੀ ।

Related posts

ਸ਼ਿਕਾਗੋ ਦੇ ਘਰ ‘ਚ ਲੱਗੀ ਅੱਗ, ਮਾਂ ਤੇ ਚਾਰ ਬੱਚਿਆਂ ਦੀ ਮੌਤ

On Punjab

ਅੱਗ ਦਾ ਭਾਂਬੜ ਬਣਿਆ ਅਮਰੀਕਾ, ਸੜਕਾਂ ਲਹੂ-ਲੁਹਾਣ, ਹੁਣ ਫੌਜ ਸੰਭਾਲੇਗੀ ਮੋਰਚਾ

On Punjab

UNSC : ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਨੇ ISIL ਨੂੰ ਦੱਖਣ-ਪੂਰਬੀ ਏਸ਼ੀਆ ‘ਚ ਐਲਾਨਿਆ ਗਲੋਬਲ ਅੱਤਵਾਦੀ ਸੰਗਠਨ

On Punjab