Indian couple mud photoshoot: ਨਵੀਂ ਦਿੱਲੀ: ਅੱਜ ਦੇ ਨਵੇਂ ਜ਼ਮਾਨੇ ਵਿੱਚ ਵਿਆਹਾਂ ਨੂੰ ਲੈ ਕੇ ਬਹੁਤ ਕ੍ਰੇਜ਼ ਪਾਇਆ ਜਾਂਦਾ ਹੈ । ਜਿਸਦੇ ਚੱਲਦਿਆਂ Couples ਵਿੱਚ ਪੋਸਟ ਵੈਡਿੰਗ ਫੋਟੋਸ਼ੂਟ ਦਾ ਕ੍ਰੇਜ਼ ਬਹੁਤ ਜ਼ਿਆਦਾ ਵੱਧ ਗਿਆ ਹੈ । ਜਿਸਦੇ ਤਹਿਤ ਵਿਆਹਾਂ ਤੋਂ ਪਹਿਲਾਂ ਵੱਖ-ਵੱਖ ਕੱਪੜਿਆਂ ਤੇ ਚੰਗੀਆਂ ਥਾਂਵਾਂ ‘ਤੇ ਇਹ ਫੋਟੋਸ਼ੂਟ ਕੀਤਾ ਜਾਂਦਾ ਹੈ ।
ਅਜਿਹਾ ਹੀ ਮਾਮਲਾ ਕੇਰਲ ਤੋਂ ਸਾਹਮਣੇ ਆਇਆ ਹੈ, ਜਿਥੇ ਇੱਕ ਨਵ-ਵਿਆਹੇ ਜੋੜੇ ਵੱਲੋਂ ਵੀ ਕੁਝ ਅਜਿਹਾ ਹੀ ਕੀਤਾ ਗਿਆ । ਕੇਰਲ ਦੇ ਇਸ ਨਵੇਂ ਵਿਆਹੇ ਜੋੜੇ ਦਾ creative ਫੋਟੋਸ਼ੂਟ ਸੋਸ਼ਲ ਮੀਡੀਆ ‘ਤੇ ਖੂਬ ਵਾਇਰਲ ਹੋ ਰਿਹਾ ਹੈ । ਦਰਅਸਲ, ਬੀਨੂੰ ਸੀਂਸ ਨਾਮ ਦੀ ਵੈਡਿੰਗ ਕੰਪਨੀ ਵੱਲੋਂ ਕੀਤਾ ਗਿਆ ਇਹ ਫੋਟੋਸ਼ੂਟ ਚਿੱਕੜ ‘ਤੇ ਅਧਾਰਿਤ ਹੈ ।
ਇਸ ਫੋਟੋਸ਼ੂਟ ਦੌਰਾਨ ਜੋੜੇ ਵੱਲੋਂ ਝੋਨੇ ਦੇ ਕੱਦੂ ਵਿੱਚ ਤਸਵੀਰਾਂ ਖਿਚਵਾਈਆਂ ਗਈਆਂ ਹਨ । ਇਸ ਸਬੰਧੀ ਕੰਪਨੀ ਦੇ ਮਾਲਕ ਨੇ ਕਿਹਾ ਕਿ ਨਵੇਂ ਵਿਆਹੇ ਜੋੜੇ ਹਮੇਸ਼ਾ ਹੀ ਕੁਝ ਯਾਦਗਾਰ ਸਬਜੈਕਟ ਚਾਹੁੰਦੇ ਹਨ, ਜੋ ਬਹੁਤ ਖਾਸ ਹੁੰਦੇ ਹਨ । ਇਸ ਮਾਮਲੇ ਵਿੱਚ ਬੀਨੂੰ ਸੀਂਸ ਨੇ ਕਿਹਾ ਕਿ ਉਨ੍ਹਾਂ ਵੱਲੋਂ ਇਸ ਥੀਮ ਨੂੰ ਇਸ ਕਾਰਨ ਚੁਣਿਆ ਗਿਆ, ਕਿਉਂਕਿ ਉਹ ਹਮੇਸ਼ਾ ਤਸਵੀਰਾਂ ਨੂੰ ਵਿਲੱਖਣ ਸਟਾਈਲ ਵਿੱਚ ਕੈਪਚਰ ਕਰਦੇ ਹਨ ।
ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਦੇ ਗਾਹਕ ਹਮੇਸ਼ਾ ਰੋਮਾਂਟਿਕ ਤਸਵੀਰਾਂ ਦੀ ਮੰਗ ਕਰਦੇ ਹਨ, ਜੋ ਉਨ੍ਹਾਂ ਦੇ ਦਿਮਾਗ ਵਿੱਚ ਜ਼ਿਆਦਾ ਲੰਬੇ ਸਮੇਂ ਤੱਕ ਰਹਿੰਦੀਆਂ ਹਨ । ਉਨ੍ਹਾਂ ਦੱਸਿਆ ਕਿ ਇਹ ‘mud love post wedding’ ਥੀਮ ਵੈਡਿੰਗ ਫੋਟੋਸ਼ੂਟ ਇੰਡਸਟਰੀ ਵਿੱਚ ਪਹਿਲੀ ਵਾਰ ਕੀਤਾ ਗਿਆ ਹੈ । ਦੱਸ ਦੇਈਏ ਕਿ ਜੋਸ ਤੇ ਅਨੀਸ਼ਾ ਦਾ ਇਹ ਚਿਕੱੜ ਵਾਲਾ ਫੋਟੋ ਸ਼ੂਟ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ ।
