ਅਸੀ ਗ਼ਮਾ ਦੀਆਂ ਬੀਜੀਆ ਕਿਆਰੀਆਂ
ਵਿਚ ਉਗ ਆਈਆਂ ਪੀੜਾਂ ਵੀ ਕੁਵਾਰੀਆਂ
ਹੰਝੂਆਂ ਦਾ ਪਾਣੀ ਪਾ ਕੇ ਕੀਤੀਆਂ ਜੁਵਾਨ
ਤਾਹੀ ਸਾਡੇ ਹਿਸੇ ਆਈਆਂ ਇਹ ਵਿਚਾਰੀਆਂ
ਸਾਡੇ ਵਿਹੜੇ ਵਿਚ ਬਿਰਹੋ ਨੂੰ ਖਿੜਦੇ ਨੇ ਫੁੱਲ
ਅਸੀ ਉਹ ਸਾਂਭੀਂਆਂ ਸੁਗੰਧੀਆਂ ਨੇ ਸਾਰੀਆਂ
ਸਾਰੀ ਰਾਤ ਜਾਗ ਜਾਗ ਕੀਤੀਆ ਮੈ ਰਾਖੀਆਂ
ਕਿਤੇ ਇਹ ਟੁੱਕੀਆਂ ਨਾ ਜਾਣ ਦੁੱਖੀਆਰੀਆਂ
ਇਹਨਾਂ ਨਾਲ ਲਾਕੇ ਅਸੀ ਉਮਰ ਬਿਤਾ ਚੱਲੇ
ਹੁਣ ਖਿਚ ਲਈਆਂ ਜਗ ਤੋ ਤਿਆਰੀਆਂ
ਉਹ ਕਰ ਕਰ ਚੇਤੇ ਦਿਨ ਰੋਇਆ ਵੀ ਕਰੇਗਾ
ਮੈ ਸਭ ਰੀਝਾ ਤੇਰੇ ਉਤੋ ਨਿੰਦਰਾ ਜੋ ਵਾਰੀਆਂ