ਦਿੱਲੀ ਕੈਪੀਟਲਜ਼ ਤੇ ਆਰਸੀਬੀ ਵਿਚਕਾਰ ਮੰਗਲਵਾਰ ਨੂੰ ਬੇਹੱਦ ਰੋਮਾਂਚਕ ਮੁਕਾਬਲਾ ਖੇਡਿਆ ਗਿਆ ਜਿਸ ’ਚ ਰਿਸ਼ਭ ਪੰਤ ਦੀ ਟੀਮ ਨੂੰ ਇਕ ਦੌੜ ਦੇ ਅੰਤਰ ਨਾਲ ਹਾਰ ਮਿਲੀ। ਇਸ ਹਾਈ ਵੋਲਟੇਜ ਮੁਕਾਬਲੇ ਦੌਰਾਨ ਦਿੱਲੀ ਕੈਪੀਟਲਜ਼ ਦੇ ਸਪੀਨਰ ਅਮਿਤ ਮਿਸ਼ਰਾ ਨੇ ਇਕ ਵੱਡੀ ਗ਼ਲਤੀ ਕਰ ਦਿੱਤੀ। ਪਹਿਲੀ ਪਾਰੀ ’ਚ ਜਦੋਂ ਦਿੱਲੀ ਦੀ ਗੇਂਦਬਾਜ਼ੀ ਚੱਲ ਰਹੀ ਸੀ ਉਸ ਦੌਰਾਨ ਅਮਿਤ ਮਿਸ਼ਰਾ ਗੇਂਦ ’ਤੇ ਲਾਰ ਲਗਾਉਂਦੇ ਹੋਏ ਨਜ਼ਰ ਆਏ। ਉਨ੍ਹਾਂ ਦੀ ਇਸ ਹਰਕਤ ਲਈ ਫੀਲਡ ਅੰਪਾਇਰ ਨੇ ਉਨ੍ਹਾਂ ਨੂੰ ਚੇਤਾਵਨੀ ਦਿੱਤੀ ਤੇ ਫਿਰ ਗੇਂਦ ਨੂੰ ਚੰਗੀ ਤਰ੍ਹਾਂ ਨਾਲ Sanitize ਕੀਤਾ ਗਿਆ।
ਅਮਿਤ ਮਿਸ਼ਰਾ ਨੇ ਜੋ ਗਲਤੀ ਕੀਤੀ ਉਹ ਘਟਨਾ ਪਹਿਲੀ ਪਾਰੀ ਦੇ 7ਵੇਂ ਓਵਰ ਦੌਰਾਨ ਹੋਈ। ਇਸ ਓਵਰ ਦੀ ਸ਼ੁਰੂਆਤ ’ਚ ਹੀ ਗੇਂਦ ’ਤੇ ਲਾਰ ਲਗਾਉਂਦੇ ਹੋਏ ਨਜ਼ਰ ਆਏ। ਮਿਸ਼ਰਾ ਜੀ ਦੀ ਇਸ ਹਰਕਤ ਤੋਂ ਬਾਅਦ ਅੰਪਾਇਰ ਨੇ ਗੇਂਦ ਨੂੰ Sanitize ਕੀਤਾ ਤੇ ਫਿਰ ਉਨ੍ਹਾਂ ਨੂੰ ਸਖ਼ਤ ਚੇਤਾਵਨੀ ਦਿੱਤੀ ਗਈ।
ਇਸ ਮੁਕਾਬਲੇ ’ਚ ਅਮਿਤ ਮਿਸ਼ਰਾ ਨੇ 3 ਓਵਰ ’ਚ 27 ਦੌੜਾਂ ਦੇ ਕੇ ਇਕ ਵਿਕੇਟ ਲਿਆ। ਉਨ੍ਹਾਂ ਨੇ Glen Maxwell ਨੂੰ ਆਉਟ ਕੀਤਾ। ਅਮਿਤ ਮਿਸ਼ਰਾ ਇਸ ਲੀਗ ’ਚ ਬਤੌਰ ਭਾਰਤੀ ਗੇਂਦਬਾਜ਼ ਸਭ ਤੋਂ ਜ਼ਿਆਦਾ ਵਿਕੇਟ ਲੈਣ ਵਾਲੇ ਗੇਂਦਬਾਜ਼ ਹੈ ਜਦਕਿ ਓਵਰ ਆਲ ਉਹ ਵਿਕੇਟ ਲੈਣ ਦੇ ਮਾਮਲੇ ’ਚ ਦੂਜੇ ਨੰਬਰ ’ਤੇ ਹਨ। ਸਿਰਫ਼ Lasith Malinga ਉਨ੍ਹਾਂ ਤੋਂ ਅੱਗੇ ਹਨ।