ਅਮਰੀਕਾ ਵੱਲੋਂ ਲਾਏ ਜਾਣ ਵਾਲੇ ਟੈਰਿਫਜ਼ ਖਿਲਾਫ ਜਵਾਬੀ ਕਾਰਵਾਈ ਕਰੇਗਾ ਕੈਨੇਡਾ

ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਵੱਲੋਂ 16 ਅਗਸਤ ਤੋਂ ਕੈਨੇਡਾ ਦੇ ਕੱਚੇ ਐਲੂਮੀਨੀਅਮ ਉੱਤੇ 10 ਫੀ ਸਦੀ ਟੈਰਿਫ ਲਾ ਦਿੱਤਾ ਗਿਆ| ਹਾਲਾਂਕਿ ਟਰੰਪ ਦੇ ਇਸ ਫੈਸਲੇ ਦਾ ਦੋਵਾਂ ਦੇਸ਼ਾਂ ਦੀਆਂ ਐਲੂਮੀਨੀਅਮ ਆਰਗੇਨਾਈਜ਼ੇਸ਼ਨਜ਼ ਵੱਲੋਂ ਵਿਰੋਧ ਕੀਤਾ ਗਿਆ|
ਜਿਵੇਂ ਹੀ ਟਰੰਪ ਵੱਲੋਂ ਇਨ੍ਹਾਂ ਨਵੇਂ ਟੈਰਿਫਜ਼ ਦਾ ਐਲਾਨ ਕੀਤਾ ਗਿਆ ਤਾਂ ਕੈਨੇਡੀਅਨ ਅਧਿਕਾਰੀਆਂ ਨੇ ਜਵਾਬੀ ਕਾਰਵਾਈ ਕਰਨ ਦਾ ਤਹੱਈਆ ਪ੍ਰਗਟਾਇਆ| ਸੋਮਵਾਰ ਨੂੰ ਕੈਬਨਿਟ ਮੀਟਿੰਗ ਤੋਂ ਪਹਿਲਾਂ ਵਿਦੇਸ਼ ਮੰਤਰੀ ਫਰੈਂਕੌਇਸ ਫਿਲਿਪ ਸੈæਂਪੇਨ ਨੇ ਆਖਿਆ ਕਿ ਕੈਨੇਡਾ ਦੀ ਪਹੁੰਚ ਪਿਛਲੀ ਵਾਰੀ ਵਾਂਗ ਹੀ ਰਹੇਗੀ|
ਉਨ੍ਹਾਂ ਆਖਿਆ ਕਿ ਪਿਛਲੀ ਵਾਰੀ ਜਦੋਂ ਟਰੰਪ ਸਰਕਾਰ ਵੱਲੋਂ ਇਹ ਕਦਮ ਚੁੱਕਿਆ ਗਿਆ ਸੀ ਤਾਂ ਅਸੀਂ ਵੀ ਬਰਾਬਰ ਜਵਾਬੀ ਕਾਰਵਾਈ ਕੀਤੀ ਸੀ| ਉਸੇ ਤਰ੍ਹਾਂ ਹੁਣ ਟੈਰਿਫਜ਼ ਦਾ ਮੋੜਵਾਂ ਜਵਾਬ ਦਿੱਤਾ ਜਾਵੇਗਾ| ਕੈਨੇਡਾ ਵੱਲੋਂ ਵੀ 3æ6 ਬਿਲੀਅਨ ਡਾਲਰ ਦੇ ਟੈਰਿਫ ਲਾਉਣ ਦੀ ਯੋਜਨਾ ਤਿਆਰ ਕੀਤੀ ਜਾ ਰਹੀ ਹੈ|
ਡਿਪਟੀ ਪ੍ਰਧਾਨ ਮੰਤਰੀ ਫਰੀਲੈਂਡ ਪਹਿਲਾਂ ਵੀ ਇਹ ਸੰਕੇਤ ਦੇ ਚੁੱਕੀ ਹੈ ਕਿ ਇਸ ਕਦਮ ਦਾ ਕੈਨੇਡਾ ਨੂੰ ਘੱਟ ਦੇ ਅਮਰੀਕਾ ਨੂੰ ਜ਼ਿਆਦਾ ਨੁਕਸਾਨ ਹੋਵੇਗਾ| ਕੈਨੇਡਾ ਜਿਨ੍ਹਾਂ ਅਮਰੀਕੀ ਐਲੂਮੀਨੀਅਮ ਦੀਆਂ ਵਸਤਾਂ ਉੱਤੇ ਟੈਰਿਫ ਲਾਉਣਾ ਚਾਹੁੰਦਾ ਹੈ ਉਨ੍ਹਾਂ ਵਿੱਚ:
• ਐਲੂਮੀਨੀਅਮ ਬੈਵਰੇਜ ਕੈਨ
• ਘਰੇਲੂ ਵਸਤਾਂ ਜਿਵੇਂ ਟਿਨਫੁਆਇਲ, ਪੌਟਸ, ਸਫਾਈ ਵਾਲੇ ਪੈਡਜ਼
• ਕੰਸਟ੍ਰਕਸ਼ਨ ਮੈਟੀਰੀਅਲ ਜਿਵੇਂ ਕਿੱਲ, ਸਟੇਪਲਜ਼, ਸਕ੍ਰਿਊ, ਕਿੱਲੀਆਂ
• ਫਰਿੱਜ ਤੇ ਵਾਸ਼ਿੰਗ ਮਸ਼ੀਨਾਂ
• ਸਾਈਕਲ, ਗੌਲਫ ਕਲੱਬਜ਼, ਪਲੇਗ੍ਰਾਊਂਡ ਇਕਿਉਪਮੈਂਟ ਤੇ ਟ੍ਰਾਇਪੌਡਜ਼
ਫਰੀਲੈਂਡ ਇਹ ਵੀ ਆਖ ਚੁੱਕੀ ਹੈ ਕਿ ਕੋਵਿਡ-19 ਦੇ ਇਸ ਮਾਹੌਲ ਵਿੱਚ ਅਰਥਚਾਰੇ ਦੀ ਸਥਿਤੀ ਨੂੰ ਵੇਖਦਿਆਂ ਹੋਇਆਂ ਟਰੰਪ ਵੱਲੋਂ ਲਾਏ ਗਏ ਇਹ ਟੈਰਿਫ ਗੈਰਲੋੜੀਂਦੇ, ਗੈਰਜ਼ਰੂਰੀ ਤੇ ਕਦੇ ਸਵੀਕਾਰ ਨਾ ਕਰਨ ਯੋਗ ਹਨ|