ਨਵੀਂ ਦਿੱਲੀ: ਹੱਥਾਂ ਦੀ ਖੁਸ਼ਕੀ ਜਾਂ ਚਮੜੀ ਦਾ ਉਤਰਣਾ ਇੱਕ ਆਮ ਸਮੱਸਿਆ ਹੈ। ਪਾਣੀ ਦੀ ਘਾਟ ਹੱਥਾਂ ਦੀ ਚਮੜੀ ਦਾ ਸਭ ਤੋਂ ਵੱਡਾ ਕਾਰਨ ਹੈ। ਇਸ ਤੋਂ ਇਲਾਵਾ ਧੁੱਪ ਵਿਚ ਬਹੁਤ ਜ਼ਿਆਦਾ ਸਫਰ ਕਰਨ ਵਾਲੇ ਲੋਕਾਂ ਦੀ ਚਮੜੀ ਵਧੇਰੇ ਸੁੱਕਣੀ ਸ਼ੁਰੂ ਹੋ ਜਾਂਦੀ ਹੈ ਕਿਉਂਕਿ ਚਮੜੀ ਖੁਸ਼ਕ ਹੋ ਜਾਂਦੀ ਹੈ।
ਸਰਦੀਆਂ ਦੇ ਦੌਰਾਨ ਚਮੜੀ ਨਾਲ ਅਜਿਹੀਆਂ ਸਮੱਸਿਆਵਾਂ ਵੇਖੀਆਂ ਜਾਂਦੀਆਂ ਹਨ। ਹੱਥਾਂ ਦੀ ਚਮੜੀ ਨੂੰ ਬਚਾਉਣ ਲਈ ਕੁਝ ਸੁਝਾਅ ਹਨ। ਇਨ੍ਹਾਂ ਟਿਪਸ ਦੀ ਮਦਦ ਨਾਲ ਤੁਸੀਂ ਆਸਾਨੀ ਨਾਲ ਆਪਣੇ ਹੱਥਾਂ ਨੂੰ ਸੁੰਦਰ ਅਤੇ ਨਰਮ, ਸੌਫਟ ਬਣਾ ਸਕਦੇ ਹੋ।
ਹੱਥਾਂ ਦੀ ਚਮੜੀ ਲਈ ਸੁਝਾਅ:
ਕੈਸਟਰ ਤੇਲ, ਨਿੰਬੂ ਦਾ ਰਸ ਅਤੇ ਚੀਨੀ ਦਾ ਮਿਸ਼ਰਣ ਬਣਾਓ ਅਤੇ ਇਸ ਨੂੰ ਹਥੇਲੀਆਂ ‘ਤੇ ਲਗਾਓ। ਉਸਦੀ ਮਦਦ ਨਾਲ ਤੁਹਾਡੀਆਂ ਹਥੇਲੀਆਂ ‘ਚ ਮੌਜੂਦ ਡੈਡ ਸਕੀਨ ਝੜ ਜਾਵੇਗੀ ਅਤੇ ਤੁਹਾਡੇ ਹੱਥ ਨਰਮ ਅਤੇ ਸੌਫਟ ਹੋ ਜਾਣਗੇ।
ਹੱਥਾਂ ‘ਤੇ ਮੱਖਣ ਦੀ ਮਾਲਸ਼ ਕਰਨ ਤੋਂ ਬਾਅਦ ਵੀ ਚਮੜੀ ਨਰਮ ਹੋਏਗੀ ਅਤੇ ਇਸ ਦਾ ਫੱਟਣਾ ਵੀ ਬੰਦ ਹੋ ਜਾਵੇਗਾ।
ਇੱਕ ਕਟੋਰੇ ਵਿਚ ਦੋ ਚੱਮਚ ਨਿੰਬੂ ਦਾ ਰਸ, ਇੱਕ ਚਮਚਾ ਗਲੈਸਰੀਨ ਅਤੇ ਇੱਕ ਕੱਪ ਉਬਲਿਆ ਹੋਇਆ ਦੁੱਧ ਮਿਲਾਓ ਅਤੇ ਚੰਗੀ ਤਰ੍ਹਾਂ ਮਿਕਸ ਕਰੋ। ਇਸ ਨੂੰ ਅੱਧੇ ਘੰਟੇ ਲਈ ਆਪਣੇ ਹੱਥਾਂ ‘ਤੇ ਮਾਲਸ਼ ਕਰੋ। ਇਸ ਤਰੀਕੇ ਨੂੰ ਰੋਜ਼ਾਨਾ ਜਾਰੀ ਰੱਖੋ।
ਚਮੜੀ ਦੀ ਸੁਰੱਖਿਆ ਲਈ ਟਮਾਟਰ ਵੀ ਬਹੁਤ ਢੁਕਵਾਂ ਹੈ। ਇੱਕ ਕਟੋਰੇ ਵਿਚ ਬਰਾਬਰ ਟਮਾਟਰ ਦਾ ਰਸ, ਗਲੈਸਰੀਨ ਅਤੇ ਨਿੰਬੂ ਦੇ ਰਸ ਨਾਲ ਸਾਰੀਆਂ ਸਮੱਗਰੀਆਂ ਨੂੰ ਚੰਗੀ ਤਰ੍ਹਾਂ ਮਿਲਾਓ। ਮਿਸ਼ਰਣ ਤਿਆਰ ਹੋਣ ਤੋਂ ਬਾਅਦ ਇਸ ਦੀ ਹੱਥਾਂ ‘ਤੇ ਚੰਗੀ ਤਰ੍ਹਾਂ ਮਾਲਸ਼ ਕਰੋ। ਇਸ ਤਰ੍ਹਾਂ ਤੁਹਾਡੇ ਹੱਥ ਨਰਮ ਅਤੇ ਸੌਫਟ ਹੋ ਜਾਣਗੇ।
ਬਦਾਮ ਅਤੇ ਜੈਤੂਨ ਦੇ ਤੇਲ ਦੀ ਬਰਾਬਰ ਮਾਤਰਾ ਆਪਣੇ ਹੱਥ ‘ਤੇ ਲਗਾਓ ਅਤੇ 10-15 ਮਿੰਟ ਬਾਅਦ ਕੌਸੇ ਪਾਣੀ ਨਾਲ ਹੱਥ ਧੋ ਲਓ। ਜੈਤੂਨ ਦੇ ਤੇਲ ਵਿਚ ਮੌਜੂਦ ਵਿਟਾਮਿਨ ਈ ਤੁਹਾਡੇ ਹੱਥਾਂ ਨੂੰ ਰੁੱਖਾ ਹੋਣ ਤੋਂ ਬਚਾਉਂਦਾ ਹੈ।