ਕੈਟਰੀਨਾ ਕੈਫ ਅਤੇ ਵਿੱਕੀ ਕੌਸ਼ਲ ਦਾ ਵਿਆਹ ਬੀ-ਟਾਊਨ ਵਿਚ ਸਭ ਤੋਂ ਹੌਟ ਵਿਸ਼ਾ ਹੈ। ਫੈਨਜ਼ ਵਿਆਹ ਨਾਲ ਜੁੜੀ ਹਰ ਜਾਣਕਾਰੀ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਸਥਾਨ, ਸਮਾਰੋਹ, ਪਹਿਰਾਵੇ, ਮਹਿਮਾਨਾਂ ਅਤੇ ਹੋਰ ਬਹੁਤ ਕੁਝ ਬਾਰੇ ਲਗਾਤਾਰ ਅਟਕਲਾਂ ਹਨ। ਹਾਲ ਹੀ ‘ਚ ਇਸ ਸ਼ਾਨਦਾਰ ਵਿਆਹ ਦੀ ਗੈਸਟ ਲਿਸਟ ਸਾਹਮਣੇ ਆਈ ਹੈ। ਜਿਸ ਤੋਂ ਪਤਾ ਲੱਗਾ ਹੈ ਕਿ ਕਿਹੜੀਆਂ ਮਸ਼ਹੂਰ ਹਸਤੀਆਂ ਨੂੰ ਸੱਦਾ ਦਿੱਤਾ ਗਿਆ ਹੈ।
ਵਾਮਿਕਾ ਨਾਲ ਜੁੜਣਗੇ ਵਿਰਾਟ-ਅਨੁਸ਼ਕਾ
ਇਸ ਲਿਸਟ ‘ਚ ਕਰਨ ਜੌਹਰ ਅਤੇ ਫਰਾਹ ਖ਼ਾਨ ਦਾ ਨਾਂ ਪਹਿਲਾਂ ਵੀ ਆ ਚੁੱਕਾ ਹੈ। ਖ਼ਬਰ ਹੈ ਕਿ ਫਰਾਹ ਵਿਆਹ ‘ਚ ਡਾਂਸ ਦੀ ਕੋਰੀਓਗ੍ਰਾਫੀ ਕਰੇਗੀ, ਜਦਕਿ ਕਰਨ ਜੌਹਰ ਆਪਣੀ ਡਾਂਸਿੰਗ ਦਾ ਜੌਹਰ ਦਿਖਾਉਣਗੇ। ਬਾਲੀਵੁੱਡ ਲਾਈਫ ਦੀਆਂ ਖ਼ਬਰਾਂ ਮੁਤਾਬਕ ਇਸ ਮੌਕੇ ਅਨੁਸ਼ਕਾ ਸ਼ਰਮਾ, ਵਿਰਾਟ ਕੋਹਲੀ ਅਤੇ ਉਨ੍ਹਾਂ ਦੀ ਬੇਟੀ ਵਾਮਿਕਾ ਵੀ ਮੌਜੂਦ ਰਹਿਣ ਵਾਲੇ ਹਨ।
ਸ਼ਾਹਰੁਖ ਖਾਨ ਨੂੰ ਨਹੀਂ ਮਿਲਿਆ ਸੱਦਾ
ਰਾਜਸਥਾਨ ਵਿਚ ਹੋਣ ਵਾਲੇ ਇਸ ਵਿਆਹ ਵਿਚ ਸਲਮਾਨ ਖਾਨ ਅਤੇ ਸ਼ਾਹਰੁਖ ਖ਼ਾਨ ਸ਼ਾਮਲ ਨਹੀਂ ਹੋਣਗੇ। ਸਲਮਾਨ ਖ਼ਾਨ ਜਿੱਥੇ ਕਿਸੇ ਸ਼ੋਅ ਕਾਰਨ ਦੇਸ਼ ਤੋਂ ਬਾਹਰ ਜਾ ਰਹੇ ਹਨ, ਉੱਥੇ ਉਨ੍ਹਾਂ ਦੀਆਂ ਭੈਣਾਂ ਅਰਪਿਤਾ ਅਤੇ ਅਲਵੀਰਾ ਨੂੰ ਵਿਸ਼ੇਸ਼ ਤੌਰ ‘ਤੇ ਬੁਲਾਇਆ ਗਿਆ ਹੈ। ਦੱਸ ਦੇਈਏ ਕਿ ਇਹ ਦੋਵੇਂ ਕੈਟਰੀਨਾ ਦੇ ਬੈਸਟ ਫ੍ਰੈਂਡਜ਼ ਹਨ।
ਕੀ ਕਿੰਗ ਖਾਨ ਵੀ ਹਨ ਬਿਜ਼ੀ?
ਖ਼ਬਰ ਹੈ ਕਿ ਸ਼ਾਹਰੁਖ ਖ਼ਾਨ ਨੂੰ ਸੱਦਾ ਨਹੀਂ ਭੇਜਿਆ ਗਿਆ ਹੈ। ਇਸ ਦੇ ਪਿੱਛੇ ਕੀ ਕਾਰਨ ਹੈ, ਇਹ ਤਾਂ ਕੌਸ਼ਲ ਪਰਿਵਾਰ ਜਾਂ ਕੈਟਰੀਨਾ ਹੀ ਦੱਸ ਸਕਦੇ ਹਨ ਪਰ ਬਾਲੀਵੁੱਡ ਦੇ ਕਿੰਗ ਖ਼ਾਨ ਇਸ ਸ਼ਾਨਦਾਰ ਵਿਆਹ ਦਾ ਹਿੱਸਾ ਨਹੀਂ ਹੋਣਗੇ। ਦੱਸ ਦੇਈਏ ਕਿ ਸ਼ਾਹਰੁਖ ਇਨ੍ਹੀਂ ਦਿਨੀਂ ਆਪਣੀ ਫਿਲਮ ਪਠਾਨ ਦੀ ਸ਼ੂਟਿੰਗ ‘ਚ ਰੁੱਝੇ ਹੋਏ ਹਨ, ਕਿਉਂਕਿ ਪਿਛਲੇ ਦਿਨੀਂ ਬੇਟੇ ਆਰੀਅਨ ਖ਼ਾਨ ਦੇ ਜੇਲ ‘ਚ ਹੋਣ ਕਾਰਨ ਫਿਲਮ ਬਣਾਉਣ ‘ਚ ਕਾਫੀ ਦੇਰੀ ਹੋਈ ਹੈ।
45 ਹੋਟਲ ਕੀਤੇ ਗਏ ਹਨ ਬੁੱਕ
ਦੱਸ ਦੇਈਏ ਕਿ ਕੈਟਰੀਨਾ ਅਤੇ ਵਿੱਕੀ ਦੇ ਵਿਆਹ ਦੇ ਫੰਕਸ਼ਨ 7 ਦਸੰਬਰ ਤੋਂ ਸ਼ੁਰੂ ਹੋਣਗੇ। ਇਸ ਦੇ ਲਈ ਰਾਜਸਥਾਨ ਦੇ 45 ਵੱਡੇ ਹੋਟਲ ਬੁੱਕ ਕੀਤੇ ਗਏ ਹਨ। ਈਟਾਈਮਜ਼ ਦਾ ਕਹਿਣਾ ਹੈ ਕਿ ਜੇਕਰ ਤੁਸੀਂ 7 ਦਸੰਬਰ ਨੂੰ ਰਣਥੰਭੌਰ ਦੇ ਕਿਸੇ ਵੀ ਹੋਟਲ ਦੀ ਬੁਕਿੰਗ ਬਾਰੇ ਫ਼ੋਨ ਕਰਕੇ ਗੱਲ ਕਰੋਗੇ ਤਾਂ ਜਵਾਬ ਮਿਲੇਗਾ ਕਿ ਇੱਥੇ ਸਾਰੇ ਹੋਟਲ ਬੁੱਕ ਹੋ ਗਏ ਹਨ, ਇੱਥੇ ਇਕ ਵੱਡਾ ਵਿਆਹ ਹੋਣ ਵਾਲਾ ਹੈ।