ਜੰਮੂ: ਸਰਹੱਦੀ ਸੁਰੱਖਿਆ ਬਲ (BSF) ਨੂੰ ਜੰਮੂ-ਕਸ਼ਮੀਰ ਦੇ ਸਾਂਬਾ ਵਿਖੇ ਇੱਕ ਸੁਰੰਗ ਮਿਲੀ ਹੈ। ਜੰਮੂ ਬੀਐਸਐਫ ਦੇ ਆਈਜੀ ਐਨਐਸ ਜਨਵਾਲ ਮੁਤਾਬਕ, ਇਹ ਸੁਰੰਗ ਪਾਕਿਸਤਾਨ ਦੀ ਸਰਹੱਦ ਨਾਲ ਸ਼ੁਰੂ ਹੁੰਦੀ ਹੈ ਅਤੇ ਸਾਂਬਾ ਵਿੱਚ ਖ਼ਤਮ ਹੁੰਦੀ ਹੈ।
ਬੀਐਸਐਫ ਦਾ ਕਹਿਣਾ ਹੈ ਕਿ ਇਸ ਸੁਰੰਗ ਦੀ ਲੰਬਾਈ 20 ਫੁੱਟ ਅਤੇ ਚੌੜਾਈ ਤਿੰਨ ਤੋਂ ਚਾਰ ਫੁੱਟ ਹੈ। ਸੁਰੰਗ ਨੂੰ ਲੁਕਾਉਣ ਲਈ ਇਸ ਦੇ ਮੂੰਹ ‘ਤੇ ਪਾਕਿਸਤਾਨ ਵਿਚ ਬਣੀ ਰੇਤ ਦੀਆਂ ਥੈਲੀਆਂ ਵੀ ਮਿਲੀਆਂ ਹਨ, ਜਿਨ੍ਹਾਂ ‘ਤੇ ਸ਼ਕਰ ਗੜ੍ਹ / ਕਰਾਚੀ ਲਿਖਿਆ ਹੈ। ਇਹ ਥਾਂ ਭਾਰਤ ਦੀ ਅੰਤਰਰਾਸ਼ਟਰੀ ਸਰਹੱਦ ਤੋਂ ਲਗਪਗ 170 ਮੀਟਰ ਦੀ ਦੂਰੀ ‘ਤੇ ਹੈ।
ਜੰਮੂ ਬੀਐਸਐਫ ਦੇ ਆਈਜੀ ਐਨਐਸ ਜਵਾਲ ਨੇ ਕਿਹਾ, “ਰੇਤ ਦੇ ਥੈਲਿਆਂ ‘ਤੇ ਪਾਕਿਸਤਾਨ ਦਾ ਨਿਸ਼ਾਨ ਲੱਗਿਆ ਹੈ ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਇਸ (ਸੁਰੰਗ) ਨੂੰ ਪੂਰੀ ਤਰ੍ਹਾਂ ਪਲਾਇਨ ਕਰਨ ਅਤੇ ਇੰਜੀਨੀਅਰਿੰਗ ਦੀਆਂ ਕੋਸ਼ਿਸ਼ਾਂ ਨਾਲ ਪੁੱਟਿਆ ਗਿਆ ਹੈ। ਪਾਕਿਸਤਾਨੀ ਰੇਂਜਰਾਂ ਅਤੇ ਹੋਰ ਏਜੰਸੀਆਂ ਦੀ ਸਹਿਮਤੀ ਅਤੇ ਮਨਜੂਰੀ ਤੋਂ ਬਗੈਰ ਇੰਨੀ ਵੱਡੀ ਸੁਰੰਗ ਨਹੀਂ ਬਣਾਈ ਜਾ ਸਕਦੀ।”