how to stay fit: ਬਹੁਤ ਸਾਰੇ ਲੋਕ ਕੋਰੋਨਾ ਵਾਇਰਸ ਦੇ ਕਾਰਨ ਜਿੰਮ ਜਾਣ ਤੋਂ ਅਸਮਰੱਥ ਹਨ। ਜੇ ਤੁਸੀਂ ਕੋਰੋਨਾ ਤੋਂ ਬਚਣ ਲਈ ਆਪਣੇ ਆਪ ਨੂੰ isolate ਕਰ ਲਿਆ ਹੈ, ਤਾਂ ਟੈਂਸ਼ਨ ਨਾ ਲਓ ਕਿਉਂਕਿ ਤੁਸੀਂ ਘਰ ‘ਚ ਵੀ ਆਪਣੇ ਆਪ ਨੂੰ ਤੰਦਰੁਸਤ ਰੱਖ ਸਕਦੇ ਹੋ। ਅੱਜ ਅਸੀਂ ਤੁਹਾਨੂੰ ਘਰ ਵਿੱਚ ਕਸਰਤ ਕਰਨ ਦੇ ਕੁੱਝ ਬਹੁਤ ਅਸਾਨ ਤਰੀਕੇ ਦੱਸਾਂਗੇ।
ਜੇ ਤੁਸੀਂ ਆਮ ਦਿਨਾਂ ‘ਚ ਕਸਰਤ ਨਹੀਂ ਕਰਦੇ, ਪਰ Quarantine ਦੇ ਦੌਰਾਨ ਤੁਹਾਨੂੰ ਘਰ ‘ਚ ਕਸਰਤ ਜ਼ਰੂਰ ਕਰਨੀ ਚਾਹੀਦੀ ਹੈ। ਕਿਉਂਕਿ ਘਰ ਬੈਠਣ ਨਾਲ ਮੋਟਾਪਾ, ਬਦਹਜ਼ਮੀ, ਕਬਜ਼ ਵਰਗੀਆਂ ਕਈ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਜੋ ਲੋਕ ਘਰ ਤੋਂ ਕੰਮ ਕਰ ਰਹੇ ਹਨ ਉਨ੍ਹਾਂ ਨੂੰ ਆਲਸ, ਬੋਰ ਅਤੇ ਨੀਂਦ ਦੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਅਜਿਹੀ ਸਥਿਤੀ ‘ਚ ਕਸਰਤ ਇਨ੍ਹਾਂ ਸਾਰੀਆਂ ਸਮੱਸਿਆਵਾਂ ਦਾ ਇਲਾਜ਼ ਹੈ।
ਕਸਰਤ ਤੋਂ ਪਹਿਲਾਂ ਸਟ੍ਰੈਚਿੰਗ ਕੀਤੀ ਜਾਂਦੀ ਹੈ। ਜੇ ਤੁਹਾਡੇ ਘਰ ਛੋਟੇ ਬੱਚੇ ਹਨ, ਤਾਂ ਤੁਸੀਂ ਉਨ੍ਹਾਂ ਨਾਲ ਤੁਹਾਨੂੰ ਸਟ੍ਰੈਚਿੰਗ ਕਰਨ ਦਾ ਵਧੇਰੇ ਅਨੰਦ ਆਵੇਗਾ। ਜੇ ਤੁਸੀਂ ਕਸਰਤ ਕਰਕੇ ਬੋਰ ਹੋ ਜਾਂਦੇ ਹੋ, ਤਾਂ ਫਿੱਟ ਰਹਿਣ ਲਈ ਡਾਂਸ ਕਰਨਾ ਸਭ ਤੋਂ ਵਧੀਆ ਵਿਕਲਪ ਹੈ। ਇੱਕ ਦਿਨ ਵਿੱਚ 20-30 ਮਿੰਟ ਮਿਊਜ਼ਿਕ ਜਾਂ ਆਪਣੇ ਮਨਪਸੰਦ ਗਾਣੇ ਤੇ ਬੱਚਿਆਂ ਨਾਲ ਡਾਂਸ ਕਰੋ। ਜੇ ਤੁਸੀਂ ਚਾਹੁੰਦੇ ਹੋ ਤਾਂ ਤੁਸੀਂ ਜ਼ੁੰਬਾ ਡਾਂਸ ਦਾ ਅਭਿਆਸ ਵੀ ਕਰ ਸਕਦੇ ਹੋ।
ਤੁਸੀਂ ਜਾਗਿੰਗ ਲਈ ਘਰ ਤੋਂ ਬਾਹਰ ਨਹੀਂ ਜਾ ਸਕਦੇ ਪਰ ਸਪਾਟ ਰਨਿੰਗ ਕਰਕੇ ਤੁਸੀਂ ਫਿਟ ਰਹਿ ਸਕਦੇ ਹੋ। ਇਹ ਖੂਨ ਦੇ ਗੇੜ ਨੂੰ ਵਧਾਉਂਦਾ ਹੈ ਅਤੇ ਸਰੀਰ ‘ਚ ਆਕਸੀਜਨ ਦੇ ਪ੍ਰਵਾਹ ਨੂੰ ਵਧਾਉਂਦਾ ਹੈ। ਇਸ ਤੋਂ ਇਲਾਵਾ ਸਪਾਟ ਰਨਿੰਗ ਪੱਟਾਂ, ਪੇਟ ਅਤੇ ਕਮਰ ‘ਤੇ ਚਰਬੀ ਨੂੰ ਘਟਾਉਣ ‘ਚ ਵੀ ਸਹਾਇਤਾ ਕਰਦਾ ਹੈ।
