ਅਮਰੀਕਾ ਸਰਕਾਰ ਦੀ ਇਕ ਸੰਸਥਾ ਨੇ ਐਲਾਨ ਕੀਤਾ ਹੈ ਕਿ ਐੱਚ-1ਬੀ ਵੀਜ਼ਾ (H1-B Visa) ਲਈ ਕੁਝ ਵਿਦੇਸ਼ੀ ਮੁਲਾਜ਼ਮਾਂ ਨੂੰ ਦੁਬਾਰਾ ਅਪਲਾਈ ਕਰਨ ਲਈ ਸੱਦਾ ਦਿੱਤਾ ਗਿਆ ਹੈ। ਇਹ ਉਹ ਲੋਕ ਹਨ ਜਿਨ੍ਹਾਂ ਦਾ ਕਿਸੇ ਕਾਰਨ ਤੋਂ ਪਹਿਲੀ ਵਾਰ ਅਪਲਾਈ ਖਾਰਜ ਹੋ ਗਿਆ ਸੀ, ਜਾਂ ਫਿਰ ਉਨ੍ਹਾਂ ਨੇ ਪੰਜੀਕਰਨ ਤੋਂ ਬਾਅਦ ਆਪਣੀ ਐਪਲੀਕੇਸ਼ਨ ਦੇਣ ‘ਚ ਦੇਰੀ ਕਰ ਦਿੱਤੀ ਸੀ। ਸੂਚਨਾ ਤਕਨਾਲੋਜੀ ਖੇਤਰ ਦੇ ਭਾਰਤੀ ਮਾਹਰਾਂ ਵਿਚਕਾਰ ਇਹ ਨਾਨ ਇਮੀਗ੍ਰੇਂਟ ਵੀਜ਼ਾ ਬੇਹੱਦ ਲੋਕਪ੍ਰਿਅ ਹੈ। ਐੱਚ-1ਬੀ ਵੀਜ਼ਾ ਅਮਰੀਕੀ ਕੰਪਨੀਆਂ ਨੂੰ ਮੁਹਾਰਤ ਵਾਲੇ ਖੇਤਰਾਂ ‘ਚ ਵਿਦੇਸ਼ੀ ਮੁਲਾਜ਼ਮਾਂ ਨੂੰ ਨਿਯੁਕਤ ਕਰਨ ਦਾ ਮੌਕਾ ਦਿੰਦਾ ਹੈ ਤਾਂ ਜੋ ਅਮਰੀਕੀ ਕੰਪਨੀਆਂ ਸਿਧਾਂਤਕ ਜਾਂ ਤਕਨੀਕੀ ਮਾਹਰ ਦੀ ਆਪਣੀ ਜ਼ਰੂਰਤਾਂ ਨੂੰ ਪੂਰਾ ਕਰ ਸਕਣ।ਅਮਰੀਕਾ ਦੀ ਤਕਨੀਕੀ ਕੰਪਨੀਆਂ ਹਰ ਸਾਲ ਭਾਰਤ ਤੇ ਚੀਨ ਵਰਗੇ ਦੇਸ਼ਾਂ ਤੋਂ ਹਜ਼ਾਰਾਂ ਮੁਲਾਜ਼ਮਾਂ ਨੂੰ ਨੌਕਰੀ ਦਿੰਦੀ ਹੈ। ਅਮਰੀਕੀ ਨਾਗਰਿਕਤਾ ਤੇ ਇਮੀਗ੍ਰੇਸ਼ਨ ਸੇਵਾਵਾਂ ਤਹਿਤ ਉਨ੍ਹਾਂ ਐਪਲੀਕੇਸ਼ਨ ਨੂੰ ਸਵੀਕਾਰ ਕੀਤਾ ਜਾਂਦਾ ਹੈ ਜਿਨ੍ਹਾਂ ਨੇ ਜਾਂ ਤਾਂ ਪਹਿਲਾਂ ਖਾਰਜ ਕਰ ਦਿੱਤਾ ਗਿਆ ਸੀ ਜਾਂ ਫਿਰ ਇਕ ਅਕਤੂਬਰ, 2020 ਤੋਂ ਬਾਅਦ ਐਪਲੀਕੇਸ਼ਨ ਮਿਲਣ ਤੋਂ ਬਾਅਧ ਉਸ ਨੂੰ ਸਵੀਕਾਰ ਨਹੀਂ ਕੀਤਾ ਜਾ ਸਕਿਆ ਸੀ। USCIS ਨੇ ਬੁੱਧਵਾਰ ਨੂੰ ਕਿਹਾ ਕਿ ਜੇ ਸਾਲ 2021 ਲਈ ਤੁਹਾਡੀ ਐਪਲੀਕੇਸ਼ਨ ਖਾਰਜ ਹੋ ਚੁੱਕੀ ਹੈ ਤੇ ਤੁਹਾਡੀ ਪੰਜੀਕਰਨ ਦੀ ਤੈਅ ਮਿਆਦ ‘ਚ ਹੋ ਗਈ ਸੀ ਪਰ ਤੁਸੀਂ ਇਕ ਅਕਤੂਬਰ, 2020 ਤੋਂ ਸ਼ੁਰੂ ਕਰਨ ਦੀ ਅਪੀਲ ਕਾਰਨ ਪ੍ਰਸ਼ਾਨਿਕ ਤੌਰ ‘ਤੇ ਉਸ ਨੂੰ ਸਵੀਕਾਰ ਨਹੀਂ ਕੀਤਾ ਜਾ ਸਕਿਆ। ਅਜਿਹੇ ਸਾਰੇ ਲੋਕ ਤੈਅ ਫੀਸ ਨਾਲ ਆਪਣੀ ਐਪਲੀਕੇਸ਼ਨ ਨੂੰ ਦੁਬਾਰਾ ਜਮ੍ਹਾਂ ਕਰ ਸਕਦੇ ਹਨ।
H-1B Visa ਨਾ ਪਾਉਣ ਵਾਲੇ ਦੁਬਾਰਾ ਕਰ ਸਕਦੇ ਹਨ ਅਪਲਾਈ, ਭਾਰਤੀਆਂ ਨੂੰ ਹੋ ਸਕਦੈ ਫਾਇਦਾ