ਪਾਕਿਸਤਾਨ ਪੱਤਰਕਾਰਾਂ ਲਈ ਸਭ ਤੋਂ ਖ਼ਤਰਨਾਕ ਜਗ੍ਹਾਵਾਂ ‘ਚੋਂ ਇਕ ਹੈ। ਇੱਥੇ ਆਨਲਾਈਨ ਦੁਰਵਿਵਹਾਰ, ਘ੍ਰਿਣ ਤੇ ਸਰੀਰਕ ਹਿੰਸਾ ਕਾਰਨ ਮਹਿਲਾ ਪੱਤਰਕਾਰਾਂ ਦੀ ਸਥਿਤੀ ਹੋਰ ਵੀ ਭਿਆਨਕ ਹੈ। ਆਰਐਸਐਫ ਦੀ 2020 ਵਰਲਡ ਪ੍ਰੈੱਸ ਫ੍ਰੀਡਮ ਇੰਡੈਕਸ ‘ਚ ਪਾਕਿਸਤਾਨ 180 ਦੇਸ਼ਾਂ ‘ਚੋਂ 145ਵੇਂ ਸਥਾਨ ‘ਤੇ ਹੈ।
ਮੀਡੀਆ ਪ੍ਰਹਿਰੀ ਫ੍ਰੀਡਮ ਨੈੱਟਵਰਕ ਨੇ ਕਿਹਾ ਕਿ ਪਾਕਿਸਤਾਨ ‘ਚ 2013 ਤੋਂ 2019 ‘ਚ 33 ਪੱਤਰਕਾਰਾਂ ਨੂੰ ਉਨ੍ਹਾਂ ਦੇ ਕੰਮ ਦੀ ਵਜ੍ਹਾ ਨਾਲ ਮਾਰ ਦਿੱਤਾ ਗਿਆ।ਪਾਕਿਸਤਾਨ ‘ਚ ਸਖ਼ਤ ਸਮਾਜਿਕ ਮਾਪਦੰਡਾਂ ਕਾਰਨ ਮਹਿਲਾ ਪੱਤਰਕਾਰ ਨੂੰ ਹਿੰਸਾ ਤੇ ਧਮਕੀਆਂ ਦਾ ਖਤਰਾ ਹੋਰ ਵੀ ਜ਼ਿਆਦਾ ਹੁੰਦਾ ਹੈ। ਇਕ ਰਿਪੋਰਟ ਤੋਂ ਇਹ ਵੀ ਪਤਾ ਚਲਿਆ ਹੈ ਕਿ ਪ੍ਰਿੰਟ ਮੀਡੀਆ ‘ਚ ਕੰਮ ਕਰਨ ਵਾਲੇ ਪੱਤਰਕਾਰਾਂ ਖ਼ਿਲਾਫ਼ ਇਲੈਕਟ੍ਰਾਨਿਕ ਮੀਡੀਆ ‘ਚ ਕੰਮ ਕਰਨ ਵਾਲੇ ਪੱਤਰਕਾਰਾਂ ਦੀ ਤੁਲਨਾ ‘ਚ ਕਾਨੂੰਨੀ ਕਾਰਵਾਈ ਦੋਗੁਣੀ ਕੀਤੀ ਜਾਂਦੀ ਹੈ। ਪਾਕਿਸਤਾਨ ਦੇ ਲੇਖਕ ਮੇਹਮਿਲ ਖਾਲਿਦ ਨੇ ਪਾਕਿਸਤਾਨ ਡੇਲੀ ‘ਚ ਲਿਖਿਆ ਹੈ ਕਿ ਪੱਤਰਕਾਰਾਂ ਨੂੰ ਵੱਡੀ ਗਿਣਤੀ ‘ਚ ਰੋਜ਼ਾਨਾ ਜਬਰ-ਜਨਾਹ, ਸਰੀਰਕ ਹਿੰਸਾ ਦੀ ਧਮਕੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
