ਚੀਨੀ ਲੈਬ ’ਚ ਬਣਾਇਆ ਗਿਆ ਸੀ ਕੋਰੋਨਾ ਵਾਇਰਸ, ਦੁਰਲੱਭ ਜੀਨੋਮ ਸੀਕਵੈਂਸ ਹੈ ਸਬੂਤ – ਅਮਰੀਕੀ ਮਾਹਰਾਂ ਦਾ ਵੱਡਾ ਦਾਅਵਾ

ਕੋਰੋਨਾ ਵਾਇਰਸ ਦੀ ਉਤਪਤੀ ਨੂੰ ਲੈ ਕੇ ਅਜੇ ਵੀ ਕੋਈ ਪੁਖਤਾ ਸਬੂਤ ਸਾਹਮਣੇ ਨਹੀਂ ਆਇਆ ਹੈ ਪਰ ਇਸ ’ਚ ਅਮਰੀਕੀ ਮਾਹਰਾਂ ਨੇ ਕੋਰੋਨਾ ਵਾਇਰਸ ਦੀ ਉਤਪਤੀ ਨੂੰ ਲੈ ਕੇ ਇਕ ਵੱਡਾ ਦਾਅਵਾ ਕੀਤਾ ਹੈ। ਇਸ ’ਚ ਇਹ ਸਬੂਤ ਦਿੱਤਾ ਗਿਆ ਹੈ ਕਿ ਕੋਵਿਡ-19 ਦੇ ਵੁਹਾਨ ਦੀ ਲੈਬ ਤੋਂ ਨਿਕਲਣ ਦੀ ਥਿਊਰੀ ਦੇ ਪੱਖ ’ਚ ਕਿੰਨਾ ਦਮ ਹੈ।

ਮੀਡੀਆ ਨੇ ਸੋਮਵਾਰ ਨੂੰ ਦੱਸਿਆ ਕਿ ਦੋ ਅਮਰੀਕੀ ਮਾਹਰਾਂ ਨੇ ਆਪਣੀ ਖੋਜ ’ਚ ਦਾਅਵਾ ਕੀਤਾ ਹੈ ਕਿ ਕੋਰੋਨਾ ਵਾਇਰਸ ਚੀਨ ਦੇ ਵੁਹਾਨ Institute of Virology ਤੋਂ ਲੀਕ ਹੋਇਆ ਹੈ। ਉਨ੍ਹਾਂ ਨੇ ਖੋਜ ’ਚ ਦੱਸਿਆ ਹੈ ਕਿ ਕੋਵਿਡ-19 ਦੇ ਦੁਰਲੱਭ ਜੀਨੋਮ ਤੋਂ ਪਤਾ ਚੱਲਦਾ ਹੈ ਕਿ ਕੋਰੋਨਾ ਵਾਇਰਸ ਇਕ ਪ੍ਰਯੋਗਸ਼ਾਲਾ (ਲੈਬ) ’ਚ ਬਣਾਇਆ ਗਿਆ ਸੀ ਇਹ ਕੋਈ ਕੁਦਰਤੀ ਵਾਇਰਸ ਨਹੀਂ ਹੈ।ਅਮਰੀਕਾ ਦੇ ਵਾਲ ਸਟ੍ਰੀਟ ਜਰਨਲ (wall street journal ) ਨੇ ਦੱਸਿਆ ਕਿ ਅਮਰੀਕਾ ਦੇ ਦੋ ਮਾਹਰ ਡਾ. ਸਟੀਫਨ ਕਵੇ ਤੇ ਰਿਚਰਡ ਮੁਲਰ ਅਨੁਸਾਰ, ਕੋਵਿਡ-19 ’ਚ ਇਕ ਜੈਨੇਟਿਕ ਪੈਰ ਦੇ ਨਿਸ਼ਾਨ ਹਨ ਜੋ ਕਿਸੇ ਕੁਦਰਤੀ ਕੋਰੋਨਾ ਵਾਇਰਸ ’ਚ ਕਦੇ ਨਹੀਂ ਦੇਖੇ ਗਏ ਹਨ। ਕਵੇ ਤੇ ਮੁਲਰ ਨੇ ਦੱਸਿਆ ਹੈ ਕਿ ਕੋਵਿਡ-19 ’ਚ ਜੀਨੋਮ ਸੀਕਵੈਂਸ ‘ਸੀਜੀਜੀ-ਸੀਜੀਜੀ’ (ਜਿਸ ਨੂੰ ਡਬਲ ਸੀਜੀਜੀ ਵੀ ਕਿਹਾ ਜਾਂਦਾ ਹੈ) ਹੈ, ਜੋ 36 ਇੰਡੈਕਸਿੰਗ ਪੈਟਰਨ (indexing pattern) ’ਚੋਂ ਇਕ ਹੈ। ਸੀਜੀਜੀ ਦਾ ਉਪਯੋਗ ਸ਼ਾਇਦ ਹੀ ਕਦੇ ਕੋਰੋਨਾ ਵਾਇਰਸ ਦੀ ਸ਼੍ਰੇਣੀ ’ਚ ਕੀਤਾ ਜਾਂਦਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਮੌਜੂਦਾ ਸਮੇਂ ’ਚ, ਕੋਰੋਨਾ ਵਾਇਰਸ ਦੇ ਪੂਰੇ ਵਰਗ ’ਚ ਜਿਸ ’ਚ CoV- 2 ਵੀ ਸ਼ਾਮਲ ਹੈ, ਸੀਜੀਜੀ-ਸੀਜੀਜੀ ਜੀਨੋਮ ਸੀਕਵੈਂਸ ਕਦੇ ਵੀ ਕੁਦਰਤੀ ਰੂਪ ਨਾਲ ਨਹੀਂ ਪਾਇਆ ਗਿਆ ਹੈ। ਇਸ ਸੋਧ ਨੂੰ ਲੈ ਕੇ ਉਨ੍ਹਾਂ ਅੱਗੇ ਕੋਈ ਗੱਲਾਂ ਦੱਸਿਆ ਹਨ। ਅੰਤ ’ਚ ਉਨ੍ਹਾਂ ਨੇ ਕਿਹਾ ਹੈ ਕਿ ਕੋਰੋਨਾ ਵਾਇਰਸ ਨੂੰ ਇਕ ਪ੍ਰਯੋਗਸ਼ਾਲਾ ’ਚ ਤਿਆਰ ਕੀਤਾ ਗਿਆ ਹੈ।