ਥ੍ਰੋਰਾਂ ’ਚ ਘਿਰਿਆ ਬੇਸ਼ਕ , ਚੰਬਾ ਗੁਲਾਬ ਚਾਹੁਨਾਂ।
ਮਹਿਕਾਂ ਨੂੰ ਘੱਲੇ ਖ਼ਤ ਦਾ ਜਲਦੀ ਜਵਾਬ ਚਾਹੁਨਾਂ।
ਮੈਂ ਸ਼ਾਮ ਤੇ ਸਵੇਰੇ ਸਤਲੁਜ ਦੀ ਖ਼ੈਰ ਮੰਗਾਂ,
ਤੇ ਨਾਲ ਇਸ ਦੇ ਯਾਰੋ ਵਗਦਾ ਚਨਾਬ ਚਾਹਨਾਂ |
ਇਸ ਸ਼ਹਿਰ ਦੀ ਫ਼ਿਜ਼ਾ ਵਿਚ, ਹੁਣ ਘੁਲ ਗਈ ਕੁੜੱਤਣ,
ਨਾਨਕ ਦੀ ਫੇਰ ਏਥੇ ਗੂੰਜੇ ਰਬਾਬ ਚਾਹੁਨਾਂ ।
ਚਾਹੁਨਾਂ ਮੈਂ ਰਹਿਣ ਚੁੱਲੇ, ਮਘਦੇ ਹਮੇਸ਼ ਯਾਰੋ,
ਨਦੀਆਂ ’ਚ ਨੀਰ ਚਾਹੁੰਨਾਂ, ਹਸਦੇ ਗੁਲਾਬ ਚਾਹੁੰਨਾਂ|
ਮਾਂ ! ਸ਼ਹਿਰ ਵਿੱਚ ਬਠਿੰਡੇ ਝੀਲਾਂ ’ਤੇ ਜੀਅ ਨਾ ਲੱਗੇ,
ਉਹ ਰੋਣਕਾਂ ਪਰੁੱਚੀ ਘਣੀਏ ਦੀ ਢਾਬ ਚਾਹੁਨਾਂ।
ਸੁਰਿੰਦਰਪ੍ਰੀਤ ਘਣੀਆ
98140-86961