ਮਨੀਲਾ: ਫਿਲੀਪੀਂਸ ਦੇ ਮੁੱਖ ਦੀਪ ਲੂਜਾਨ ‘ਚ ਵਾਮਕੋ ਤੂਫਾਨ ਨਾਲ ਮਰਨ ਵਾਲਿਆਂ ਦੀ ਸੰਖਿਆਂ ਵਧ ਕੇ ਸੱਤ ਹੋ ਗਈ ਹੈ। ਖਬਰ ਏਜੰਸੀ ਸਿਨਹੁਆ ਮੁਤਾਬਕ ਚਾਰ ਲੋਕ ਅਜੇ ਵੀ ਲਾਪਤਾ ਹਨ। ਫਿਲੀਪੀਂਸ ਦੇ ਮਰੀਕਿਨਾ ਸਿਟੀ ਤੇ ਰਿਜਾਲ ਸੂਬੇ ਸਭ ਤੋਂ ਜਿਆਦਾ ਪ੍ਰਭਾਵਿਤ ਖੇਤਰ ਹਨ।
ਇਸ ਇਲਾਕੇ ‘ਚ ਵੱਡੇ ਪੈਮਾਨੇ ‘ਤੇ ਹੜ੍ਹਾਂ ਕਾਰਨ ਸੈਂਕੜੇ ਲੋਕ ਫਸੇ ਹੋਏ ਹਨ। ਬੁੱਧਵਾਰ ਤੋਂ ਵੀਰਵਾਰ ਵਾਮਕੋ ਤੂਫਾਨ ਨੇ 11 ਕਰੋੜ ਘਰਾਂ ਨੂੰ ਪ੍ਰਭਾਵਿਤ ਕੀਤਾ ਹੈ। ਤੂਫਾਨ ਨੇ ਫਿਲੀਪੀਂਸ ਦੇ ਲੂਜੋਨ ਦੀਪ ਦੇ ਵੱਡੇ ਹਿੱਸੇ ‘ਚ ਤਬਾਹੀ ਮਚਾਈ ਹੈ। ਇਸ ਤੋਂ ਪਹਿਲਾਂ ਇਸ ਸਾਲ ਤੂਫਾਨ ਗੋਨੀ ਨੇ ਵੱਡੇ ਪੱਧਰ ‘ਤੇ ਜਾਨ-ਮਾਲ ਦਾ ਨੁਕਸਾਨ ਕੀਤਾ ਸੀ।