ਸ਼ਿਕਾਗੋ ਦੇ ਘਰ ‘ਚ ਲੱਗੀ ਅੱਗ, ਮਾਂ ਤੇ ਚਾਰ ਬੱਚਿਆਂ ਦੀ ਮੌਤ

ਅਮਰੀਕਾ ਦੇ ਸ਼ਿਕਾਗੋ ਸ਼ਹਿਰ ਦੇ ਡੇਸ ਪਲੇਨਸ ਸ਼ਹਿਰ ਵਿਚ ਬੁੱਧਵਾਰ ਨੂੰ ਇਕ ਘਰ ‘ਚ ਅੱਗ ਲੱਗਣ ਕਾਰਨ ਇਕ ਮਾਂ ਤੇ ਉਸ ਦੀਆਂ ਚਾਰ ਧੀਆਂ ਦੀ ਮੌਤ ਹੋ ਗਈ। ਦੋ ਮੰਜ਼ਲਾ ਇਮਾਰਤ ਵਿਚ ਅੱਗ ਨਾਲ ਮਾਰੀ ਗਈ ਮਾਂ ਤੇ ਬੱਚਿਆਂ ਦੀ ਪਛਾਣ-ਸਿਟਾਰਾਲੀ ਜ਼ਾਮੀਓਡੋ (25), ਰੇਨਾਟਾ ਐਸਪੀਨੋਸੀਆ (6), ਜੈਨੇਸਿਸ ਐਸਪੀਨੋਸੀਆ (5), ਅਲੀਜ਼ੋਨ ਐਸਪੀਨੋਸੀਆ (3) ਤੇ ਗਰੇਸ ਐਸਪੀਨੋਸੀਆ (ਇਕ ਸਾਲ) ਵਜੋਂ ਹੋਈ ਹੈ। ਬੱਚਿਆਂ ਦਾ ਪਿਤਾ ਅੱਗ ਲੱਗਣ ਸਮੇਂ ਘਰ ‘ਚ ਨਹੀਂ ਸੀ।
ਇਮਾਰਤ ‘ਚ ਰਹਿ ਰਹੇ ਪਾਬੇਲ ਮਾਰੇਰੋ (52) ਨੇ ਦੱਸਿਆ ਕਿ ਉਹ ਆਪਣੇ ਬੈੱਡ ‘ਤੇ ਸਨ ਜਦੋਂ ਉਨ੍ਹਾਂ ਦਾ ਧੂੰਏਂ ਨਾਲ ਸਾਹ ਘੁਟਣ ਲੱਗਾ। ਜਦੋਂ ਉਸ ਨੇ ਬਾਹਰ ਜਾ ਕੇ ਦੇਖਿਆ ਤਾਂ ਇਮਾਰਤ ਨੂੰ ਅੱਗ ਲੱਗੀ ਹੋਈ ਸੀ। ਉਨ੍ਹਾਂ ਤੁਰੰਤ ਫਾਇਰ ਬਿ੍ਗੇਡ ਨੂੰ ਇਸ ਦੀ ਸੂਚਨਾ ਦਿੱਤੀ। ਅੱਗ ਬੁਝਾਉਂਦਿਆਂ ਫਾਇਰ ਬਿ੍ਗੇਡ ਦੇ ਦੋ ਮੁਲਾਜ਼ਮ ਵੀ ਜ਼ਖ਼ਮੀ ਹੋ ਗਏ।