PM Modi Reaches Varanasi: ਵਾਰਾਣਸੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਸਵੇਰੇ 10 ਵਜੇ ਆਪਣੇ ਸੰਸਦੀ ਖੇਤਰ ਵਾਰਾਣਸੀ ਪਹੁੰਚੇ । ਵਾਰਾਣਸੀ ਦੇ ਲਾਲ ਬਹਾਦੁਰ ਸ਼ਾਸਤਰੀ ਹਵਾਈ ਅੱਡੇ ‘ਤੇ ਉੱਤਰ ਪ੍ਰਦੇਸ਼ ਦੇ ਰਾਜਪਾਲ ਆਨੰਦੀਬੇਨ ਪਟੇਲ ਅਤੇ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ ਪੀਐਮ ਮੋਦੀ ਦਾ ਸਵਾਗਤ ਕੀਤਾ । ਦੱਸ ਦੇਈਏ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅੱਜ ਸਿਰਫ 6 ਘੰਟੇ ਵਾਰਾਣਸੀ ਵਿੱਚ ਰਹਿਣਗੇ ।
ਇਸ ਦੌਰਾਨ ਪ੍ਰਧਾਨ ਮੰਤਰੀ ਕਾਸ਼ੀ ਦੇ ਲੋਕਾਂ ਨੂੰ 1600 ਕਰੋੜ ਰੁਪਏ ਦੇ ਪ੍ਰਾਜੈਕਟਾਂ ਦੀ ਸੌਗਾਤ ਦੇਣਗੇ। ਉਹ ਇਥੇ ਇਕ ਜਨ ਸਭਾ ਨੂੰ ਵੀ ਸੰਬੋਧਨ ਕਰਨਗੇ । ਪਹਿਲਾਂ ਉਹ ਸਵੇਰੇ 11 ਵਜੇ ਬੀਐਚਯੂ ਤੋਂ ਜੰਗਬੰਦੀ ਮੱਠ ਜਾਣਗੇ । ਪੀਐੱਮ ਜੰਗਮਬਾੜੀ ਮਠ ਵਿਖੇ ਹੋਏ ਸਮਾਰੋਹ ਵਿੱਚ ਸ਼ਿਰਕਤ ਕਰਨਗੇ ਅਤੇ ‘ਸ੍ਰੀ ਸਿੱਧੰਤ ਸਿੱਖਵਾਨੀ ਗਰੰਥ’ ਜਾਰੀ ਕਰਨਗੇ ਅਤੇ ਇੱਕ ਮੋਬਾਇਲ ਐਪ ਲਾਂਚ ਕਰਨਗੇ ।
ਇਸ ਤੋਂ ਇਲਾਵਾ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀਡੀਓ ਲਿੰਕ ਰਾਹੀਂ IRCTC ਦੀ ਮਹਾਂਕਾਲ ਐਕਸਪ੍ਰੈਸ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕਰਨਗੇ । ਇਸ ਦੌਰੇ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ 30 ਤੋਂ ਵੱਧ ਪ੍ਰਾਜੈਕਟਾਂ ਦਾ ਉਦਘਾਟਨ ਕਰਨਗੇ । ਉੱਥੇ ਹੀ ਪੀਐਮ ਮੋਦੀ BHU ਵਿੱਚ ਇੱਕ 430 ਬਿਸਤਰਿਆਂ ਵਾਲਾ ਸੁਪਰ ਸਪੈਸ਼ਲਿਟੀ ਸਰਕਾਰੀ ਹਸਪਤਾਲ ਵੀ ਤੋਹਫੇ ਵਜੋਂ ਦੇਣਗੇ ।
ਦੱਸ ਦੇਈਏ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਆਈਆਰਸੀਟੀਸੀ ਦੀ ਮਹਾਕਾਲ ਐਕਸਪ੍ਰੈੱਸ ਨੂੰ ਵਿਡੀਓ ਲਿੰਕ ਰਾਹੀਂ ਹਰੀ ਝੰਡੀ ਵਿਖਾਉਣਗੇ । ਰਾਤ ਭਰ ਚੱਲਣ ਵਾਲੀ ਇਹ ਟ੍ਰੇਨ ਤਿੰਨ ਤੀਰਥ ਸਥਾਨਾਂ ਵਾਰਾਨਸੀ, ਉਜੈਨ ਤੇ ਓਂਕਾਰੇਸ਼ਵਰ ਨੂੰ ਜੋੜੇਗੀ । ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ਮੋਦੀ ਪੰਡਤ ਦੀਨਦਿਆਲ ਉਪਾਧਿਆਇ ਯਾਦਗਾਰੀ ਕੇਂਦਰ ਵਿੱਚ ਪੰ. ਦੀਨਦਿਆਲ ਉਪਾਧਿਆਇ ਦੇ 63 ਫ਼ੁੱਟ ਉੱਚੇ ਬੁੱਤ ਤੋਂ ਪਰਦਾ ਵੀ ਹਟਾਉਣਗੇ ।
