bangladesh cricketers announces: ਪੂਰੇ ਦੁਨੀਆ ਵਿੱਚ ਕੋਰੋਨਾਵਾਇਰਸ ਦਾ ਕਹਿਰ ਲਗਾਤਾਰ ਜਾਰੀ ਹੈ। ਸਾਰੇ ਸੰਸਾਰ ਤੋਂ ਲੋਕ ਵੀ ਮਦਦ ਲਈ ਅੱਗੇ ਆ ਰਹੇ ਹਨ। ਜਿਸ ਨਾਲ ਇੱਕ ਉਮੀਦ ਬਣੀ ਹੋਈ ਹੈ। ਬੰਗਲਾਦੇਸ਼ ਦੀ ਕ੍ਰਿਕਟ ਟੀਮ ਨੇ ਆਪਣੇ ਮਹੀਨੇ ਦੀ ਤਨਖਾਹ ਦਾ ਅੱਧਾ ਹਿੱਸਾ ਕੋਰੋਨਾਵਾਇਰਸ ਵਿਰੁੱਧ ਲੜ ਰਹੀ ਸਰਕਾਰ ਦੇ ਫੰਡ ਵਿੱਚ ਦਾਨ ਕਰਨ ਦਾ ਫੈਸਲਾ ਕੀਤਾ ਹੈ। ਅਤੇ ਇਹ ਬਹੁਤ ਹੀ ਪ੍ਰਸ਼ੰਸਾ ਦੀ ਗੱਲ ਹੈ। ਜਿੱਥੇ ਸਾਡੇ ਕਰੋੜਪਤੀ ਕ੍ਰਿਕਟਰ ਸਿਰਫ ਸੰਦੇਸ਼ ਭੇਜ ਰਹੇ ਹਨ। ਅਜਿਹੀ ਸਥਿਤੀ ਵਿੱਚ ਬੰਗਲਾਦੇਸ਼ ਦੇ ਕ੍ਰਿਕਟਰਾਂ ਦਾ ਇਹ ਕਦਮ ਇਨ੍ਹਾਂ ਅਰਬਪਤੀ ਭਾਰਤੀ ਕ੍ਰਿਕਟਰਾਂ ਲਈ ਇੱਕ ਚੰਗਾ ਸੰਦੇਸ਼ ਹੈ।
ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਵਿਸ਼ਵ ਦਾ ਸਭ ਤੋਂ ਵੱਧ ਕਮਾਈ ਕਰਨ ਵਾਲਾ ਕ੍ਰਿਕਟਰ ਹੈ। ਵਿਰਾਟ ਤੋਂ ਇਲਾਵਾ, ਐਮਐਸ ਧੋਨੀ, ਸਾਬਕਾ ਦਿੱਗਜ਼ ਸਚਿਨ ਤੇਂਦੁਲਕਰ ਸਮੇਤ ਹੋਰ ਵੱਡੇ ਨਾਮ ਹਨ, ਜੋ ਇੱਕ ਸਾਲ ਵਿੱਚ ਕਰੋੜਾਂ ਰੁਪਏ ਕਮਾਉਂਦੇ ਹਨ, ਪਰ ਇਹਨਾਂ ਦਿੱਗਜਾਂ ਨੇ ਵੀਡੀਓ ਸੰਦੇਸ਼ ਦੇਣ ਤੋਂ ਇਲਾਵਾ ਜੇਬ ਵਿਚੋਂ ਕੋਈ ਪੈਸਾ ਬਾਹਰ ਕੱਢਣ ਦਾ ਐਲਾਨ ਨਹੀਂ ਕੀਤਾ ਹੈ। ਹਾਲਾਂਕਿ, ਬੀਸੀਸੀਆਈ ਦੇ ਪ੍ਰਧਾਨ ਸੌਰਵ ਗਾਂਗੁਲੀ ਨੇ ਪੰਜਾਹ ਲੱਖ ਰੁਪਏ ਦੇ ਚੌਲ ਵੰਡਣ ਦਾ ਐਲਾਨ ਕੀਤਾ ਸੀ, ਪਰ ਇਹ ਮਦਦ ਆਟੇ ਵਿੱਚ ਨਮਕ ਵਰਗੀ ਹੈ। ਇਸ ਦੇ ਨਾਲ ਹੀ, ਸੌਰਵ ਗਾਂਗੁਲੀ ਤੋਂ ਇਲਾਵਾ ਬਹੁਤ ਸਾਰੇ ਵੱਡੇ ਨਾਮ ਹਨ ਜੋ ਅੱਜ ਦੇ ਸਮੇਂ ਵਿੱਚ ਅਰਬਾਂ ਰੁਪਏ ਸਾਲਾਨਾ ਕਮਾ ਰਹੇ ਹਨ।
ਹਾਲਾਂਕਿ, ਰਿਪੋਰਟ ਦੇ ਅਨੁਸਾਰ, ਬੰਗਲਾਦੇਸ਼ ਦੇ 27 ਖਿਡਾਰੀਆਂ ਨੇ ਆਪਣੀ ਮਹੀਨੇ ਦੀ ਅੱਧੀ ਤਨਖਾਹ ਦਾਨ ਕਰਨ ਦਾ ਫੈਸਲਾ ਕੀਤਾ ਹੈ। ਇਨ੍ਹਾਂ ਵਿੱਚੋਂ 17 ਕ੍ਰਿਕਟਰਾਂ ਦਾ ਬੋਰਡ ਨਾਲ ਸਾਲਾਨਾ ਸਮਝੌਤਾ ਹੁੰਦਾ ਹੈ। ਅਤੇ ਬਾਕੀ 10 ਖਿਡਾਰੀਆਂ ਨੇ ਬੰਗਲਾਦੇਸ਼ ਦੀ ਪ੍ਰਤੀਨਿਧਤਾ ਕੀਤੀ ਹੈ। ਖਿਡਾਰੀਆਂ ਦੁਆਰਾ ਜਾਰੀ ਸਾਂਝੇ ਬਿਆਨ ਵਿੱਚ ਕਿਹਾ ਗਿਆ ਹੈ, “ਪੂਰੀ ਦੁਨੀਆ ਕੋਰੋਨਾਵਾਇਰਸ ਮਹਾਂਮਾਰੀ ਵਿਰੁੱਧ ਲੜਾਈ ਲੜ ਰਹੀ ਹੈ, ਅਤੇ ਇਹ ਬੰਗਲਾਦੇਸ਼ ਵਿੱਚ ਵੀ ਜਾਰੀ ਹੈ। ਅਸੀਂ ਕ੍ਰਿਕਟਰ ਮਹਾਂਮਾਰੀ ਨੂੰ ਰੋਕਣ ਲਈ ਸੋਸ਼ਲ ਮੀਡੀਆ ਉੱਤੇ ਜ਼ਰੂਰੀ ਕਦਮ ਚੁੱਕਣ ਅਤੇ ਜਾਗਰੂਕਤਾ ਫੈਲਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਾਂ।”
