ਪੰਜਾਬ ‘ਚ ਚਲ ਰਹੀ ਰਾਜਨੀਤੀ ਦਾ ਫਾਇਦਾ ਪਾਕਿਸਤਾਨ ਚੁੱਕੇਗਾ ਤੇ ਪਹਿਲਾਂ ਦੀ ਤਰ੍ਹਾਂ ਅਸਥਿਰਤਾ ਦਾ ਮਾਹੌਲ ਪਾਕਿਸਤਾਨ ਪੰਜਾਬ ‘ਚ ਬਣਿਆ ਸਕਦਾ ਹੈ। ਇਹ ਗੱਲ ਐਂਟੀ ਟੇਰਰਿਸਟ ਫਰੰਟ ਦੇ ਰਾਸ਼ਟਰੀ ਕੌਮੀ ਮਨਿੰਦਰਜੀਤ ਸਿੰਘ ਬਿੱਟਾ ਨੇ ਦਿੱਲੀ ਜਾਣ ਤੋਂ ਪਹਿਲਾਂ ਗਗਲ ਏਅਰਪੋਰਟ ‘ਤੇ ਪੱਤਰਕਾਰਾਂ ਨਾਲ ਗੱਲਬਾਤ ‘ਚ ਕਹੀ। ਬਿੱਟਾ ਨੇ ਕਿਹਾ ਕਿ ਪੰਜਾਬ ‘ਚ ਰਾਜਨੀਤਕ ਕਲੇਸ਼ ਸੁਰੱਖਿਆ ਦੀ ਦ੍ਰਿਸ਼ਟੀ ਨਾਲ ਬਿਲਕੁੱਲ ਵੀ ਉਚਿੱਤ ਨਹੀਂ ਹੈ। ਇਸ ਦੌਰਾਨ ਪਾਕਿਸਤਾਨ ਆਪਣੀਆਂ ਕਰਤੂਤਾਂ ਤੋਂ ਬਾਜ਼ ਆਉਣਾ ਹੋਵੇਗਾ। ਅੱਤਵਾਦ ਕਾਰਨ 36,000 ਬੇਕਸੂਰ ਲੋਕ ਸ਼ਹੀਦ ਹੋਏ ਹਨ। ਬਿੱਟਾ ਨੇ ਕਿਹਾ ਜੰਮੂ ਕਸ਼ਮੀਰ ‘ਚ ਧਾਰਾ 370 ਹਟਾਉਣ ਤੋਂ ਬਾਅਦ ਅੱਤਵਾਦ ‘ਚ ਵੱਡੇ ਪੱਧਰ ‘ਤੇ ਕਮੀ ਆਈ ਹੈ। ਬਲੀਦਾਨੀਆਂ ਦੇ ਪਰਿਵਾਰਾਂ ਬਾਰੇ ‘ਚ ਬੋਲਦੇ ਹੋਏ ਬਿੱਟਾ ਨੇ ਕਿਹਾ ਦੇਸ਼ ਦੇ ਹਰ ਸੂਬੇ ‘ਚ ਸ਼ਹੀਦ ਪਰਿਵਾਰਾਂ ਨੂੰ ਮਿਲਣ ਵਾਲੀ ਸਹਾਇਤਾ ਇਕ ਸਮਾਨ ਹੋਣੀ ਚਾਹੀਦੀ।
ਦੇਸ਼ ‘ਚ ਚਲ ਰਹੇ ਕਿਸਾਨ ਅੰਦੋਲਨ ਨੂੰ ਲੈ ਕੇ ਪੁੱਛਣ ‘ਤੇ ਬਿੱਟਾ ਨੇ ਕਿਹਾ ਕਿ ਰਾਕੇਸ਼ ਟਿਕੈਤ ਕਿਸਾਨ ਅੰਦੋਲਨ ਦੀ ਆੜ ‘ਚ ਯੂਪੀ ‘ਚ ਹੋਣ ਵਾਲੇ ਚੋਣ ਲਈ ਰਾਜਨੀਤਕ ਚਾਲਾਂ ਚਲ ਰਹੇ ਹਨ। ਹਿਮਾਚਲ ਪ੍ਰਦੇਸ਼ ਦੀ ਸਵੱਛ ਰਾਜਨੀਤੀ ਹੋਰ ਸੂਬਿਆਂ ਦੇ ਰਾਜਨੀਤੀ ਦੇ ਮੁਕਾਬਲੇ ਕਾਫੀ ਚੰਗੀ ਤੇ ਸਾਫ਼ ਹੈ। ਇਸ ਮੌਕੇ ‘ਤੇ ਫਰੰਟ ਦੇ ਜ਼ਿਲ੍ਹੇ ਕਾਗੜਾ ਇਕਾਈ ਦੇ ਪ੍ਰਧਾਨ ਬਲਵਿੰਦਰ ਸਿੰਘ ਬਬਲੂ ਸਣੇ ਬਿੱਟਾ ਦੇ ਅਨੇਕ ਸਮਰਥਕ ਮੌਜੂਦ ਰਹੇ।