Hyderabad Food Delivery boy: ਹੈਦਰਾਬਾਦ: ਦਿੱਲੀ ਤੋਂ ਬਾਅਦ ਹੁਣ ਹੈਦਰਾਬਾਦ ਵਿੱਚ ਇੱਕ ਫੂਡ ਡਿਲੀਵਰੀ ਏਜੰਟ ਕੋਰੋਨਾ ਪੀੜਤ ਪਾਇਆ ਗਿਆ ਹੈ। ਨਾਮਪੱਲੀ ਵਿੱਚ ਰਹਿਣ ਵਾਲੇ ਫੂਡ ਡਿਲੀਵਰੀ ਬੁਆਏ ਅਤੇ ਉਸ ਦੇ ਪਰਿਵਾਰ ਦੇ 5 ਮੈਂਬਰਾਂ ਦੀ ਰਿਪੋਰਟ ਵੀ ਕੋਰੋਨਾ ਪਾਜ਼ੀਟਿਵ ਆਈ ਹੈ । ਪ੍ਰਸ਼ਾਸਨ ਹੁਣ ਉਨਾਂ ਲੋਕਾਂ ਦਾ ਪਤਾ ਲੱਗਾ ਰਿਹਾ ਹੈ, ਜਿਨ੍ਹਾਂ ਦੇ ਸੰਪਰਕ ਵਿੱਚ ਫੂਡ ਡਿਲੀਵਰੀ ਬੁਆਏ ਆਇਆ ਸੀ । ਡਿਲੀਵਰੀ ਬੁਆਏ ਦਾ ਇੱਕ ਵੱਡਾ ਭਰਾ ਮਾਰਚ ਮਹੀਨੇ ਵਿੱਚ ਨਿਜਾਮੁਦੀਨ ਮਰਕਜ ਵਿੱਚ ਆਯੋਜਿਤ ਤਬਲੀਗੀ ਜਮਾਤ ਵਿੱਚ ਸ਼ਾਮਿਲ ਹੋਇਆ ਸੀ ।
ਇਸ ਸਬੰਧੀ ਇੱਕ ਅਧਿਕਾਰੀ ਨੇ ਦੱਸਿਆ ਪਰਿਵਾਰ ਦੇ 8 ਮੈਂਬਰਾਂ ਵਿੱਚੋਂ ਡਿਲੀਵਰੀ ਬੁਆਏ ਦੇ ਵੱਡੇ ਭਰਾ ਦੀ ਰਿਪੋਰਟ 15 ਅਪ੍ਰੈਲ ਨੂੰ ਪਾਜ਼ੀਟਿਵ ਆਈ । ਇਸ ਤੋਂ ਬਾਅਦ 17 ਅਪ੍ਰੈਲ ਨੂੰ ਪਰਿਵਾਰ ਦੇ 4 ਹੋਰ ਮੈਂਬਰ ਵੀ ਕੋਰੋਨਾ ਪੀੜਤ ਪਾਏ ਗਏ, ਜਿਸ ਵਿੱਚ ਫੂਡ ਡਿਲੀਵਰੀ ਬੁਆਏ, ਉਸਦੀ ਮਾਂ, ਭਰਜਾਈ ਅਤੇ ਭਤੀਜੇ ਵੀ ਸ਼ਾਮਿਲ ਸਨ ।
ਪਰਿਵਾਰ ਦੇ 2 ਬੱਚੇ ਜਿਨ੍ਹਾਂ ਦੀ ਰਿਪੋਰਟ ਨੈਗੇਟਿਵ ਆਈ ਹੈ, ਉਨਾਂ ਨੂੰ 14 ਦਿਨ ਲਈ ਇੱਕ ਰਿਸ਼ਤੇਦਾਰ ਦੇ ਘਰ ਭੇਜ ਦਿੱਤਾ ਗਿਆ ਹੈ । ਸ਼ੁਰੂਆਤੀ ਪੁੱਛ-ਗਿੱਛ ਵਿੱਚ ਪੁਲਿਸ ਨੂੰ ਪਤਾ ਲੱਗਿਆ ਕਿ ਡਿਲੀਵਰੀ ਬੁਆਏ ਦਾ ਭਰਾ 18 ਮਾਰਚ ਨੂੰ ਦਿੱਲੀ ਤੋਂ ਆਇਆ ਸੀ । ਸ਼ੁਰੂਆਤੀ ਕਾਨਟੈਕਟ ਦਾ ਪਤਾ ਲਗਾਉਂਦੇ ਹੋਏ ਪੁਲਿਸ ਨੇ 3 ਲੋਕਾਂ ਦਾ ਪਤਾ ਲਗਾਇਆ ਜੋ ਉਨ੍ਹਾਂ ਨੂੰ ਮਿਲੇ ਸਨ ਅਤੇ ਉਨਾਂ ਨੂੰ ਕੁਆਰੰਟੀਨ ਵਿੱਚ ਭੇਜਿਆ ਗਿਆ । ਇਸ ਬਾਰੇ ਨਾਮਪੱਲੀ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਾਨਟੈਕਟ ਵਿੱਚ ਕਿਸੇ ਤਰਾਂ ਦੇ ਲੱਛਣ ਨਹੀਂ ਦਿਖਾਈ ਦਿੱਤੇ । ਉਨਾਂ ਦਾ ਕੁਆਰੰਟੀਨ ਪੀਰੀਅਡ ਵੀ ਖਤਮ ਹੋ ਗਿਆ ਹੈ ।
ਫੂਡ ਡਿਲੀਵਰੀ ਬੁਆਏ ਨੇ ਪੁਲਿਸ ਨੂੰ ਦੱਸਿਆ ਕਿ 19 ਮਾਰਚ ਨੂੰ ਉਹ ਕੰਮ ‘ਤੇ ਨਹੀਂ ਗਿਆ ਸੀ । ਪੁਲਿਸ ਅਧਿਕਾਰੀ ਨੇ ਦੱਸਿਆ 22 ਮਾਰਚ ਨੂੰ ਜਨਤਾ ਕਰਫਿਊ ਤੋਂ ਬਾਅਦ ਲਾਕਡਾਊਨ ਐਲਾਨ ਹੋਣ ਨਾਲ ਡਿਲੀਵਰੀ ਬੁਆਏ ਕੰਮ ‘ਤੇ ਨਹੀਂ ਗਿਆ ਸੀ । ਨਜਿਸ ਕਾਰਨ ਉਨ੍ਹਾਂ ਨੂੰ ਸ਼ੱਕ ਹੈ ਕਿ ਉਸ ਦੇ ਭਰਾ ਦੇ 18 ਮਾਰਚ ਨੂੰ ਆਉਣ ਦੇ ਇਕ ਦਿਨ ਬਾਅਦ ਉਸ ਨੇ ਖਾਣਾ ਡਿਲੀਵਰ ਕੀਤਾ ਹੋਵੇਗਾ । ਫਿਲਹਾਲ ਪੁਲਿਸ ਫੂਡ ਡਿਲੀਵਰੀ ਕੰਪਨੀ ਦੀ ਮਦਦ ਨਾਲ ਗਾਹਕਾਂ ਦੀ ਜਾਣਕਾਰੀ ਲੈ ਰਹੀ ਹੈ ।
