ਡਿਏਗੋ ਮੈਰਾਡੋਨਾ ਦੀ ਮੌਤ ਦੀ ਜਾਂਚ ਕਰ ਰਹੀ ਪੁਲਿਸ ਨੇ ਮਨੋਵਿਗਿਆਨੀ ਦੇ ਘਰ ਤੇ ਦਫ਼ਤਰ ‘ਤੇ ਮਾਰਿਆ ਛਾਪਾ

ਬਿਊਨਸ ਆਇਰਸ (ਏਪੀ) : ਡਿਏਗੋ ਮੈਰਾਡੋਨਾ ਦੀ ਮੌਤ ਦੀ ਜਾਂਚ ਕਰ ਰਹੀ ਪੁਲਿਸ ਨੇ ਫੁੱਟਬਾਲ ਦੇ ਇਸ ਮਹਾਨਾਇਕ ਦੀ ਦੇਖਭਾਲ ਕਰਨ ਵਾਲੀ ਮਨੋਵਿਗਿਆਨੀ ਦੇ ਦਫਤਰ ਤੇ ਘਰ ਦੀ ਤਲਾਸ਼ੀ ਲਈ। ਪੁਲਿਸ ਇਸ ਮਾਮਲੇ ਵਿਚ ਚਿਕਿਤਸਾ ਸਬੰਧੀ ਲਾਪਰਵਾਹੀ ਦੀ ਜਾਂਚ ਕਰ ਰਹੀ ਹੈ। ਅਟਾਰਨੀ ਜਨਰਲ ਤੋਂ ਹੁਕਮ ਮਿਲਣ ਤੋਂ ਬਾਅਦ ਪੁਲਿਸ ਨੇ ਮਨੋਵਿਗਿਆਨੀ ਆਗਸਟੀਨਾ ਕੋਸਾਚੋਵ ਦੇ ਦਫਤਰ ਵਿਚ ਪ੍ਰਵੇਸ਼ ਕੀਤਾ। ਉਥੇ ਪੁਲਿਸ ਦੀ ਦੂਜੀ ਟੀਮ ਨੇ ਉਨ੍ਹਾਂ ਦੇ ਘਰ ਦੀ ਛਾਣਬੀਣ ਕੀਤੀ। ਮਨੋਵਿਗਿਆਨੀ ਵਾਦਿਮ ਮਿਸਚਾਂਚੁਕ ਨੇ ਕਿਹਾ ਕਿ ਇਹ ਆਮ ਪ੍ਰਕਿਰਿਆ ਹੈ। ਮਰੀਜ਼ ਦੀ ਮੌਤ ਤੋਂ ਬਾਅਦ ਉਸ ਦੇ ਮੈਡੀਕਲ ਇਤਿਹਾਸ ਨੂੰ ਜਾਣਿਆ ਜਾਂਦਾ ਹੈ।