ਜੌਰਜ ਫਲੌਈਡ ਦੇ ਕਾਤਲ ਪੁਲਿਸ ਅਫਸਰ ਦੀ ਪਤਨੀ ਨੇ ਮੰਗਿਆ ਤਲਾਕ

ਵਾਸ਼ਿੰਗਟਨ: ਇੱਕ ਪੁਲਿਸ ਅਧਿਕਾਰੀ ਦੇ ਹੱਥੋਂ ਜੌਰਜ ਫਲੌਈਡ (George Floyd) ਦੀ ਬੇਰਹਿਮੀ ਨਾਲ ਕਤਲ ਕੀਤੇ ਜਾਣ ਤੋਂ ਬਾਅਦ ਅਮਰੀਕਾ (America) ‘ਚ ਵਿਰੋਧ ਪ੍ਰਦਰਸ਼ਨ ਜਾਰੀ ਹੈ। ਹਾਲਾਂਕਿ, ਹਿੰਸਾ ਥਮ ਗਈ ਹੈ। ਇਸ ਦੌਰਾਨ, ਦੋਸ਼ੀ ਪੁਲਿਸ ਅਧਿਕਾਰੀ ਡੈਰੇਕ ਚੌਵਿਨ (Derek Chauvin) ਦੀ ਪਤਨੀ ਕੈਲੀ ਨੇ ਉਸ ਤੋਂ ਤਲਾਕ ਦੀ ਅਰਜ਼ੀ ਦਾਇਰ ਕੀਤੀ ਹੈ। ਸੀਐਨਐਨ ਮੁਤਾਬਕ, ਜੌਰਜ ਦਾ ਕਤਲ 25 ਮਈ ਨੂੰ ਹੋਇਆ ਸੀ।

ਕੈਲੀ ਨੇ 28 ਮਈ ਨੂੰ ਇੱਕ ਲਾਅ ਫਰਮ ਰਾਹੀਂ ਤਲਾਕ ਲਈ ਅਰਜ਼ੀ ਦਾਇਰ ਕੀਤੀ ਸੀ। ਕੈਲੀ ਨੇ ਖੁਦ ਮੀਡੀਆ ਨਾਲ ਗੱਲਬਾਤ ਨਹੀਂ ਕੀਤੀ। ਹਾਲਾਂਕਿ, ਲਾਅ ਫਰਮ ਦੇ ਹਵਾਲੇ ਨਾਲ ਦੋ ਗੱਲਾਂ ਸਾਹਮਣੇ ਆਈਆਂ। ਪਹਿਲੀ-ਕੈਲੀ ਨੂੰ ਜੌਰਜ ਦੇ ਕਤਲ ਨੇ ਕਾਫੀ ਪ੍ਰੇਸ਼ਾਨ ਕੀਤਾ ਹੈ।
ਉਸ ਨੇ ਕਿਹਾ ਹੈ ਕਿ ਉਹ ਟੁੱਟਦੀ ਮਹਿਸੂਸ ਕਰ ਰਹੀ ਹੈ। ਦੂਸਰਾ- ਕੈਲੀ ਨੇ ਕਿਹਾ ਹੈ ਕਿ ਉਹ ਤਲਾਕ ਦੇ ਬਦਲੇ ਮੁਆਵਜ਼ੇ ਵਜੋਂ ਡੈਰੇਕ ਤੋਂ ਇੱਕ ਪੈਸਾ ਨਹੀਂ ਚਾਹੁੰਦਾ।