ਜੇ ਤੁੂੰ ਦਿਲੋ ਸਾਡਾ ਕਦੇ ਭੋਰਾ ਕਰਿਆ ਵੇ ਹੁੰਦਾ
ਹੱਥ ਗੈਰਾਂ ਵੱਲ ਤੈਨੂੰ ਵੇ ਵਧਾਉਣਾ ਨਹੀਂ ਸੀ ਪੈਂਦਾ
ਜੇ ਤੂੰ ਰੋਕ ਲੈਂਦਾ ਮੈਨੂੰ ਇੱਕ ਵਾਰ ਜਾਦੀ ਨੂੰ
ਵੇ ਤੈਨੂੰ ਹੋਰ ਕੋਈ ਜਿੰਦਗੀ ਚ ਲਿਆਉਂਣਾ ਨਹੀਂ ਸੀ ਪੈਂਦਾ
ਤੂੰ ਕਦੇ ਸੋਚਿਆ ਹੁੰਦਾ ਜੇ ਮੇਰੇ ਕਮਲੀ ਦੇ ਬਾਰੇ
ਵੇ ਤੈਨੂੰ ਭੁੱਬਾ ਮਾਰ ਮਾਰ ਕਦੇ ਰੋਣਾਂ ਨਹੀਂ ਸੀ ਪੈਂਦਾ
ਵੇ ਭਾਵੇ ਦੁੱਖ ਮੈਨੂੰ ਆਪਣੇ ਤੂੰ ਤੋਹਫਿਆਂ ਚ ਦਿੰਦਾ
ਤੈਨੂੰ ਖੁਸ਼ੀ ਆਪਣੇ ਲਈ ਕਿਸੇ ਨੂੰ ਭੁਲਾਉਣਾ ਨਹੀਂ ਸੀ ਪੈਂਦਾ
ਤੇਰੀ ਜ਼ਿੰਦਗੀ ਚ ਦੇ ਦਿੰਦਾ ਮੈਨੂੰ ਕੋਨਾਂ ਛੋਟਾ ਜਿਹਾ
ਮਹਿਲ ਤਾਰਿਆਂ ਦਾ ਤੈਨੂੰ ਵੇ ਬਨਾਉਣਾ ਨਹੀਂ ਸੀ ਪੈਂਦਾ
ਰਹਿੰਦਾ ਹੋਰਾਂ ਵਾਗੂੰ ਵੇ ਤੂੰ ਵੀ ਆਪਣਿਆਂ ਦੇ ਨਾਲ
ਇੰਝ ਪਲ ਪਲ ਮਰਕੇ ਜਿਉਣਾ ਨਹੀਂ ਸੀ ਪੈਂਦਾ
ਜੇ ਤੂੰ ਕਦੇ ਵੀ ਭੁਲੇਖੇ ਨਾਲ ਮੇਰੇ ਹਾਲ ਪੁੱਛ ਲੈਂਦਾ
ਵੇ ਹਾਲ ਕਮਲੀ ਦਾ ਲਿਖ ਕੇ ਸੁਨਾਉਣਾ ਨਹੀਂ ਸੀ ਪੈਂਦਾ
“ਘੁੰਮਣ ਆਲਿਆ”ਤੂੰ ਰਹਿੰਦਾ ਪਹਿਲਾਂ ਵਾਗੂੰ ਆਮ ਹੀ
ਨਾਮ ਸਾਇਰੀ ਵਿੱਚ ਤੈਨੂੰ ਕਦੇ ਲਿਆਉਣਾਂ ਨਹੀਂ ਸੀ ਪੈਂਦਾ
ਨਾਮ ਸਾਇਰੀ ਵਿੱਚ ਤੈਨੂੰ ਕਦੇ ਲਿਆਉਣਾਂ ਨਹੀਂ ਸੀ ਪੈਂਦਾ
??ਜੀਵਨ ਘੁੰਮਣ (ਬਠਿੰਡਾ)
ਜੇ ਤੁੂੰ ਦਿਲੋ ਸਾਡਾ ਕਦੇ ਭੋਰਾ ਕਰਿਆ ਵੇ ਹੁੰਦਾ
