ਜੇ ਛਿੱਕਾਂ ਤੋਂ ਪਰੇਸ਼ਾਨ ਹੋ ਤਾਂ ਕਰੋ ਇਹ ਉਪਾਅ

ਛਿੱਕਾਂ ਆਉਣ ਦਾ ਕਾਰਨ ਮੌਸਮੀ ਤਬਦੀਲੀ, ਕਿਸੇ ਚੀਜ਼ ਤੋਂ ਐਲਰਜੀ, ਮਿਰਚ ਮਸਾਲੇ ਜਾਂ ਧੂੜ-ਮਿੱਟੀ ਨੱਕ ਨੂੰ ਚੜ੍ਹਨਾ, ਸੂਰਜ ਵੱਲ ਇਕ-ਟੱਕ ਦੇਖਣ ਨਾਲ, ਪੁਰਾਣਾ ਜ਼ੁਕਾਮ ਜਾਂ ਦਿਮਾਗ਼ੀ ਕਮਜ਼ੋਰੀ ਹੋਣ ਤੇ ਅੱਜ-ਕੱਲ੍ਹ ਸਰਦੀ ਦੇ ਮੌਸਮ ਕਾਰਨ ਵੀ ਛਿੱਕਾਂ ਆ ਸਕਦੀਆਂ ਹਨ। ਸਰਦੀਆਂ ਆਪਣੇ ਜੋਬਨ ਵੱਲ ਵਧ ਰਹੀਆਂ ਹਨ। ਕਈ ਲੋਕ ਬਿਨਾਂ ਮੂੰਹ ਢਕੇ ਸਫ਼ਰ ਕਰਦੇ ਹਨ ਜਿਵੇਂ, ਬਾਈਕ ਚਲਾਉਣ ਸਮੇਂ ਮੂੰਹ ਨਾ ਢਕਣਾ ਜਾਂ ਬੱਸ ‘ਚ ਸਫ਼ਰ ਕਰਦਿਆਂ ਖਿੜਕੀ ਖੋਲ੍ਹ ਕੇ ਬੈਠਣ ਨਾਲ ਠੰਢ ਲੱਗਣ ਕਾਰਨ ਛਿੱਕਾਂ ਆ ਸਕਦੀਆਂ ਹਨ। ਸਰਦੀਆਂ ‘ਚ ਇਸ ਤੋਂ ਬਚਣ ਲਈ ਸਫ਼ਰ ਕਰਦੇ ਸਮੇਂ ਕਿਸੇ ਗਰਮ ਕੱਪੜੇ ਨਾਲ ਮੂੰਹ ਢਕ ਲੈਣਾ ਬਿਹਤਰ ਹੈ। ਘੱਟ ਛਿੱਕਾਂ ਆਉਣ ਤਾਂ ਸਰੀਰ ਲਈ ਕੋਈ ਨੁਕਸਾਨ ਵਾਲੀ ਗੱਲ ਨਹੀਂ ਪਰ ਜੇ ਤੁਹਾਨੂੰ ਲਗਾਤਾਰ ਛਿੱਕਾਂ ਆ ਰਹੀਆਂ ਹਨ ਤਾਂ ਇਹ ਦਿਮਾਗ਼ ਲਈ ਹਾਨੀਕਾਰਕ ਹੋ ਸਕਦੀਆਂ ਹਨ। ਜੇ ਤੁਹਾਨੂੰ ਜ਼ਿਆਦਾ ਛਿੱਕਾਂ ਆਉਂਦੀਆਂ ਹਨ ਤਾਂ ਇਸ ਦਾ ਤੁਰੰਤ ਇਲਾਜ ਕਰਵਾਉਣਾ ਬਿਹਤਰ ਹੋਵੇਗਾ।