PreetNama
ਖਾਸ-ਖਬਰਾਂ/Important News

ਕੱਲ ਤੋਂ ਚੀਨ ਵਿੱਚ ਮੁੜ ਖੁਲ੍ਹੇਗਾ ਸ਼ੰਘਾਈ ਡਿਜ਼ਨੀ ਲੈਂਡ, ਐਲਾਨ ਤੋਂ ਬਾਅਦ ਕੁੱਝ ਮਿੰਟਾਂ ‘ਚ ਬੁੱਕ ਹੋਈਆਂ ਸਾਰੀਆਂ ਟਿਕਟਾਂ

china disney land park reopening: ਸ਼ੰਘਾਈ: ਚੀਨ ਦੇ ਸ਼ੰਘਾਈ ਸ਼ਹਿਰ ਵਿੱਚ ਲੋਕਾਂ ਲਈ ਡਿਜ਼ਨੀ ਲੈਂਡ ਪਾਰਕ ਖੋਲ੍ਹ ਦਿੱਤਾ ਗਿਆ ਹੈ। ਕੋਰੋਨਾ ਵਾਇਰਸ ‘ਤੇ ਕਾਬੂ ਪਾਉਣ ਤੋਂ ਬਾਅਦ, ਹੌਲੀ ਹੌਲੀ ਜਨਤਕ ਥਾਵਾਂ ਨੂੰ ਖੋਲ੍ਹਣ ਦੀ ਆਗਿਆ ਦਿੱਤੀ ਜਾ ਰਹੀ ਹੈ। ਹੁਣ ਲੋਕਾਂ ਨੂੰ ਮਹਾਂਮਾਰੀ ਦੇ ਤਣਾਅ ਤੋਂ ਮੁਕਤ ਕਰਨ ਲਈ ਮਨੋਰੰਜਨ ਦਾ ਮੌਕਾ ਮਿਲ ਰਿਹਾ ਹੈ। ਸ਼ੰਘਾਈ ਵਿੱਚ ਡਿਜ਼ਨੀ ਲੈਂਡ ਦੇ ਖੋਲ੍ਹਣ ਤੋਂ ਬਾਅਦ ਲੋਕ ਕਾਫ਼ੀ ਖੁਸ਼ ਹਨ।

ਚੀਨ ਵਿੱਚ ਹੌਲੀ ਹੌਲੀ ਮਨੋਰੰਜਨ ਵਾਲੀਆਂ ਥਾਵਾਂ ਖੁੱਲ੍ਹ ਰਹੀਆਂ ਹਨ। ਡਿਜ਼ਨੀ ਲੈਂਡ ਸੋਮਵਾਰ ਤੋਂ ਸ਼ੰਘਾਈ ਵਿੱਚ ਦੁਬਾਰਾ ਖੁੱਲਣ ਜਾ ਰਿਹਾ ਹੈ। ਇਸ ਦਾ ਖੁਲਾਸਾ ਕਰਦਿਆਂ ਡਿਜ਼ਨੀ ਪਾਰਕ ਨੇ ਕਿਹਾ ਕਿ ਇਸ ਨੂੰ ਸੀਮਤ ਸਮਰੱਥਾ ਨਾਲ ਖੋਲ੍ਹਿਆ ਜਾ ਰਿਹਾ ਹੈ। ਇਸ ਨੂੰ ਲਾਗ ਨੂੰ ਰੋਕਣ ਲਈ ਸੁਰੱਖਿਆ ਉਪਾਵਾਂ ਅਪਣਾਉਣ ਦੀਆਂ ਹਦਾਇਤਾਂ ਦੇ ਨਾਲ ਦੁਬਾਰਾ ਖੋਲ੍ਹਣ ਦੀ ਆਗਿਆ ਦਿੱਤੀ ਗਈ ਹੈ। ਸ਼ੰਘਾਈ ਦਾ ਇਹ ਡਿਜ਼ਨੀ ਲੈਂਡ ਪਾਰਕ 25 ਜਨਵਰੀ ਤੋਂ ਕੋਰੋਨਾ ਵਾਇਰਸ ਦੇ ਫੈਲਣ ਕਾਰਨ ਬੰਦ ਸੀ। ਜਦੋਂ ਲੌਕਡਾਊਨ ਲੱਗਣ ਕਾਰਨ ਘਰਾਂ ਵਿਚ ਕੈਦ ਹੋਏ ਲੋਕਾਂ ਨੂੰ ਡਿਜ਼ਨੀ ਲੈਂਡ ਖੋਲ੍ਹਣ ਦੀ ਖ਼ਬਰ ਮਿਲੀ, ਤਾਂ ਉਨ੍ਹਾਂ ਦੀ ਖ਼ੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਸੀ। ਪਹਿਲੇ ਦਿਨ ਦੀਆਂ ਸਾਰੀਆਂ ਟਿਕਟਾਂ 3 ਮਿੰਟ ਦੇ ਅੰਦਰ-ਅੰਦਰ ਬੁੱਕ ਹੋ ਗਈਆਂ ਸਨ।

ਪ੍ਰਸ਼ਾਸਨ ਨੇ ਡਿਜ਼ਨੀ ਲੈਂਡ ਪਾਰਕ ਨੂੰ ਕੁੱਝ ਸ਼ਰਤਾਂ ਅਤੇ ਨਿਯਮਾਂ ਨਾਲ ਖੋਲ੍ਹਣ ਦੀ ਆਗਿਆ ਦਿੱਤੀ ਹੈ। ਇਸ ਦੇ ਤਹਿਤ ਇਸ ਦੀ ਸਮਰੱਥਾ ਨੂੰ 80 ਹਜ਼ਾਰ ਦੀ ਬਜਾਏ 24 ਹਜ਼ਾਰ ਲੋਕਾਂ ‘ਤੇ ਤੱਕ ਸੀਮਤ ਕਰ ਦਿੱਤਾ ਗਿਆ ਹੈ। ਲੋਕ ਪਰੇਡ ਅਤੇ ਕਾਰਟੂਨ ਦਾ ਕਿਰਦਾਰ ਨਿਭਾਉਣ ਵਾਲੇ ਅਦਾਕਾਰਾਂ ਨੂੰ ਨਹੀਂ ਮਿਲ ਸਕਣਗੇ। ਉਹਨਾਂ ਨੂੰ ਸਮਾਜਿਕ ਦੂਰੀਆਂ ‘ਤੇ ਅਮਲ ਕਰਨਾ ਪਏਗਾ ਅਤੇ ਮਾਸਕ ਲਗਾ ਕੇ ਆਉਣ ਦੀ ਆਗਿਆ ਹੋਵੇਗੀ। ਇਸ ਤੋਂ ਇਲਾਵਾ ਟਿਕਟਾਂ ਐਡਵਾਂਸ ਵਿੱਚ ਬੁੱਕ ਕਰਵਾਉਣੀਆਂ ਹੋਣਗੀਆਂ। ਦਾਖਲੇ ਸਮੇਂ, ਲੋਕਾਂ ਦੇ ਸਰੀਰ ਦੇ ਤਾਪਮਾਨ ਨੂੰ ਜਾਣਨ ਲਈ ਜਾਂਚ ਕੀਤੀ ਜਾਏਗੀ।

Related posts

‘ਆਪ’ ਆਗੂ ਵੱਲੋਂ ਛੋਟੇ ਭਰਾ ਦੀ ਗੋਲੀਆਂ ਮਾਰ ਕੇ ਹੱਤਿਆ

On Punjab

ਸਟਾਕ ਮਾਰਕੀਟ ਨੇ ਟਰੰਪ ਦੀ ਜਿੱਤ ਦਾ ਕੀਤਾ ਸਵਾਗਤ, ਸੈਂਸੇਕਸ-ਨਿਫਟੀ 1 ਫੀਸਦੀ ਤੋਂ ਵੱਧ ਚੜ੍ਹਿਆ Donald Trump Victory ਅਮਰੀਕੀ ਰਾਸ਼ਟਰਪਤੀ ਚੋਣਾਂ ‘ਚ ਡੋਨਾਲਡ ਟਰੰਪ ਦੀ ਜਿੱਤ ਦਾ ਭਾਰਤੀ ਸ਼ੇਅਰ ਬਾਜ਼ਾਰ ‘ਤੇ ਕਾਫੀ ਸਕਾਰਾਤਮਕ ਅਸਰ ਦੇਖਣ ਨੂੰ ਮਿਲਿਆ ਹੈ। ਸੈਂਸੇਕਸ ਅਤੇ ਨਿਫਟੀ ਦੋਵੇਂ 1 ਫੀਸਦੀ ਤੋਂ ਜ਼ਿਆਦਾ ਦੇ ਵਾਧੇ ਨਾਲ ਬੰਦ ਹੋਏ। ਸਭ ਤੋਂ ਜ਼ਿਆਦਾ ਵਾਧਾ ਆਈਟੀ ਸ਼ੇਅਰਾਂ ‘ਚ ਦੇਖਣ ਨੂੰ ਮਿਲਿਆ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਟਰੰਪ ਦੀ ਜਿੱਤ ਕਾਰਨ ਭਾਰਤ ‘ਚ ਥੋੜ੍ਹੇ ਸਮੇਂ ‘ਚ ਤੇਜ਼ੀ ਦੇਖਣ ਨੂੰ ਮਿਲ ਸਕਦੀ ਹੈ।

On Punjab

ਦਾਊਦ ਇਬਰਾਹਿਮ ‘ਤੇ ਕਬੂਲਨਾਮੇ ਤੋਂ ਪਲਟਿਆ ਪਾਕਿਸਤਾਨ, ਕਿਹਾ ‘ਸਾਡੀ ਜ਼ਮੀਨ ‘ਤੇ ਨਹੀਂ ਅੰਡਰਵਰਲਡ ਡੌਨ’

On Punjab