48.24 F
New York, US
March 29, 2024
PreetNama
ਸਮਾਜ/Social

ਕੋਰੋਨਾ ਸੰਕਟ ਦੇ ਵਿਚਕਾਰ ਕੱਚੇ ਤੇਲ ਦੇ ਉਤਪਾਦਨ ‘ਚ ਕਟੌਤੀ ਕਰਨ ਲਈ ਸਹਿਮਤ ਹੋਏ OPEC ਤੇ ਰੂਸ

opec russia deal: ਕੱਚੇ ਤੇਲ ਦੇ ਚੋਟੀ ਦੇ ਉਤਪਾਦਕ ਦੇਸ਼ ਤੇਲ ਦੀਆ ਕੀਮਤਾਂ ਵਿੱਚ ਤੇਜ਼ੀ ਲਿਆਉਣ ਲਈ ਉਤਪਾਦਨ ‘ਚ ਕਟੌਤੀ ਕਰਨ ਲਈ ਸਹਿਮਤ ਹੋਏ ਹਨ। ਕੁਵੈਤ ਦੇ ਤੇਲ ਮੰਤਰੀ ਖਾਲਿਦ ਅਲ-ਫਦੇਲ ਨੇ ਐਤਵਾਰ ਨੂੰ ਟਵਿੱਟਰ ‘ਤੇ ਕਿਹਾ, “ਅਸੀਂ ਉਤਪਾਦਨ ‘ਚ ਕਟੌਤੀ ਲਈ ਇੱਕ ਸਮਝੌਤੇ ਦਾ ਐਲਾਨ ਕਰਦੇ ਹਾਂ। OPEC ਅਤੇ ਹੋਰ ਉਤਪਾਦਕ ਦੇਸ਼ 1 ਮਈ ਤੋਂ ਦਿਨ ਵਿੱਚ 10 ਮਿਲੀਅਨ ਬੈਰਲ ਉਤਪਾਦਨ ਘਟਾਉਣਗੇ।” ਅਧਿਕਾਰੀਆਂ ਨੇ ਕਿਹਾ ਕਿ ਪੈਟਰੋਲੀਅਮ ਐਕਸਪੋਰਟ ਕਰਨ ਵਾਲੇ ਦੇਸ਼ ਸਮੂਹ (ਓਪੇਕ) ਅਤੇ ਹੋਰ ਤੇਲ ਉਤਪਾਦਕ ਦੇਸ਼ਾਂ ਨੇ ਪ੍ਰਤੀ ਦਿਨ 9.7 ਮਿਲੀਅਨ ਬੈਰਲ ਉਤਪਾਦਨ ਘਟਾਉਣ ਲਈ ਸਹਿਮਤੀ ਦਿੱਤੀ ਹੈ। ਇਸ ਦਾ ਉਦੇਸ਼ ਤੇਲ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰਨਾ ਹੈ।

ਰੂਸ ਅਤੇ ਸਾਊਦੀ ਅਰਬ ਦੇ ਵਿਵਾਦਾਂ ਦੇ ਕਾਰਨ ਅਤੇ ਕੋਰੋਨਾ ਵਾਇਰਸ ਮਹਾਮਾਰੀ ਨੂੰ ਲੈ ਕੇ ਤੇਲ ਦੀਆਂ ਕੀਮਤਾਂ 30 ਡਾਲਰ ਪ੍ਰਤੀ ਬੈਰਲ ਤੋਂ ਹੇਠਾਂ ਆ ਗਈਆਂ ਹਨ। ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਇਸ ਫੈਸਲੇ ‘ਤੇ ਖੁਸ਼ੀ ਜ਼ਾਹਿਰ ਕੀਤੀ ਹੈ। ਉਸਨੇ ਟਵੀਟ ਕੀਤਾ, “ਓਪੇਕ ਪਲੱਸ ਨਾਲ ਮਹੱਤਵਪੂਰਨ ਤੇਲ ਸਮਝੌਤਾ ਹੋਇਆ ਹੈ। ਇਸ ਨਾਲ ਅਮਰੀਕਾ ਵਿੱਚ ਊਰਜਾ ਖੇਤਰ ਦੀਆ ਲੱਖਾਂ ਨੌਕਰੀਆਂ ਬਚ ਜਾਣਗੀਆਂ।”

ਟਰੰਪ ਨੇ ਰੂਸ ਅਤੇ ਸਾਊਦੀ ਦਾ ਵੀ ਧੰਨਵਾਦ ਕੀਤਾ। ਟਰੰਪ ਨੇ ਅੱਗੇ ਲਿਖਿਆ, “ਮੈਂ ਰੂਸ ਦੇ ਰਾਸ਼ਟਰਪਤੀ ਪੁਤਿਨ ਅਤੇ ਸਾਊਦੀ ਕਿੰਗ ਸਲਮਾਨ ਦਾ ਧੰਨਵਾਦ ਕਰਨਾ ਚਾਹੁੰਦਾ ਹਾਂ। ਮੈਂ ਓਵਲ ਦਫਤਰ ਤੋਂ ਉਨ੍ਹਾਂ ਨਾਲ ਹੁਣੇ ਹੀ ਗੱਲ ਕੀਤੀ ਹੈ। ਸਾਰਿਆਂ ਲਈ ਬਹੁਤ ਵਧੀਆ ਸੌਦਾ ਹੈ।” ਦਰਅਸਲ, ਕੋਰੋਨਾ ਵਾਇਰਸ ਦੇ ਫੈਲਣ ਨੂੰ ਰੋਕਣ ਲਈ ਚੁੱਕੇ ਜਾ ਰਹੇ ਉਪਰਾਲਿਆਂ ਦੇ ਕਾਰਨ, ਤੇਲ ਦੀ ਮੰਗ ਵਿੱਚ ਭਾਰੀ ਗਿਰਾਵਟ ਆਈ ਹੈ, ਜਿਸ ਕਾਰਨ ਤੇਲ ਦੀਆਂ ਕੀਮਤਾਂ ਵਿੱਚ ਵੀ ਮਹੱਤਵਪੂਰਨ ਕਮੀ ਆਈ ਹੈ। ਇਸ ਨਾਲ ਤੇਲ ਉਤਪਾਦਕ ਦੇਸ਼ਾਂ ਦਾ ਬਜਟ ਖਰਾਬ ਹੋਇਆ ਹੈ।

Related posts

Travel Ban: ਅਮਰੀਕੀਆਂ ਨੂੰ ਕੋਰੋਨਾ ਵਾਇਰਸ ਦੇ ਨਵੇਂ ਸਟ੍ਰੇਨ ਤੋਂ ਬਚਾਉਣ ਲਈ ਬਾਇਡਨ ਨੇ ਲਿਆ ਇਹ ਵੱਡਾ ਫ਼ੈਸਲਾ

On Punjab

ਅਬਦੁੱਲਾ ਅਤੇ ਮਹਿਬੂਬਾ ‘ਚ ਗੱਠਜੋੜ, ਜੰਮੂ ਕਸ਼ਮੀਰ ਦਾ ਵਿਸ਼ੇਸ਼ ਅਧਿਕਾਰ ਵਾਪਸ ਲੈਣ ਲਈ ਹੋਏ ਇੱਕ

On Punjab

ਵਿਰੋਧੀਆਂ ਨੂੰ ਡਰਾ ਕੇ ਹੁਣ ਸੈਨੇਟ ‘ਚ ਤਾਕਤ ਵਧਾਉਣ ਦੀ ਕੋਸ਼ਿਸ਼ ‘ਚ ਇਮਰਾਨ

On Punjab