ਔਰਤਾਂ ’ਚ ਓਵੇਰੀਅਨ ਕੈਂਸਰ ਦੇ ਮਾਮਲੇ ਕਾਫੀ ਵੱਧ ਰਹੇ ਹਨ। ਬ੍ਰੈਸਟ ਕੈਂਸਰ ਅਤੇ ਸਰਵਾਈਕਲ ਕੈਂਸਰ ਤੋਂ ਬਾਅਦ ਇਹ ਤੀਸਰਾ ਕੈਂਸਰ ਹੈ ਜੋ ਔਰਤਾਂ ’ਚ ਇਨ੍ਹੀਂ ਦਿਨੀਂ ਕਾਫੀ ਦੇਖਣ ਨੂੰ ਮਿਲਿਆ ਹੈ। ਪਰ ਹੁਣ ਇਸਨੂੰ ਲੈ ਕੇ ਇਕ ਚੰਗੀ ਖ਼ਬਰ ਹੈ ਕਿ ਇਕ ਨਵੇਂ ਰੇਡਿਓਫਾਰਮਾਸਿਯੂਟਿਕਲ ਦੇ ਪ੍ਰੀ-ਕਲੀਨਿਕਲ ਪ੍ਰੀਖਣਾਂ ਦੇ ਸਫ਼ਲ ਨਤੀਜੇ ਸਾਹਮਣੇ ਆਏ ਹਨ। ਇਸ ਰੇਡਿਓਫਾਰਮਾਸਿਯੂਟਿਕਲ ਨੂੰ ਵਿਸ਼ੇਸ਼ ਰੂਪ ਨਾਲ ਓਵੇਰੀਅਨ ਕੈਂਸਰ ਦੇ ਇਲਾਜ ਲਈ ਡਿਜ਼ਾਈਨ ਕੀਤਾ ਗਿਆ ਹੈ ਜੋ ਰਵਾਇਤੀ ਇਲਾਜ ਲਈ ਪ੍ਰਤੀਰੋਧਕ ਹੈ। ਨਵੇਂ ਰੇਡਿਓਫਾਰਮਾਸਿਯੂਟਿਕਲ ਨੂੰ ਘੱਟ ਲਾਗਤ ’ਤੇ 25 ਮਿੰਟ ’ਚ ਤਿਆਰ ਕੀਤਾ ਜਾ ਸਕਦਾ ਹੈ, ਜਿਸ ਨਾਲ ਵਿਕਲਪਕ ਤਰੀਕਿਆਂ ਨਾਲੋਂ ਬਿਹਤਰ ਪ੍ਰਭਾਵ ਦਿਖਾਈ ਦਿੰਦੇ ਹਨ।
ਦੱਸ ਦੇਈਏ ਕਿ ਜਿਨ੍ਹਾਂ ਨਿਊਕਲੀਅਰ ਮੈਡੀਸਨ ’ਚ ਰੇਡਿਓਧਰਮੀ ਪਦਾਰਥਾਂ ਦਾ ਉਪਯੋਗ ਕੀਤਾ ਜਾਂਦਾ ਹੈ, ਉਨ੍ਹਾਂ ਨੂੰ ਰੇਡਿਓਫਾਰਮਾਸਿਯੂਟਿਕਲ ਕਿਹਾ ਜਾਂਦਾ ਹੈ। ਇਸਦਾ ਉਪਯੋਗ ਮੁੱਖ ਰੂਪ ਨਾਲ ਰੋਗਾਂ ਨਾਲ ਲੜਨ ਲਈ ਕੀਤਾ ਜਾਂਦਾ ਹੈ।
ਨਿਊਕਲੀਅਰ ਮੈਡੀਸਨ ਐਂਡ ਮੋਲੇਕਿਊਲਰ ਇਮੇਜਿੰਗ 2021 ਦੀ ਸਾਲਾਨਾ ਬੈਠਕ ’ਚ ਇਹ ਰਿਸਰਚ ਪੇਸ਼ ਕੀਤੀ ਗਈ ਹੈ। ਅਮੈਰੀਕਨ ਕੈਂਸਰ ਸੁਸਾਇਟੀ ਅਨੁਸਾਰ ਹਰ ਸਾਲ 20 ਹਜ਼ਾਰ ਤੋਂ ਵੱਧ ਔਰਤਾਂ ’ਚ ਓਵੇਰੀਅਨ ਕੈਂਸਰ ਦੇ ਮਾਮਲੇ ਸਾਹਮਣੇ ਆਉਂਦੇ ਹਨ, ਜਿਸ ’ਚ ਕਰੀਬ 14 ਹਜ਼ਾਰ ਔਰਤਾਂ ਇਸ ਬਿਮਾਰੀ ਕਾਰਨ ਦਮ ਤੋੜ ਦਿੰਦੀਆਂ ਹਨ। ਇਹ ਔਰਤਾਂ ’ਚ ਮੌਤ ਦਾ ਪੰਜਵਾਂ ਕਾਰਨ ਹੈ।
ਅਧਿਆਇ ’ਚ ਖੋਜਕਰਤਾਵਾਂ ਨੇ HER2 ਪਾਜ਼ੇਟਿਵ ਅੰਡਕੋਸ਼ ਦੇ ਕੈਂਸਰ ਦੇ ਇਲਾਜ ਲਈ ਅਲਫਾ-ਥੈਰੇਪੀ Pb-214-TCMC-trastuzumab ਵਿਕਸਿਤ ਕਰਨ ਲਈ ਇਕ ਨਵੀਂ ਜਨਰੇਟਰ ਪ੍ਰਣਾਲੀ ਦਾ ਉਪਯੋਗ ਕੀਤਾ। ਅੰਡਕੋਸ਼ ਦੇ ਕੈਂਸਰ ਸੈੱਲਜ਼ ਅਤੇ ਅੰਡਕੋਸ਼ ਦੇ ਕੈਂਸਰ ਟਿਊਮਰ ਤੋਂ ਪ੍ਰਭਾਵਿਤ ਚੂਹਿਆਂ ਨੂੰ ਤਿੰਨ ਸਮੂਹਾਂ ’ਚ ਵੰਡਿਆ ਗਿਆ ਸੀ। ਇਕ ਉਹ ਜਿਸਦਾ ਇਲਾਜ Pb-214-TCMC-trastuzumab ਨਾਲ ਕੀਤਾ ਗਿਆ ਸੀ, ਦੂਸਰਾ ਉਹ ਜਿਸਦਾ ਇਲਾਜ Pb-214-TCMC-IgG ਤੇ ਤੀਸਰੇ ਅਣਚਾਹੇ ਕੰਟਰੋਲ ਸਮੂਹ ਨਾਲ ਕੀਤਾ ਗਿਆ ਸੀ। ਇਲਾਜ ਦੀ ਪ੍ਰਭਾਵਸ਼ੀਲਤਾ ਨਿਰਧਾਰਿਤ ਕਰਨ ਲਈ ਸਾਰੇ ਸਮੂਹਾਂ ਨੂੰ ਸਮੇਂ ਦੇ ਨਾਲ ਪ੍ਰਭਾਸ਼ਿਤ ਗਿਆ ਸੀ।
