ਅਮਰੀਕਾ ਨੇ ਗਵਾਂਤਾਨਾਮੋ ਬੇ ਜੇਲ੍ਹ ਦੀ ਇਕ ਸੀਕ੍ਰੇਟ ਯੂਨੀਟ (ਕੈਂਪ-7) ਨੂੰ ਬੰਦ ਕਰ ਦਿੱਤਾ ਹੈ। ਇੱਥੇ ਸਜਾ ਕੱਟ ਰਹੇ ਕੈਦੀਆਂ ਨੂੰ ਕਿਊਬਾ ‘ਚ ਇਕ ਹੋਰ ਅਮਰੀਕੀ ਬੇਸ ‘ਤੇ ਸਥਿਤ ਜੇਲ੍ਹ ‘ਚ ਭੇਜ ਦਿੱਤਾ ਗਿਆ ਹੈ। ਇਹ ਜਾਣਕਾਰੀ ਅਮਰੀਕੀ ਫ਼ੌਜ ਨੇ ਦਿੱਤੀ ਹੈ। ਦੱਸ ਦੇਈਏ ਕਿ ਕੈਂਪ-7 ਨੂੰ ਬੇਹੱਦ ਹੀ ਗੁਪਤ ਕੈਦਨਾਮਾ ਮੰਨਿਆ ਜਾਂਦਾ ਹੈ। ਕੁਝ ਮੀਡੀਆ ਰਿਪੋਰਟਸ ‘ਚ ਦਾਅਵਾ ਕੀਤਾ ਗਿਆ ਹੈ ਕਿ ਇੱਥੇ ਦੁਨੀਆ ਦੇ ਕੁਝ ਸਭ ਤੋਂ ਖੁੰਖਾਰ ਚਰਮਪੰਥੀਆਂ ਨੂੰ ਰੱਖਿਆ ਗਿਆ ਹੈ।ਅਮਰੀਕਾ ਦੇ ਦੱਖਣੀ ਕਮਾਨ ਇਕ ਬਿਆਨ ‘ਚ ਕਿਹਾ, ‘ਕੈਂਪ-7 ‘ਚ ਬੰਦ ਕੈਦੀਆਂ ਨੂੰ ਇਸ ਕੋਲ ਸਥਿਤ ਇਕ ਹੋਰ ਜੇਲ੍ਹ ‘ਚ ਭੇਜ ਦਿੱਤਾ ਹੈ। ਇਸ ਦੇ ਪਿੱਛੇ ਦਾ ਕਾਰਨ ਆਪਰੇਸ਼ਨਲ ਯੋਗਤਾ ਤੇ ਪ੍ਰਭਾਵਸ਼ੀਲਤਾ ਨੂੰ ਵਧਾਉਣਾ ਹੈ। ਮਿਆਮੀ ਸਥਿਤ ਦੱਖਣੀ ਕਮਾਨ ਨੇ ਇਹ ਨਹੀਂ ਦੱਸਿਆ ਕਿ ਨਵੀਂ ਜੇਲ੍ਹ ‘ਚ ਕਿੰਨੇ ਕੈਦੀਆਂ ਨੂੰ ਰੱਖਿਆ ਗਿਆ ਹੈ। ਇਸ ਕਮਾਨ ਦੀ ਵਿਦੇਸ਼ੀ ਜੇਲ੍ਹ ਕਿਊਬਾ ਦੇ ਦੱਖਣੀ-ਪੂਰਵੀ ਕਿਨਾਰੇ ‘ਤੇ ਸਥਿਤ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਕੈਂਪ-7 ‘ਚ 14 ਲੋਕਾਂ ਨੂੰ ਕੈਦ ਕਰ ਕੇ ਰੱਖਿਆ ਗਿਆ ਸੀ।’ ਗਵਾਂਤਾਨਾਮੋ ਜੇਲ੍ਹ ‘ਚ 40 ਕੈਦੀ ਹਨ। ਦੱਸ ਦੇਈਏ ਕਿ ਰਾਸ਼ਟਰਪਤੀ ਜੋ ਬਾਈਡਨ ਨੇ ਕਿਹਾ ਸੀ ਕਿ ਉਨ੍ਹਾਂ ਦਾ ਇਰਾਦਾ ਗਵਾਂਤਾਨਾਮੋ ਬੇ ਸਥਿਤ ਇਸ ਜੇਲ੍ਹ ਨੂੰ ਬੰਦ ਕਰਨ ਦਾ ਹੈ ਇਸਲਈ ਕੁਝ ਕੈਦੀਆਂ ਨੂੰ ਸੁਣਵਾਈ ਜਾਂ ਜੇਲ੍ਹ ਦੀ ਸਜ਼ਾ ਦੇਣ ਲਈ ਸੰਸਦ ਤੋਂ ਮਨਜ਼ੂਰੀ ਦੀ ਲੋੜ ਹੋਵੇਗੀ।
