ਅਮਰੀਕਾ ਦੇ ਵੱਡੇ-ਵੱਡੇ ਅਮੀਰ ਅਤੇ ਤਾਕਤਵਰ ਲੋਕਾਂ ਦੇ ਨੱਕ ‘ਚ ਦਮ ਕਰਨ ਵਾਲੀ ਅੰਨਾ ਡੇਲਵੀ ਉਰਫ਼ ਅੰਨਾ ਸੋਰੋਕਿਨ ਦੀ ਕਹਾਣੀ ਬਹੁਤ ਦਿਲਚਸਪ ਹੈ। ਜਰਮਨੀ ਦੇ ਇੱਕ ਮੱਧ-ਵਰਗੀ ਪਰਿਵਾਰ ਨਾਲ ਸਬੰਧ ਰੱਖਣ ਵਾਲੀ ਅੰਨਾ ਨੇ ਪੂਰੇ ਅਮਰੀਕਾ ਨੂੰ ਧੋਖਾ ਦੇਣ ਵਿੱਚ ਮੁਹਾਰਤ ਹਾਸਲ ਕੀਤੀ ਹੈ। ਆਪਣੇ ਆਪ ਨੂੰ ਅਮੀਰ ਦੱਸ ਕੇ ਉਸ ਨੇ ਚੰਗੇ ਲੋਕਾਂ ਦੀਆਂ ਜੇਬਾਂ ਢਿੱਲੀਆਂ ਕਰ ਦਿੱਤੀਆਂ ਹਨ।ਹਾਲਾਂਕਿ ਬਾਅਦ ‘ਚ ਇਸ ਕੋਨ ਸਟਾਰ ‘ਤੇ ਦੁਨੀਆ ਦੀ ਸਭ ਤੋਂ ਵੱਡੀ ਅਦਾਲਤ ‘ਚ ਧੋਖਾਧੜੀ ਦਾ ਮੁਕੱਦਮਾ ਵੀ ਚਲਾਇਆ ਗਿਆ ਸੀ, ਜਿਸ ਦੀ ਤਾਜ਼ਾ ਜਾਣਕਾਰੀ ਸਾਹਮਣੇ ਆਈ ਹੈ। ਖ਼ਬਰਾਂ ਮੁਤਾਬਕ ਰਾਹਤ ਦਿੰਦਿਆਂ ਅਦਾਲਤ ਨੇ ਅੰਨਾ ਸੋਰੋਕਿਨ ਨੂੰ ਜੇਲ੍ਹ ਤੋਂ ਰਿਹਾਅ ਕਰ ਦਿੱਤਾ ਹੈ।
ਐਸ਼ਪ੍ਰਸਤੀ ਲਈ ਕੀਤੀ ਧੋਖਾਧੜੀ
ETimes ਦੀ ਖਬਰ ਮੁਤਾਬਕ 31 ਸਾਲਾ ਅੰਨਾ ਸੋਰੋਕਿਨ ਨੂੰ ਜੇਲ ਤੋਂ ਰਿਹਾਅ ਕਰ ਦਿੱਤਾ ਗਿਆ ਹੈ, ਪਰ ਉਹ ਇਸ ਸਮੇਂ ਘਰ ਵਿਚ ਨਜ਼ਰਬੰਦ ਹੈ ਤੇ ਉਸ ਨੂੰ ਜਰਮਨੀ ਵਿਚ ਦੇਸ਼ ਨਿਕਾਲੇ ਦਾ ਕੇਸ ਵੀ ਲੜਨਾ ਪੈ ਰਿਹਾ ਹੈ। ਖ਼ਬਰਾਂ ਮੁਤਾਬਕ ਯੂਐਸ ਇਮੀਗ੍ਰੇਸ਼ਨ ਅਤੇ ਕਸਟਮਜ਼ ਐਨਫੋਰਸਮੈਂਟ ਨੇ ਉਸ ਦੀ ਰਿਹਾਈ ਦੀ ਪੁਸ਼ਟੀ ਕੀਤੀ ਹੈ ਅਤੇ ਦੱਸਿਆ ਕਿ ਉਸ ਨੂੰ ਨਿਊਯਾਰਕ ਸ਼ਹਿਰ ਦੇ ਇੱਕ ਘਰ ਵਿੱਚ ਰੱਖਿਆ ਗਿਆ ਹੈ।
ਅੰਨਾ ‘ਤੇ ਉਸ ਦੀ ਸ਼ਾਨਦਾਰ ਅਤੇ ਹਾਈ-ਫਾਈ ਜੀਵਨ ਸ਼ੈਲੀ ਲਈ 2019 ਵਿੱਚ ਨਿਊਯਾਰਕ ਵਿੱਚ ਬੈਂਕਾਂ ਅਤੇ ਹੋਟਲਾਂ ਨੂੰ $275,000 (₹22,776,765) ਦੀ ਧੋਖਾਧੜੀ ਕਰਨ ਦਾ ਦੋਸ਼ ਹੈ।
ਨੈੱਟਫਲਿਕਸ ਬਣਾ ਚੁੱਕਿਆ ਹੈ ਇਸ ‘ਤੇ ਇਕ ਸੀਰੀਜ਼
ਅੰਨਾ ਸੋਰੋਕਿਨ ਦੀ ਜ਼ਿੰਦਗੀ ਵਿਵਾਦਾਂ ਨਾਲ ਘਿਰੀ ਹੋ ਸਕਦੀ ਹੈ, ਪਰ ਉਸ ਦੀ ਕਹਾਣੀ ਕਈਆਂ ਨੂੰ ਰੋਮਾਂਚਕ ਜਾਪਦੀ ਹੈ। ਇੱਥੋਂ ਤੱਕ ਕਿ ਪ੍ਰਸਿੱਧ ਮਨੋਰੰਜਨ ਪਲੇਟਫਾਰਮ ਨੈੱਟਫਲਿਕਸ ਵੀ ਅੰਨਾ ਸੋਰੋਕਿਨ ਦੀ ਕਹਾਣੀ ਤੋਂ ਬਹੁਤ ਪ੍ਰਭਾਵਿਤ ਹੋਇਆ ਅਤੇ ਉਸ ਨੇ ਇਨਵੈਂਟਿੰਗ ਅੰਨਾ ਨਾਮ ਦੀ ਇੱਕ ਟੀਵੀ ਸੀਰੀਜ਼ ਬਣਾਈ।
ਆਪਣੇ ਆਪ ਨੂੰ ਤੁਰਮ ਖਾਨ ਸਮਝਣ ਵਾਲਿਆਂ ਨੂੰ ਲਗਾਇਆ ਚੂਨਾ
ਅੰਨਾ ਸੋਰੋਕਿਨ, ਇੱਕ ਸਧਾਰਨ-ਦਿੱਖ, ਪਰ ਵਿਅੰਗਮਈ ਸੋਚ ਵਾਲੀ, ਸ਼ੁਰੂ ਵਿੱਚ ਮਾਸਕੋ ਵਿੱਚ ਰਹਿੰਦੀ ਸੀ, ਪਰ ਬਾਅਦ ਵਿੱਚ ਉਸਦਾ ਪਰਿਵਾਰ ਜਰਮਨੀ ਵਿੱਚ ਵਸ ਗਿਆ। ਦੂਜਿਆਂ ਨੂੰ ਆਪਣੇ ਜਾਲ ਵਿੱਚ ਫਸਾਉਣ ਲਈ, ਅੰਨਾ ਜਰਮਨੀ ਵਿੱਚ ਇੱਕ ਅਮੀਰ ਪਰਿਵਾਰ ਦੀ ਧੀ ਹੋਣ ਦਾ ਦਿਖਾਵਾ ਕਰਦੀ ਹੈ ਅਤੇ ਕਹਿੰਦੀ ਹੈ ਕਿ ਉਹ ਆਪਣੇ ਪਿਤਾ ਦੇ $60 ਮਿਲੀਅਨ ਦੀ ਇਕਲੌਤੀ ਵਾਰਸ ਹੈ। ਅੰਨਾ ਇਸ ਤਰ੍ਹਾਂ ਝੂਠ ਬੋਲਦੀ ਸੀ ਕਿ ਅਮਰੀਕਾ ਦੇ ਸਿਆਣੇ ਅਮੀਰ ਅਤੇ ਨਵਾਬਜ਼ਾਦੇ ਜੋ ਆਪਣੇ ਆਪ ਨੂੰ ਤੁਰਮ ਖਾਨ ਸਮਝਦੇ ਸਨ, ਆਸਾਨੀ ਨਾਲ ਉਸ ਦੇ ਜਾਲ ਵਿਚ ਫਸ ਜਾਂਦੇ ਸਨ।