ਜੰਮੂ: ਨੈਸ਼ਨਲ ਕਾਨਫਰੰਸ (ਐਨਸੀ) ਦੇ ਪ੍ਰਧਾਨ ਫਾਰੂਕ ਅਬਦੁੱਲਾ ਨੇ ਵੀਰਵਾਰ ਨੂੰ ਮਹਿਬੂਬਾ ਮੁਫਤੀ ਦੀ ਪੀਪਲਜ਼ ਡੈਮੋਕਰੇਟਿਕ ਪਾਰਟੀ (ਪੀਡੀਪੀ) ਨਾਲ ਗੱਠਜੋੜ ਕਰਨ ਦਾ ਐਲਾਨ ਕੀਤਾ ਹੈ।ਕਸ਼ਮੀਰ ਦੀਆਂ ਮੁੱਖ ਧਾਰਾ ਪਾਰਟੀਆਂ, ਜਿਨ੍ਹਾਂ ਨੇ ਗੁਪਕਰ ਡੈਕਲਰੇਸ਼ਨ ਤੇ ਹਸਤਾਖਰ ਕੀਤੇ ਹਨ, ਨੇ 5 ਅਗਸਤ, 2019 ਨੂੰ ਕੀਤੇ ਗਏ ਜੰਮੂ-ਕਸ਼ਮੀਰ ਵਿੱਚ ਸੰਵਿਧਾਨਕ ਤਬਦੀਲੀਆਂ ਨੂੰ ਉਲਟਾਉਣ ਲਈ ਇੱਕ ਗੱਠਜੋੜ ਬਣਾਇਆ ਹੈ।
ਫਾਰੂਕ ਅਬਦੁੱਲਾ ਨੇ ਕਿਹਾ, “ਅਸੀਂ ਇਸ ਗੱਠਜੋੜ ਨੂੰ ਗੁਪਕਰ ਡੈਕਲਰੇਸ਼ਨ ਲਈ ਪੀਪਲਜ਼ ਅਲਾਇੰਸ ਦਾ ਨਾਮ ਦਿੱਤਾ ਹੈ। ਸਾਡੀ ਲੜਾਈ ਇੱਕ ਸੰਵਿਧਾਨਕ ਲੜਾਈ ਹੈ, ਅਸੀਂ ਚਾਹੁੰਦੇ ਹਾਂ ਕਿ ਭਾਰਤ ਸਰਕਾਰ ਰਾਜ ਦੇ ਲੋਕਾਂ ਨੂੰ ਉਹ ਅਧਿਕਾਰ ਵਾਪਸ ਕਰੇ ਜੋ ਉਨ੍ਹਾਂ ਕੋਲ 5 ਅਗਸਤ 2019 ਤੋਂ ਪਹਿਲਾਂ ਮੌਜੂਦ ਸੀ।