ਕੁਦਰਤ ਤੇਰੇ ਰੰਗ ਨਿਆਰੇ…

ਕੁਦਰਤ ਤੇਰੇ ਰੰਗ ਨਿਆਰੇ,
ਦਿਨ ਵੇਲੇ ਤੂੰ ਧੁੱਪ ਨੂੰ ਕੱਢੇ,
ਰਾਤ ਵੇਲੇ ਨੂੰ ਤਾਰੇ।
ਮੀਹ ਪਾਉਣ ਦਾ ਵੀ ਰੰਗ ਅਨੋਖਾ,
ਰੁੱਖ ਮਾਰਣ ਚਮਕਾਰੇ,
ਕੁਦਰਤ ਤੇਰੇ ਰੰਗ………..।
ਚਾਰ ਕੁ ਕਣੀਆ ਸੁਬਾ ਨੂੰ ਪਾਈਆਂ,
ਫਸਲ ਮਾਰੇ ਹਲਾਰੇ।
ਜਿਨਾ ਗਰੀਬਾਂ ਦਾ ਕੰਮ ਕਿਤੇ ਖੜ ਗਿਆ,
ਉਹ ਗਾਲਾਂ ਕੱਢਣ ਸਾਰੇ।
ਕੁਦਰਤ ਤੇਰੇ ਰੰਗ………….।
ਕਿਤੇ ਹਨੇਰੀ ਕਦੇ ਧੁੱਪ ਆ,
ਤੈਨੂੰ ਕੌਣ ਵਿਚਾਰੇ।
ਜੰਗਲ ਦੇ ਵਿਚ ਮੰਗਲ ਲਾਵੇ,
ਸਭ ਤੇਰੇ ਈ ਚੋਜ ਨਿਆਰੇ,
ਕੁਦਰਤ ਤੇਰੇ ਰੰਗ…………।
ਕਿਤੇ ਭੂਚਾਲ ਨਾਲ ਧਰਤੀ ਕੰਬੇ,
ਕਿਵੇ ਜਵਾਲਾ ਮੁਖੀ ਫਟਾਵੇ।
ਕਿਤੇ ਪਾਣੀ ਨੂੰ ਤਰਸਣ ਲੋਕੀਂ,
ਕਿਤੇ ਹੜ ਲਿਆਵੇ।
ਆਪੇ ਚੋਜ ਤੂੰ ਕਰਾਉਦਾ ਦਾਤਾ,
ਅਹੰਕਾਰ ਜਾਦੇ ਨੂੰ ਮਾਰੇਂ,
ਕੁਦਰਤ ਤੇਰੇ ਰੰਗ………..।
ਤੁਰਦੇ ਫਿਰਦੇ ਤੂੰ “ਬਲਕਾਰ “ਨੂੰ,
ਲਿਖਣ ਦਾ ਸ਼ੌਕ ਜਗਾਇਆ।
ਇਲ ਤੋ ਨਹੀ ਸੀ ਕੁੱਕੜ ਆਉਦਾ,
ਤੂੰ ਆਪਣਾ ਚੋਜ ਵਰਤਾਇਆ।
ਕਿਰਪਾ ਰੱਖੀ “ਭਾਈਰੂਪਾ “ਆਲੇ ਤੇ,
ਜੋ ਤੇਰਾ ਸ਼ੁਕਰ ਗਜਾਰੇ,
ਕੁਦਰਤ ਤੇਰੇ ਰੰਗ ਨਿਆਰੇ,
ਦਿਨ ਵੇਲੇ ਤੂੰ ਧੁੱਪ ਨੂੰ ਕੱਢੇ ਰਾਤ ਨੂੰ ਕੱਢੇ ਤਾਰੇ।
ਬਲਕਾਰ ਸਿੰਘ ਭਾਈਰੂਪਾ
8727892570