61.56 F
New York, US
April 15, 2024
PreetNama
ਖੇਡ-ਜਗਤ/Sports News

IndVsEng: ਇੰਗਲੈਂਡ ਨੇ ਟਾਸ ਜਿੱਤ ਚੁਣੀ ਬੱਲੇਬਾਜ਼ੀ, ਭਾਰਤ ਨੂੰ ਕਰਨਾ ਪਏਗਾ ਚੇਜ਼

ICC Cricket World Cup 2019: ਬਰਮਿੰਘਮ ਦੇ ਐਜਬੈਸਟਨ ਮੈਦਾਨ ‘ਤੇ ਅੱਜ ਕ੍ਰਿਕੇਟ ਵਿਸ਼ਵ ਕੱਪ ਵਿੱਚ ਦੁਨੀਆ ਦੀਆਂ ਦੋ ਬਿਹਤਰੀਨ ਟੀਮਾਂ ਆਹਮੋ-ਸਾਹਮਣੇ ਹੋਣਗੀਆਂ। ਟਾਸ ਹੋ ਚੁੱਕੀ ਹੈ। ਭਾਰਤ ਟਾਸ ਹਾਰ ਗਿਆ। ਇੰਗਲੈਂਡ ਨੇ ਟਾਸ ਜਿੱਤ ਕੇ ਪਹਿਲਾਂ ਬੱਲਬਾਜ਼ੀ ਕਰਨ ਦਾ ਫੈਸਲਾ ਲਿਆ। ਇਸ ਬਾਰੇ ਟੀਮ ਇੰਡੀਆ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਕਿਹਾ ਹੈ ਉਨ੍ਹਾਂ ਨੂੰ ਇਸ ਦਾ ਕੋਈ ਦੁੱਖ ਨਹੀਂ, ਬਲਕਿ ਉਨ੍ਹਾਂ ਨੂੰ ਲਕਸ਼ ਦਾ ਪਿੱਛਾ ਕਰਨਾ ਚੰਗਾ ਲੱਗਦਾ ਹੈ।

ਦੱਸ ਦੇਈਏ ਅੱਜ ਭਾਰਤੀ ਟੀਮ ਆਪਣੀ ਨਵੀਂ ਜਰਸੀ ਵਿੱਚ ਮੈਦਾਨ ‘ਤੇ ਉੱਤਰੀ ਹੈ। ਪਹਿਲੇ ਮੈਚਾਂ ਵਿੱਚ ਟੀਮ ਨੇ ਨੀਲੀਆਂ ਜਰਸੀਆਂ ਪਾਈਆਂ ਸੀ ਜਦਕਿ ਅੱਜ ਟੀਮ ਸੰਤਰੀ ਰੰਗ ਦੀ ਨਵੀਂ ਜਰਸੀ ਪਾ ਕੇ ਮੁਕਾਬਲਾ ਖੇਡੇਗੀ। ਇਸ ਦੇ ਨਾਲ ਹੀ ਟੀਮ ਵਿੱਚ ਕੁਝ ਬਦਲਾਅ ਵੀ ਕੀਤੇ ਗਏ ਹਨ। ਵਿਜੇ ਸ਼ੰਕਰ ਦੀ ਥਾਂ ‘ਤੇ ਰਿਸ਼ਭ ਪੰਤ ਨੂੰ ਥਾਂ ਦਿੱਤੀ ਗਈ ਹੈ।

ਇਸ ਮੁਕਾਬਲੇ ਨੂੰ ਲੈ ਕੇ ਕ੍ਰਿਕਿਟ ਪ੍ਰੇਮੀਆਂ ਲਈ ਕਾਫੀ ਉਤਸ਼ਾਹ ਹੈ। ਇਸ ਮੈਚ ਦੀ ਸਭ ਤੋਂ ਦਿਲਚਸਪ ਗੱਲ ਇਹ ਹੈ ਕਿ ਅੱਜ ਪਾਕਿਸਤਾਨੀ ਟੀਮ ਦੇ ਸਮਰਥਕ ਵੀ ਭਾਰਤ ਦੀ ਜਿੱਤ ਲਈ ਦੁਆ ਕਰਨਗੇ। ਦੱਸ ਦੇਈਏ ਜੇ ਭਾਰਤ ਇਹ ਮੈਚ ਜਿੱਤਦਾ ਹੈ ਤਾਂ ਪਾਕਿਸਾਤਾਨੀ ਟੀਮ ਸੈਮੀਫਾਈਨਲ ਵਿੱਚ ਖੇਡ ਸਕੇਗੀ।

ਦਰਅਸਲ ਅੰਕ ਸੂਚੀ ਵਿੱਚ ਪਾਕਿਸਤਾਨੀ ਟੀਮ ਹਾਲੇ ਚੌਥੇ ਤੇ ਇੰਗਲੈਂਡ ਦੀ ਟੀਮ ਪੰਜਵੇਂ ਨੰਬਰ ‘ਤੇ ਹੈ। ਪਾਕਿ ਨੇ 8 ਮੈਚਾਂ ਵਿੱਚ 9 ਅੰਕ ਲਏ ਹਨ ਜਦਕਿ ਇੰਗਲੈਂਡ ਦੀ ਟੀਮ ਨੇ 7 ਮੈਚਾਂ ਵਿੱਚ 8 ਅੰਕ ਲਏ ਹਨ। ਜੇ ਇੰਗਲੈਂਡ ਦੀ ਟੀਮ ਹਾਰ ਗਈ ਤਾਂ ਪਾਕਿ ਟੀਮ ਆਪਣਾ ਅਗਲਾ ਮੈਚ ਜਿੱਤ ਕੇ ਆਸਾਨੀ ਨਾਲ ਸੈਮੀਫਾਈਨਲ ਵਿੱਚ ਪਹੁੰਚ ਜਾਏਗੀ।

Related posts

ਭਾਜਪਾ ਸਾਂਸਦ ਮੈਂਬਰ ਗੌਤਮ ਗੰਭੀਰ ਨੂੰ ਮਿਲੀ ਜਾਨੋ ਮਾਰਨ ਦੀ ਧਮਕੀ

On Punjab

IPL 2020: ਮੁਹੰਮਦ ਸ਼ਮੀ ਨੇ ਆਈਪੀਐਲ ਵਿੱਚ ਰਚਿਆ ਇਤਿਹਾਸ, 58ਵੇਂ ਮੈਚ ਵਿੱਚ ਹਾਸਲ ਕੀਤਾ ਇਹ ਖਿਤਾਬ

On Punjab

ਰਵੀ ਸ਼ਾਸਤਰੀ ਦੀ ਥਾਂ ਰਾਹੁਲ ਦ੍ਰਵਿੜ ਹੀ ਹੋਣਗੇ ਸ੍ਰੀਲੰਕਾ ਦੌਰੇ ਦੇ ਕੋਚ, ਸੌਰਵ ਗਾਂਗੂਲੀ ਨੇ ਕੀਤੀ ਪੁਸ਼ਟੀ

On Punjab