ਸ਼ੁੱਕਰਵਾਰ ਦੇਰ ਰਾਤ ਸੀਏਟਲ ਦੇ ਰੇਨੀਅਰ ਬੀਚ ਇਲਾਕੇ ਵਿੱਚ ਅੰਨ੍ਹੇਵਾਹ ਗੋਲ਼ੀਬਾਰੀ ਹੋਈ। ਇਸ ਗੋਲ਼ੀਬਾਰੀ ਵਿੱਚ ਪੰਜ ਲੋਕ ਜ਼ਖ਼ਮੀ ਹੋ ਗਏ। ਪੁਲਿਸ ਮੁਖੀ ਐਡਰੀਅਨ ਡਿਆਜ਼ ਨੇ ਕਿਹਾ ਕਿ ਸਾਰੇ ਜ਼ਖ਼ਮੀਆਂ ਨੂੰ ਹਾਰਬਰਵਿਊ ਮੈਡੀਕਲ ਸੈਂਟਰ ਲਿਜਾਇਆ ਗਿਆ।
ਹਸਪਤਾਲ ਦੇ ਬੁਲਾਰੇ ਅਨੁਸਾਰ ਪੰਜਾਂ ਵਿੱਚੋਂ ਇੱਕ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ, ਜਦੋਂ ਕਿ ਦੋ ਹੋਰ ਪੁਰਸ਼ ਅਤੇ ਇੱਕ ਔਰਤ ਦਾ ਹਸਪਤਾਲ ਵਿੱਚ ਇਲਾਜ ਚਲ ਰਿਹਾ ਹੈ।
ਜ਼ਖ਼ਮੀਆਂ ਦੀ ਉਮਰ 20 ਸਾਲ ਦੇ ਕਰੀਬ
ਡਿਆਜ਼ ਮੁਤਾਬਕ ਜ਼ਖ਼ਮੀਆਂ ਦੀ ਉਮਰ 20 ਸਾਲ ਤੱਕ ਦੱਸੀ ਜਾ ਰਹੀ ਹੈ। ਇਨ੍ਹਾਂ ਸਾਰੇ ਲੋਕਾਂ ਨੇ ਭੋਜਨ, ਕੱਪੜੇ ਅਤੇ ਖਿਡੌਣੇ ਲੈਣ ਲਈ ਆਯੋਜਿਤ ਸਮਾਗਮ ਵਿੱਚ ਹਿੱਸਾ ਲਿਆ ਸੀ। ਪੁਲਿਸ ਮੁਖੀ ਨੇ ਕਿਹਾ ਕਿ ਇਹ ਤੁਰੰਤ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਕੀ ਪੀੜਤਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ ਸੀ ।
ਗੋਲ਼ੀਬਾਰੀ ਸ਼ੁੱਕਰਵਾਰ ਰਾਤ 9 ਵਜੇ ਹੋਈ
ਸੀਐਨਐਨ ਦੇ ਅਨੁਸਾਰ, ਗੋਲ਼ੀਬਾਰੀ ਰਾਤ 9 ਵਜੇ ਤੋਂ ਠੀਕ ਪਹਿਲਾਂ ਰੇਨੀਅਰ ਐਵੇਨਿਊ ਸਾਊਥ ਦੇ 9200 ਬਲਾਕ ਵਿੱਚ ਹੋਈ। ਮੇਅਰ ਬਰੂਸ ਹੈਰੇਲ ਅਤੇ ਡਿਆਜ਼ ਮੌਕੇ ‘ਤੇ ਮੌਜੂਦ ਸਨ।
ਡਿਆਜ਼ ਨੇ ਹਿੰਸਾ ‘ਤੇ ਅਫਸੋਸ ਜਤਾਇਆ ਅਤੇ ਕਿਹਾ ਕਿ ਪੁਲਿਸ ਨੇ ਹਾਲ ਹੀ ਵਿੱਚ 15 ਸਾਲਾਂ ਵਿੱਚ ਸਭ ਤੋਂ ਵੱਡੀ ਮਾਤਰਾ ਵਿੱਚ ਬੰਦੂਕਾਂ ਜ਼ਬਤ ਕੀਤੀਆਂ ਹਨ। ਸੀਐਨਐਨ ਦੇ ਅਨੁਸਾਰ, ਗੋਲ਼ੀਬਾਰੀ ਉਸ ਇਮਾਰਤ ਦੇ ਸਾਹਮਣੇ ਹੋਈ ਜਿਸ ਵਿੱਚ ਇੱਕ ਵਾਰ ਕਿੰਗ ਡੋਨਟ ਦੀ ਦੁਕਾਨ ਹੁੰਦੀ ਸੀ।