ਲੰਡਨ: ਵਰਲਡ ਚੈਂਪੀਅਨਸ਼ਿਪ ਰੈਸਲਿੰਗ ਸਿਤਾਰੇ ਸਿਲਵਰ ਕਿੰਗ ਦੀ ਕੁਸ਼ਤੀ ਦੇ ਰਿੰਗ ਵਿੱਚ ਹੀ ਮੌਤ ਹੋ ਗਈ। ਬੀਤੇ ਸ਼ਨੀਵਾਰ ਉਹ ਲੰਡਨ ਵਿੱਚ ਵਾਰੀਅਰ ਯੂਥ ਨਾਲ ਮੁਕਾਬਲਾ ਕਰ ਰਿਹਾ ਸੀ ਤੇ ਉਸ ਨੂੰ ਦਿਲ ਦਾ ਦੌਰਾ ਪੈ ਗਿਆ।51 ਸਾਲਾ ਭਲਵਾਨ ਸਿਲਵਰ ਕਿੰਗ ਦਾ ਅਸਲ ਨਾਂਅ ਸੀਸਰ ਬੈਰੋਨ ਸੀ ਅਤੇ ਉਹ ਫ਼ਿਲਮਾਂ ਵਿੱਚ ਵੀ ਕਈ ਕਿਰਦਾਰ ਨਿਭਾਅ ਚੁੱਕਾ ਹੈ। ਕਿੰਗ ਨੂੰ ਜਦ ਦਿਲ ਦਾ ਦੌਰਾ ਪਿਆ ਅਤੇ ਉਹ ਰਿੰਗ ਵਿੱਚ ਹੀ ਡਿੱਗ ਪਿਆ, ਤਾਂ ਲੋਕਾਂ ਨੇ ਸਮਝਿਆ ਕਿ ਇਹ ਉਸ ਖੇਡ ਦਾ ਹੀ ਹਿੱਸਾ ਹੈ। ਕਾਫੀ ਸਮੇਂ ਬਾਅਦ ਅਹਿਸਾਸ ਹੋਇਆ ਕਿ ਕੁਝ ਗੜਬੜ ਹੈ ਤਾਂ ਪਤਾ ਲੱਗਾ ਕਿ ਕਿੰਗ ਦੀ ਮੌਤ ਹੋ ਚੁੱਕੀ ਹੈ।
ਰਿੰਗ ‘ਚ ਰੈਸਲਰ ਨੂੰ ਆਈ ਮੌਤ, ਲੋਕਾਂ ਨੂੰ ਲੱਗਦਾ ਰਿਹਾ ਖੇਡ ਦਾ ਹਿੱਸਾ
