if you are taking homeopathic: ਜਦੋਂ ਕਿ ਕੁੱਝ ਲੋਕ ਬਿਮਾਰੀਆਂ ਦੇ ਇਲਾਜ਼ ਲਈ ਐਲੋਪੈਥਿਕ ਦਵਾਈਆਂ ਦਾ ਸਹਾਰਾ ਲੈਂਦੇ ਹਨ, ਕੁਝ ਲੋਕ Homeopathic ਦਵਾਈ ਵੀ ਖਾਂਦੇ ਹਨ। ਭਾਵੇਂ ਕਿ ਹੋਮਿਓਪੈਥਿਕ ਇਲਾਜ ਥੋੜਾ ਜਿਹਾ ਲੰਮਾ ਸਮਾਂ ਚੱਲਦਾ ਹੈ। ਬਿਮਾਰੀ ਜੜ੍ਹ ਤੋਂ ਖ਼ਤਮ ਹੋ ਜਾਂਦੀ ਹੈ। ਇਸ ਦਵਾਈ ਦਾ ਕੋਈ ਮਾੜਾ ਪ੍ਰਭਾਵ ਨਹੀਂ ਪੈਂਦਾ। ਹੋਮਿਓਪੈਥਿਕ ਦਵਾਈਆਂ ਦੀਆਂ ਦੋ ਕਿਸਮਾਂ ਹੁੰਦੀਆਂ ਹਨ। ਹੋਮੀਓਪੈਥਿਕ ਦਵਾਈ ਉਨ੍ਹਾਂ ਲੋਕਾਂ ਉੱਤੇ ਵਧੇਰੇ ਪ੍ਰਭਾਵ ਪਾਉਂਦੀ ਹੈ ਜੋ ਸ਼ਰਾਬ, ਗੁਟਕਾ, ਤੰਬਾਕੂ ਦਾ ਸੇਵਨ ਨਹੀਂ ਕਰਦੇ ਅਤੇ ਸਿਹਤਮੰਦ ਲਾਈਫਸਟਾਈਲ ਦੀ ਪਾਲਣਾ ਕਰਦੇ ਹਨ।
ਆਓ ਹੁਣ ਤੁਹਾਨੂੰ ਦਵਾਈ ਲੈਣ ਦੇ ਕੁੱਝ ਨਿਯਮ ਦੱਸਦੇ ਹਾਂ :
1. ਦਵਾਈ ਲੈਣ ਤੋਂ ਬਾਅਦ ਕਦੇ ਵੀ ਡੱਬੀ ਨੂੰ ਖੁੱਲ੍ਹਾ ਨਾ ਛੱਡੋ।
2. ਹੋਮਿਓਪੈਥਿਕ ਇਲਾਜ ਕਰਦੇ ਸਮੇਂ ਨਸ਼ਾ ਕਰਨ ਵਾਲੀਆਂ ਚੀਜ਼ਾਂ ਤੋਂ ਦੂਰ ਰਹੋ, ਨਹੀਂ ਤਾਂ ਉਨ੍ਹਾਂ ਦਾ ਕੋਈ ਪ੍ਰਭਾਵ ਨਹੀਂ ਪਵੇਗਾ।
3. ਇਨ੍ਹਾਂ ਦਵਾਈਆਂ ਨੂੰ ਕਦੇ ਵੀ ਆਪਣੇ ਹੱਥ ‘ਚ ਨਾ ਲਓ।
4. ਦਵਾਈ ਖਾਣ ਤੋਂ ਬਾਅਦ 10 ਮਿੰਟ ਲਈ ਕੁੱਝ ਵੀ ਨਾ ਖਾਓ ਅਤੇ ਨਾ ਹੀ ਕੁੱਝ ਪੀਓ।
5. ਯਾਦ ਰੱਖੋ ਕਿ ਜੇ ਹੋਮੀਓਪੈਥਿਕ ਦਵਾਈ ਖਾ ਰਹੇ ਹੋ, ਤਾਂ ਕਾਫੀ ਅਤੇ ਚਾਹ ਤੋਂ ਦੂਰੀ ਬਣਾਓ।
ਕੁੱਝ ਬੱਚੇ ਇਹ ਦਵਾਈਆਂ ਨਹੀਂ ਲੈਂਦੇ ਜਾਂ ਮੂੰਹ ਵਿੱਚ ਲੈਕੇ ਥੁੱਕ ਦਿੰਦੇ ਹਨ। ਅਜਿਹੀ ਸਥਿਤੀ ਵਿੱਚ, ਤੁਸੀਂ ਇਸ ਦਵਾਈ ਨੂੰ ਸਾਫ਼ ਅਤੇ ਸੁੱਕੇ ਚਮਚੇ ‘ਤੇ ਪਾਓ ਅਤੇ ਇਸਨੂੰ ਕੁਚਲੋ ਅਤੇ ਫਿਰ ਬੱਚੇ ਨੂੰ ਦਿਓ। ਭੋਜਨ ਨਾਲ ਕਦੇ ਵੀ ਦਵਾਈ ਨਾ ਦਿਓ। ਜੇ ਤੁਸੀਂ ਦਿਲ ਦੀ ਬਿਮਾਰੀ, ਬਲੱਡ ਪ੍ਰੈਸ਼ਰ, ਸ਼ੂਗਰ ਦੇ ਮਰੀਜ਼ ਹੋ ਜਾਂ ਮਿਰਗੀ ਦੀ ਦਵਾਈ ਲੈ ਰਹੇ ਹੋ, ਤਾਂ ਹੋਮੀਓਪੈਥਿਕ ਦਵਾਈ ਲੈਣ ਤੋਂ ਪਹਿਲਾਂ ਡਾਕਟਰ ਨਾਲ ਸੰਪਰਕ ਕਰੋ।
