Gurdas Maan son wedding : ਪੰਜਾਬੀ ਸਿੰਗਰ ਗੁਰਦਾਸ ਮਾਨ ਦੇ ਘਰ ਖੁਸ਼ੀ ਦਾ ਮਹੌਲ ਹੈ। ਸ਼ੁੱਕਰਵਾਰ ਨੂੰ ਗੁਰਦਾਸ ਮਾਨ ਦੇ ਲਾਡਲੇ ਬੇਟੇ ਗੁਰਿਕ ਮਾਨ ਦਾ ਵਿਆਹ ਹੋਇਆ। ਗੁਰਿਕ ਦਾ ਵਿਆਹ ਅਦਾਕਾਰਾ ਸਿਮਰਨ ਕੌਰ ਮੁੰਡੀ ਨਾਲ ਹੋਇਆ। ਇਸ ਗ੍ਰੈਂਡ ਵਿਆਹ ਵਿੱਚ ਬਾਲੀਵੁਡ ਤੋਂ ਲੈ ਕੇ ਪੰਜਾਬੀ ਫਿਲਮ ਇੰਡਸਟਰੀ ਦੀਆਂ ਕਈ ਵੱਡੀਆਂ ਹਸਤੀਆਂ ਸ਼ਾਮਿਲ ਹੋਈਆਂ ਸਨ। ਕਪਿਲ ਸ਼ਰਮਾ ਅਤੇ ਵਿੱਕੀ ਕੌਸ਼ਲ ਤੋਂ ਲੈ ਕੇ ਦਿਲਜੀਤ ਦੋਸਾਂਝ, ਬਾਦਸ਼ਾਹ, ਗੁਰੂ ਰੰਧਾਵਾ ਵੀ ਵਿਆਹ ਵਿੱਚ ਪਹੁੰਚੇ ਸਨ।
ਸੋਸ਼ਲ ਮੀਡੀਆ ਉੱਤੇ ਇਸ ਸ਼ਾਹੀ ਵਿਆਹ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਖੂਬ ਵਾਇਰਲ ਹੋ ਰਹੀਆਂ ਹਨ। ਇਸ ਵਿੱਚ ਗੁਰਦਾਸ ਮਾਨ ਦਾ ਵੀ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵੀਡੀਓ ਵਿੱਚ ਗੁਰਦਾਸ ਮਾਨ ਬੇਟੇ ਗੁਰਿਕ ਦੀ ਬਰਾਤ ਲੈ ਕੇ ਜਾਂਦੇ ਹੋਏ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਨੇ ਆਪਣੇ ਬੇਟੇ ਦੇ ਵਿਆਹ ਵਿੱਚ ਜੱਮਕੇ ਡਾਂਸ ਕੀਤਾ। ਇਸ ਵੀਡੀਓ ਵਿੱਚ ਸਾਫ਼ ਨਜ਼ਰ ਆ ਰਿਹਾ ਹੈ। ਘੋੜੀ ਦੇ ਅੱਗੇ ਜੱਮਕੇ ਡਾਂਸ ਕਰਦੇ ਵਿਖਾਈ ਦੇ ਰਹੇ ਹਨ।
ਇਸ ਦੌਰਾਨ ਉਹ ਆਪਣੇ ਦੋਸਤਾਂ ਦੇ ਨਾਲ ਜੱਮਕੇ ਮਸਤੀ ਕਰਦੇ ਨਜ਼ਰ ਆਏ। ਗੱਲ ਕਰੀਏ ਸਿਮਰਨ ਕੌਰ ਦੀ ਤਾਂ ਉਨ੍ਹਾਂ ਨੇ ਬਾਲੀਵੁਡ ਅਤੇ ਪੰਜਾਬੀ ਦੋਨਾਂ ਇੰਡਸਟਰੀਜ਼ ਵਿੱਚ ਕੰਮ ਕੀਤਾ ਹੈ। ਇੰਨਾ ਹੀ ਨਹੀਂ ਸਿਮਰਨ ਸਾਬਕਾ ਮਿਸ ਇੰਡੀਆ ਵੀ ਰਹਿ ਚੁੱਕੀ ਹੈ। ਉਨ੍ਹਾਂ ਨੇ ਫਿਲਮ ‘ਹਮ ਜੋ ਚਾਹੇ’ ਤੋਂ ਬਾਲੀਵੁਡ ਵਿੱਚ ਕਦਮ ਰੱਖਿਆ ਸੀ। ਇਸ ਤੋਂ ਬਾਅਦ ਉਹ ਪੰਜਾਬੀ ਫਿਲਮਾਂ ਵਿੱਚ ਨਜ਼ਰ ਆਈ। ਉਨ੍ਹਾਂ ਨੇ ਮੁੰਡਿਆ ਤੋਂ ਬੱਚ ਕੇ ਰਹੀ, ਕਿਸ ਕਿਸ ਕੋ ਪਿਆਰ ਕਰੂੰ ਵਰਗੀਆਂ ਕਈ ਫਿਲਮਾਂ ਵਿੱਚ ਅਦਾਕਾਰੀ ਕੀਤੀ ਹੈ।
ਸਿਮਰਨ ਕੌਰ ਅਤੇ ਗੁਰਿਕ ਮਾਨ ਦੋਨੋਂ ਇੱਕ ਦੂਜੇ ਨੂੰ
ਪੰਜ ਸਾਲ ਤੱਕ ਡੇਟ ਕਰ ਚੁੱਕੇ ਹਨ ਅਤੇ ਪੰਜ ਸਾਲ ਤੋਂ ਬਾਅਦ ਦੋਨਾਂ ਨੇ ਵਿਆਹ ਕਰਨ ਦਾ ਫੈਸਲਾ ਕੀਤਾ ਸੀ। ਦੋਨਾਂ ਦੇ ਵਿਆਹ ਦੀਆਂ ਸਾਰੀਆਂ ਰਸਮਾਂ ਪੰਜਾਬੀ ਤੌਰ ਤਰੀਕੇ ਨਾਲ ਹੋਈਆਂ ਸਨ। ਗੁਰਿਕ ਨੇ ਇਸ ਦੌਰਾਨ ਗੋਲਡਨ ਕਲਰ ਦੀ ਸ਼ੇਰਵਾਨੀ ਪਾਈ ਸੀ। ਜਦ ਕਿ ਸਿਮਰਨ ਨੇ ਮਹਿਰੂਨ ਕਲਰ ਦਾ ਹੈਵੀ ਘੱਗਰਾ ਕੈਰੀ ਕੀਤਾ। ਨਾਲ ਹੀ ਮੈਚਿੰਗ ਜਵੈਲਰੀ ਉਨ੍ਹਾਂ ਉੱਤੇ ਖੂਬ ਫੱਬ ਰਹੀ ਸੀ।
ਗੁਰਿਕ ਅਤੇ ਸਿਮਰਨ ਪਿਛਲੇ ਕੁੱਝ ਸਾਲਾਂ ਤੋਂ ਰਿਲੇਸ਼ਨ ਵਿੱਚ ਸਨ। ਦੋਨੋਂ ਅਕਸਰ ਆਪਣੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ਉੱਤੇ ਸ਼ੇਅਰ ਕਰਦੇ ਰਹਿੰਦੇ ਹਨ। ਖਾਸ ਗੱਲ ਇਹ ਸੀ ਕਿ ਦੀਪਿਕਾ – ਰਣਵੀਰ ਦੇ ਵਿਆਹ ਵਿੱਚ ਕੈਟਰਿੰਗ ਕਰਨ ਵਾਲੇ ਸੰਜੈ ਵਜੀਰਾਨੀ ਨੇ ਇੱਥੇ ਵੀ ਮਹਿਮਾਨਾਂ ਲਈ ਖਾਣ ਦਾ ਇੰਤਜਾਮ ਕੀਤਾ।