ਇਨ੍ਹਾਂ ਦਿਨਾਂ ’ਚ ਸੀਆਈਐੱਸਐੱਫ (Central Industrial Security Force) ਦਾ ਇਕ ਜਵਾਨ ਕਾਫੀ ਚਰਚਾ ’ਚ ਹੈ। ਇਸ ਜਵਾਨ ਦਾ ਨਾਂ ਸੋਮਨਾਥ ਮੋਹੰਤੀ ਹੈ। ਸੋਮਨਾਥ ਮੋਹੰਤੀ ਨੇ ਹਾਲ ਹੀ ’ਚ ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰਾ ਸਲਮਾਨ ਖ਼ਾਨ ਨੂੰ ਕੋਵਿਡ-19 ਤੇ ਸੁਰੱਖਿਆ ਜਾਂਚ ਦੇ ਪ੍ਰੋਟੋਕਾਲ ਦੇ ਚੱਲਦੇ ਮੁੰਬਈ ਏਅਰਪੋਰਟ ’ਤੇ ਰੋਕਿਆ ਸੀ। ਜਿਸ ਤੋਂ ਬਾਅਦ ਸੋਮਨਾਥ ਮੋਹੰਤੀ ਲਗਾਤਾਰ ਚਰਚਾ ’ਚ ਹਨ।
ਆਪਣੀ ਡਿਊਟੀ ਨੂੰ ਇਮਾਨਦਾਰੀ ਨਾਲ ਕਰਨ ’ਤੇ ਸੋਸ਼ਲ ਮੀਡੀਆ ਰਾਹੀਂ ਸੋਮਨਾਥ ਮੋਹੰਤੀ ਦੀ ਹਰ ਕਿਸੇ ਨੇ ਤਰੀਫ ਕੀਤੀ ਹੈ। ਉੱਥੇ ਹੀ ਹਾਲ ਹੀ ’ਚ ਮੀਡੀਆ ’ਚ ਇਸ ਤਰ੍ਹਾਂ ਦੀਆਂ ਖ਼ਬਰਾਂ ਸੀ ਕਿ ਮੀਡੀਆ ਨਾਲ ਗੱਲ ਕਰਨ ਦੀ ਵਜ੍ਹਾ ਨਾਲ ਸੋਮਨਾਥ ਮੋਹੰਤੀ ਦਾ ਮੋਬਾਈਲ ਫ਼ੋਨ ਜਬਤ ਕਰ ਲਿਆ ਗਿਆ ਪਰ ਹੁਣ ਸੀਆਈਐੱਸਐੱਫ ਨੇ ਇਸ ਤਰ੍ਹਾਂ ਦੀਆਂ ਖ਼ਬਰਾਂ ਦਾ ਖੰਡਨ ਕੀਤਾ ਹੈ। ਨਾਲ ਹੀ ਕਿਹਾ ਹੈ ਕਿ ਸੋਮਨਾਥ ਮੋਹੰਤੀ ਨੂੰ ਆਪਣੇ ਕੰਮ ਦੇ ਪ੍ਰਤੀ ਪ੍ਰੋਫੈਸ਼ਨਲ ਰਵੱਈਆ ਦਿਖਾਉਣ ਲਈ ਉਤਸ਼ਾਹਤ ਕੀਤਾ ਗਿਆ ਹੈ। ਇਹ ਜਾਣਕਾਰੀ ਖ਼ੁਦ ਸੀਆਈਐੱਸਐੱਫ ਨੇ ਮੀਡੀਆ ਨੂੰ ਦਿੱਤੀ ਹੈ।