ਸਲਮਾਨ ਖਾਨ ਦਾ ਛੋਟਾ ਭਰਾ ਅਰਬਾਜ਼ ਇਨ੍ਹੀਂ ਦਿਨੀਂ ‘ਦਿ ਇਨਵਿਨਸੀਬਲਜ਼ ਵਿਦ ਅਰਬਾਜ਼ ਖਾਨ’ ਨੂੰ ਲੈ ਕੇ ਸੁਰਖੀਆਂ ‘ਚ ਹੈ। ਸ਼ੋਅ ਦੀ ਸ਼ੁਰੂਆਤ ‘ਚ ਉਨ੍ਹਾਂ ਦੇ ਪਿਤਾ ਸਲੀਮ ਖਾਨ ਨਜ਼ਰ ਆਏ, ਜਿਨ੍ਹਾਂ ਨੇ ਉਨ੍ਹਾਂ ਦੀ ਜ਼ਿੰਦਗੀ ਨਾਲ ਜੁੜੇ ਕਈ ਪਹਿਲੂਆਂ ‘ਤੇ ਚਰਚਾ ਕੀਤੀ। ਹੁਣ ਅਗਲੇ ਐਪੀਸੋਡ ‘ਚ ਅਰਬਾਜ਼ ਖਾਨ ਦੀ ਨਵੀਂ ਮਹਿਮਾਨ ਬਣਨ ਜਾ ਰਹੀ ਹੈ ਉਨ੍ਹਾਂ ਦੀ ਮਤਰੇਈ ਮਾਂ ਤੇ ਆਪਣੇ ਸਮੇਂ ਦੀ ਮਸ਼ਹੂਰ ਅਦਾਕਾਰਾ ਹੈਲਨ। ਹੈਲਨ ਇਸ ਸ਼ੋਅ ‘ਚ ਕਈ ਅਣਸੁਣੀਆਂ ਗੱਲਾਂ ਦਾ ਖੁਲਾਸਾ ਕਰਦੇ ਹੋਏ ਆਪਣੇ ਪੁਰਾਣੇ ਦਿਨਾਂ ਨੂੰ ਯਾਦ ਕਰਦੀ ਨਜ਼ਰ ਆਵੇਗੀ। ਉਹ ਸਲੀਮ ਖਾਨ ਨਾਲ ਆਪਣੇ ਅਫੇਅਰ, ਵਿਆਹ ਤੇ ਸਲਮਾ ਖਾਨ ਬਾਰੇ ਬਹੁਤ ਕੁਝ ਦੱਸਣ ਵਾਲੀ ਹਨ।
ਸਲਮਾ ਨੂੰ ਦੇਖ ਕੇ ਲੁਕ ਜਾਂਦੀ ਸੀ ਹੈਲਨ
ਅਰਬਾਜ਼ ਖਾਨ ਦੇ ਨਾਲ ਇਨਵਿਨਸੀਬਲਜ਼ ਦੇ ਤਾਜ਼ਾ ਐਪੀਸੋਡ ‘ਚ ਹੈਲਨ ਨੇ ਉਨ੍ਹਾਂ ਦਿਨਾਂ ਨੂੰ ਯਾਦ ਕੀਤਾ ਜਦੋਂ ਉਹ ਸਲੀਮ ਖਾਨ ਦੇ ਪਿਆਰ ਵਿੱਚ ਪਾਗਲ ਸੀ। ਉਸ ਨੇ ਦੱਸਿਆ ਕਿ ਕਿਵੇਂ ਉਹ ਸਲਮਾ ਖਾਨ ਨੂੰ ਦੇਖ ਕੇ ਲੁਕ ਜਾਂਦੀ ਸੀ। ਜਦੋਂ ਵੀ ਉਹ ਬੈੱਡਸਟੈਂਡ ਦੇ ਸਾਹਮਣੇ ਤੋਂ ਲੰਘਦੀ ਸੀ ਤਾਂ ਉਸ ਨੂੰ ਪਤਾ ਲੱਗ ਜਾਂਦਾ ਕਿ ਸਲਮਾ ਬਾਲਕੋਨੀ ‘ਚ ਖੜ੍ਹੀ ਹੋਵੇਗੀ ਤੇ ਉਸ ਨੂੰ ਦੇਖ ਕੇ ਉਹ ਸਿਰ ਨੀਵਾਂ ਕਰ ਕੇ ਤੁਰ ਪੈਂਦੀ ਤਾਂ ਜੋ ਸਲਮਾ ਉਸ ਨੂੰ ਨਾ ਸਕੇ ਤੇ ਸੋਚੇ ਕਿ ਕਾਰ ਖਾਲੀ ਹੋਵੇਗੀ। ਸਲਮਾ ਖਾਨ ਬਹੁਤ ਪਿਆਰੀ ਹੈ। ਮੈਂ ਜਾਣਦੀ ਹਾਂ ਕਿ ਉਸ ਲਈ ਸਲੀਮ ਨਾਲ ਮੇਰੇ ਰਿਸ਼ਤੇ ਨੂੰ ਸਵੀਕਾਰ ਕਰਨਾ ਬਹੁਤ ਮੁਸ਼ਕਲ ਰਿਹਾ ਹੋਵੇਗਾ। ਪਰ ਇਸ ਪਰਿਵਾਰ ਨੇ ਮੈਨੂੰ ਪੂਰੇ ਦਿਲ ਨਾਲ ਅਪਨਾਇਆ, ਕਦੇ ਵੀ ਮੈਨੂੰ ਅਤੇ ਸਲੀਮ ਖਾਨ ਨੂੰ ਵੱਖ ਨਹੀਂ ਕਰਨਾ ਚਾਹਿਆ।
ਸਲਮਾ ਖਾਨ ਨੂੰ ਸਹਿਣਾ ਪਿਆ ਸੀ ਬਹੁਤ ਕੁਝ
ਇਸੇ ਸ਼ੋਅ ‘ਚ ਹੈਲਨ ਨੇ ਇਹ ਵੀ ਦੱਸਿਆ ਕਿ ਸਲੀਮ ਖਾਨ ਨੇ ਉਸ ਨੂੰ ਕੰਮ ਦਿੱਤਾ ਸੀ। ਸਲੀਮ ਨੇ ਉਨ੍ਹਾਂ ਨੂੰ ਰੋਲ ਪਲੇਅ ਕਰਨ ਲਈ ਦਿੱਤਾ, ਹੌਲੀ-ਹੌਲੀ ਉਹ ਦੋਸਤ ਬਣ ਗਏ। ਦੱਸ ਦੇਈਏ ਕਿ ਸਲੀਮ ਖਾਨ ਨੇ 1980 ਵਿੱਚ ਹੈਲਨ ਨਾਲ ਵਿਆਹ ਕੀਤਾ ਸੀ। ਸਲੀਮ ਉਸ ਸਮੇਂ ਪਹਿਲਾਂ ਹੀ ਸ਼ਾਦੀਸ਼ੁਦਾ ਸਨ। ਹੈਲਨ ਨੇ ਕਿਹਾ ਕਿ ਸਲਮਾ ਨੂੰ ਕਾਫੀ ਦੁੱਖ ਝੱਲਣਾ ਪਿਆ ਹੈ
ਕਿੱਥੇ ਦੇਖ ਸਕਦੇ ਹੋ ਤੁਸੀਂ ਅਰਬਾਜ਼ ਖਾਨ ਦਾ ਸ਼ੋਅ ?
ਅਰਬਾਜ਼ ਖਾਨ ਦਾ ਇਹ ਸ਼ੋਅ ਬਾਲੀਵੁੱਡ ਬਬਲ ਦੇ ਯੂਟਿਊਬ ‘ਤੇ ਦੇਖਿਆ ਜਾ ਸਕਦਾ ਹੈ। ਇਹ ਛੇ ਭਾਗਾਂ ਵਾਲੀ ਚੈਟ ਸੀਰੀਜ਼ ਹੈ, ਜੋ ਹਾਲ ਹੀ ‘ਚ 2 ਫਰਵਰੀ ਨੂੰ ਲਾਂਚ ਕੀਤੀ ਗਈ ਸੀ।