ਸਜਾਵਟ ਲਈ ਰੱਖੀ ਗਈ ਡਾਇਨਾਸੌਰ ਦੀ ਵਿਸ਼ਾਲ ਮੂਰਤੀ ਕਿਸੇ ਦੇ ਮੌਤ ਦਾ ਕਾਰਨ ਵੀ ਬਣ ਸਕਦੀ ਹੈ। ਅਜਿਹਾ ਕਿਸੇ ਨੇ ਸੋਚਿਆ ਨਹੀਂ ਹੋਵੇਗਾ। ਦਰਅਸਲ ਸਪੇਨ ਦੇ ਬਾਰਸੀਲੋਨਾ ‘ਚ ਅਜਿਹਾ ਹੀ ਇਕ ਮਾਮਲਾ ਸਾਹਮਣੇ ਆਇਆ ਹੈ। ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਨੌਜਵਾਨ ਦਾ ਮੋਬਾਈਲ ਮੂਰਤੀ ਦੇ ਅੰਦਰ ਡਿੱਗ ਗਿਆ ਸੀ
ਜਿਸ ਨੂੰ ਕੱਢਣ ਦੀ ਕੋਸ਼ਿਸ਼ ਕਰ ਰਿਹਾ ਨੌਜਵਾਨ ਖ਼ੁਦ ਵੀ ਉਸ ਦੇ ਅੰਦਰ ਡਿੱਗ ਗਿਆ ਤੇ ਉਥੇ ਫਸਣ ਕਾਰਨ ਉਸ ਦੀ ਮੌਤ ਹੋ ਗਈ।ਲਾਪਤਾ ਨੌਜਵਾਨ ਦੀ ਲਾਸ਼ ਡਾਇਨੋਸੌਰ ਦੀ ਵੱਡੀ ਮੂਰਤੀ ਦੇ ਅੰਦਰ ਮਿਲੀ। ਇਹ ਮੂਰਤੀ ਬਾਰਸੀਲੋਨਾ ਦੇ ਸੈਟੇਲਾਈਟ ਟਾਊਨ ‘ਚ ਹੈ। ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਨੌਜਵਾਨ ਡਾਇਨਾਸੌਰ ਦੇ ਪੇਟ ਰਾਹੀਂ ਅੰਦਰ ਗਿਆ ਹੋਵੇਗਾ ਤੇ ਉਸ ਦੇ ਪੈਰ ਦੇ ਹਿੱਸੇ ‘ਚ ਡਿੱਗ ਗਿਆ ਜਿੱਥੇ ਫਸਣ ਨਾਲ ਉਸ ਦੀ ਮੌਤ ਹੋ ਗਈ। ਸਪੈਨਿਸ਼ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਬਾਰਸੀਲੋਨਾ ਦੇ ਸੈਂਟਾ ਕੋਲੋਮਾ ਡੇ ਗ੍ਰਾਮੇਨੇਟ ‘ਚ ਸਥਿਤ ਪੇਪੀਅਰ ਮੈਕ ਤੋਂ ਆ ਰਹੀ ਬੁਦਬੂ ਨੇ ਇਕ ਪਿਤਾ-ਪੁੱਤਰ ਦੀ ਜੋੜੀ ਨੇ ਧਿਆਨ ਆਪਣੇ ਵੱਲ ਖਿੱਚਿਆ ਤਾਂ ਇਸ ਤੋਂ ਬਾਅਦ ਪਿਤਾ ਨੇ ਡਾਇਨਾਸੌਰ ਦੇ ਪੈਰ ‘ਚ ਪਈ ਦਰਾਰ ‘ਚ ਦੇਖਿਆ ਤਾਂ ਅੰਦਰ ਲਾਸ਼ ਹੋਣ ਦੀ ਜਾਣਕਾਰੀ ਪ੍ਰਾਪਤ ਹੋਈ ਤੇ ਉਨ੍ਹਾਂ ਨੇ ਤੁਰੰਤ ਇਸ ਦੀ ਜਾਣਕਾਰੀ ਪੁਲਿਸ ਨੂੰ ਦਿੱਤੀ। ਇਸ ਤੋਂ ਬਾਅਦ ਅਧਿਕਾਰੀਆਂ ਨੇ ਸ਼ਨੀਵਾਰ ਨੂੰ ਪੜਤਾਲ ਸ਼ੁਰੂ ਕੀਤੀ ਤੇ ਪੁਲਿਸ ਮੁਤਾਬਕ ਪਰਿਵਾਰ ਨੇ ਇਸ ਵਿਅਕਤੀ ਦੇ ਲਾਪਤਾ ਹੋਣ ਦੀ ਰਿਪੋਰਟ ਦਰਜ ਕਰਵਾਈ ਸੀ।