ਰੱਬੀ ਜੱਗ
ਰੱਬ ਉਹਨਾਂ ਦੀ ਮਦਦ ਕਰਦਾ ਹੈ
ਜੋ ਪੱਕੀਆਂ ਪੱਕਾਈਆਂ ਖਾਂਦੇ ਨੇਂ
ਜੋ ਲੁੱਟਦੇ ਦੁਨੀਆਂ ਨੂੰ ਹਰ ਪਲ
ਜੋ ਮਲ ਮਲ ਤੀਰਥ ਨਹਾਂਉਦੇ ਨੇਂ
ਜੋ ਛੱਕਣ ਚੜਾਵੇ ਦੀ ਮਾਇਆ
ਜੋ ਦੁਧੀਆ ਵਸਤਰ ਪਾਂਉਦੇ ਨੇਂ
ਜੋ ਮਨਾਂ ਦੇ ਅੰਦਰ ਜਹਿਰ ਭਰਨ
ਜੋ ਅੱਗ ਧਰਮਾਂ ਵਿੱਚ ਲਾਂਉਦੇ ਨੇਂ
ਜੋ ਤਿੱਲ ਤਿੱਲ ਮਾਰਨ ਮਾੜੇ ਤਾਂਈ
ਜੋ ਹੱਕ ਮਜ਼ਦੂਰ ਦਾ ਖਾਂਦੇ ਨੇਂ
ਜੋ ਰਿਜ਼ਕ ਨੇ ਖੋਹਦੇ ਭੁਖਿਆਂ ਤੋਂ
ਜੋ ਰੱਜਿਆਂ ਤਾਂਈ ਰਜਾਂਉਦੇ ਨੇਂ
ਜੋ ਅੌਰਤ ਨੂੰ ਸਮਝਣ ਅਵਲਾ
ਜੋ ਢਿਡ ਵਿੱਚ ਧੀ ਮਰਵਾਂਉਦੇ ਨੇਂ
ਜੋ ਰੱਬ ਦੇ ਨਾਂ ਤੇ ਕਤਲ ਕਰਨ
ਜੋ ਜਿਉੰਦੇ ਜੀਵ ਤੜਪਾਉਦੇ ਨੇਂ
ਜੋ ਝੂਠ ਫਰੇਬ ਨਾਲ ਰਾਜ ਕਰਨ
ਜੋ ਨਸ਼ਿਆਂ ਨਾਲ ਭਰਮਾਂਉਦੇ ਨੇਂ
ਜੋ ਵੰਡੀਆਂ ਪਾਉਂਦੇ ਦੁਨੀਆਂ ਤੇ
ਜੋ ਮੰਦਿਰ ਮਸਜਿਦ ਢਹਾਂਉਦੇ ਨੇਂ
ਜੋ ਘਰ ਤੋਂ ਕੱਢ ਦੇ ਮਾਪਿਆ ਨੂੰ
ਬਿੰਦਰਾ ਉਹ ਰੱਬ ਨੂੰ ਪਾਂਉਦੇ ਨੇਂ
( &&&&&& @@@@@@)
Binder jaan e sahit
ربی جگّ
ربّ اوہناں دی مدد کردا ہے
جو پکیاں پکائیاں کھاندے نیں
جو لٹدے دنیاں نوں ہر پل
جو مل مل تیرتھ نہانؤدے نیں
جو چھکن چڑاوے دی مایہ
جو ددھیا وستر پانؤدے نیں
جو مناں دے اندر زہر بھرن
جو اگّ دھرماں وچّ لانؤدے نیں
جو تلّ تلّ مارن ماڑے تانئی
جو حق مزدور دا کھاندے نیں
جو رزق نے کھوہدے بھکھیاں توں
جو رجیاں تانئی رجانؤدے نیں
جو عورت نوں سمجھن اولا
جو ڈھڈ وچّ دھی مروانؤدے نیں
جو ربّ دے ناں تے قتل کرن
جو جؤندے جیو تڑپاؤدے نیں
جو جھوٹھ فریب نال راج کرن
جو نشیاں نال بھرمانؤدے نیں
جو ونڈیاں پاؤندے دنیاں تے
جو مندر مسجد ڈھہانؤدے نیں
جو گھر توں کڈھ دے ماپیا نوں
بندرا اوہ ربّ نوں پانؤدے نیں